¹ Mwiche linolino, mwe bashoki, mulire mulenge wihambala kubushi ebulio bwenyu bwamebahikira. ² Ebushoki bwenyu bwamebihibwa ne songimba senyu samethafunywa na mushwa wibihya. ³ Sonoro senyu nebihasha byenu byamebusha bubuya, neribihya lyabyo nihano kwimwe lye shiiritsa emibirienyu ngakuno muchanwa mwamiyibikira bihasha bye kiro kitsindu. ⁴ Thamwaitheeretsa, eluhembo lwa bobabukole mirimo bo muthechi mwahemba bobana baasikya kwisholae myakenyu abalira? Ne kiriro kyabobana sholemyakenyu yamehika momathwi wa Waliha we barayi. ⁵ Mumoereiikala mobibi byenyu. Amuphetsa emithima enyi kokiro kyerikerwa. ⁶ Mwame aya emubuya neriithayo uthanga bakubisa. ⁷ Kubathyo mushike, banabethu, kwihika lya Waliha, nge muhingi kwa nalinde myaka mibuya yoyi huluka moluthaka, analindirira ni setsa muthima, nvula mbere ne nsindu yamemaliwa. ⁸ Kandi muyisimike, musetse mithima kubushi erihika lya waliha lyahera hofi. ⁹ Bana bethu mutheherephebana mwebene kumwebene, muthangende chirwa lubanja. Tsene younaburania ali holukyo. ¹⁰ Banabethu emuani wemalio neri setsa mithima lye bahamutsi bali behere neena kwitsina lya waliha. ¹¹ Unatsene, athwahulabo mbu '' balimwiisha'' Munaonva eriyisimika lyo Yobu, kandi munechi ebibuya Ongo akolera Yobu. Nako Ongo alinashashi nyingi nabubuya. ¹² Yoluulu kobyoshi, banabethu, nimuthilahitse, angabya ko buthuku kuthi kokihuo, kuthi na lindi lahitsa. Kinowashe, '' Enga'' enyu yibye '' enga'' ne '' kiro'' ibye '' kiro'' muthangendethoerwa na lubanja. ¹³ Halimuuma kwimwe youli na malio? Atholere niahema. Imwe, haliyoushaalukire kwimwe? aimbe nyimbo si singya. ¹⁴ Imwe hali muuma wamelwala kwimwe? abarangire bakungu bekihemero, ne bakungu bekihemero bamuhemere, nimuhaka maphutha kwitsina lya Waliha. ¹⁵ Ne mahemo weriikiritsa lyabo nia lamya makoni na Waliha niemushuma. Na alishakola bibi Ongo niamushashira. ¹⁶ Mukumbulirane ebibi byenyu mwebene, nerihemerana buli mundu na mulikyabo mukochye ilamibwa. Emahemo we mundiwiyira anakola bingi. ¹⁷ Elia abya mundu uthushoshire ahemaa na muhwa mbu envula ithawaa, mo ithawa kokihuo kulwa miaki shathu na mietsi ndathu. ¹⁸ Kandi Elia ashube hema, ne buthuku bwame shesha nvula ko kihuo, ne kihuo akibutha myaka. ¹⁹ Mwebanyakyethu, hali hangaba yongahera athoka monzira ye kahabuko na undi mundu akamufulukya. ²⁰ Oyo aminye kwe mundu youhana emundu webibi athoke monzira yiwe nyibi ye kihera oyo endeba niamehabula emuthima uwe kwipha oyo niametsibira bungi bwe bibi.