¹ Emalwa ne sombayo kwimwe abithoka hayi? bithali abihuluka mombusha senyu mbimbi so siletha bita kubobabukwamire? ² Amulabwa kyomuthaithe. Amuitha ni phanamwisho kukyomuthaithe. Amulwa ni haya kandi ni muthibone kubushi muthe muhema Ongo. ³ Munabamwahema muthabona kubushi munahema bushi na binwa bibi mulibyomuhema amushonda ikolesabyo mwishasha lyenyu lithakwire. ⁴ Mwebandu bebibi, muthechikweribya mwira wekihuo nibya mushumba ku Ongo? Kwebyo yo uyi singa ebwira bwekihuo ayi iramo mushumba ku Ongo. ⁵ Imwe amuanitsa mbuenjakano ithaliki yiriayineena : emithima ahiraa momibiriethu akangwakuro bushinethwe. ⁶ Wethuwe Ongo ni wa shashi nyingi, kyokithuma soshako asineena, '' Ongo athatsiira mundu wa kihangu he anahana shashi kubalanvu''. ⁷ Bathyo, muyisibule ku Ongo. Murokere Ibilisi naye eyiphunda hale nemwe. ⁸ Muyiphunde hofi na Ongo neye ebahomusike kwimwe. Mukarabe minwenyu mwebandu bebibi, mushongole emithimenyu mwe bandu bethubiri-thubiri. ⁹ Mube na buliye, mushabaana nilira. Mubindule mashekenyu bubye bulio ne songowa senyu sibye ishabaana. ¹⁰ Muyibombeke mwebene yabushondotsi bwa Nina kuwethu naye abashumba yoluulu. ¹¹ Muthehere therana mwebene, banabethu. Yuthonga munyakyabo neri muchira lubanja, anaba niaya emiomba ya Ongo. Mwame aya emiomba nimuthashikitse miomba, imwe niaububurania emiomba. ¹² Nimiuuma musha yo unaletha miomba yowangaburania, Ongo, iye yowithe erikochia lyerilamya nerihetsa. Iwewe ulinde wiaya mulikyenyu? ¹³ Muhulikiritse, imwe amuneena, '' Munawire kuthi mumakera thwendeya kumuyi mulebe, nerikalako lwa mwaka, nikola buutsi, thubone mongerero''. ¹⁴ Ninde yowechi ngaki kyokyende huluka mumakera nebuingo bwenyu ni kilino-lino? Kubushi munali nga luhohe aluhuluka nakonandambi nilwameliribana. ¹⁵ Shakiro nimwanga neena, '' Hali ishasha lya Ninakuwethu, thukinaliho thwendeya kolekinakirira''. ¹⁶ He kondambi kuna amuyishusha bushi bweritheekania lenyu. ¹⁷ Nabathyo kuyowechi erikola bibuya athakolirebyo oyoyo ni alina bibi.