¹ Sidi nga o karanga de feye bala, mangbo neke tokana go Yerusalema de ke Baranaba, naza diri Tito de ma, ² Anongbo sidinga loto te mangbo lé. Mangbo to fewuo ngali Eme no te mangbo shudha fe o hi le Eme de, mangbo to anga f onongbo bi dje anga de jo guma, tongoka na ndala kokorode. ³ Engo bili ta Tito, nongbo dema, engingbo de Greke, eya le. ⁴ Tongoka no, toka ositi ondayi no le enani ete oya koto esugani, toka natsia malonga kaha de Yezu Kirisitu, de nama ba akoto o bali kawuo. ⁵ Anotse fewuo kadje bili de te niyahi gumani toka na mele ongo esa makpama kawuo, ba ngbili ngali Eme tiga esugayi. ⁶ Ono notiga ka bakana ongama egilano, tano so: Eme yala kpara bili de, ono ngbo bakana o ngama ongbo fa engo bili de. ⁷ Go madji, natsia ba ngali Eme toteye ete fema tongoka na o hi le Eme de, bakana Petero fe o hi le Eme, ⁸ Sono kpara nomele ba Petero koto apostolu ka o hi le Eme ingi mele diri de ma apostolu ka o hi le de. ⁹ Na mbela ngo na grasiya no to teye fema, Yakobo, Cefaso de Yoani, ongbo tsiawuo bakana o imbela, tonani fema, ema de Baranaba, bitekpa, toka namele sidinga o hi le de, tewuo sidinga o hi lélè. ¹⁰ Onoto fe ha be matima gongo ka omoro tsinga, no te manozanga go jo malila. ¹¹ Engo bili ta go dhingaa te Cefaso neke ete go Atiokiya, mano yala engo kangi mbara esuga okpara, zambi engi toyi na mele sisiti. ¹² kokorode, na gilano ba ombo kpara te Yoani notima wo koto, engi ya gbeke teye sidi de nangbo bi toka na tsoro de o hi lèlè. ¹³ Dengi mini o gara Oyuda oto na malangu na mele osiitingo, te Baranaba to mini na fata ositingo kawuo no. ¹⁴ Na tsia ba ongbo dhoko tokana de go ngbili ngali Eme, manofa fe Cefaso, go djila okpara nde: te emo ngbongbo o hi Yuda, mote dhoko bakana o hi le Eme de te mote mele temo bakana Oyuda de, tokane mo te ndutu o hi le de namele makpama ka Oyuda? ¹⁵ Eni, ade Oyuda na mazu, te omoro ligbiri de esuga o pagano. ¹⁶ Tangbo ba, nambela ba a tongoka o jojongo ka makpama de kpara gbo gaye ete, engo bili ta toka male ka Yezu Kirisitu, eni mini ano leyi Yezu Kirisitu, te ojojongo na makpama de, kokorode kpara bili gbo gaye toka ojojongo na makpama. ¹⁷ Engo bili ta, fe ne nitema na gbo toka Kirisitu, tanongbo ba anongbo be meleha o pagano, Kirisitu ngbongbo ngama na ligbiri? Anga ba de! ¹⁸ Sono te maleke ongote mano wuza, mamele be dera iwuza, ¹⁹ Sono ago makpama deno te manokpi ete, toka nakowho kanga Eme. ²⁰ Onogbora go kuruse de Kirisitu, te mangbo go makowho, adera de, anga de Kirisitu tera, te mangbo ko makowho na kote enane, makowho go male toka enga Eme, no kondanira tengi ya toteye go kpi fema. ²¹ Matse garasia ka Eme, sono ngbilingo zateye go makpama, Kirisitu kpinani bi kokoro.