¹ Banabethu, mweboshi muthangokochibya bahani, muminye kuthwende chirwa lubanja lutsibu. ² Kubushi thweboshi thunahemuka munzira nyingi, na hali mundu yuthachinga chikala mobinwa biwe, oyo nilumirire niangakochya itheya emubiri uwe woshi. ³ Kandi ngakothunahirangobamobunu bwe sondaobwa natho ni sa thwikiritsa ni thwakochya eribindula emibiri yotho yoshi. ⁴ Shubeminya kwe bwatho namobobwangabya bunene bunahekwa na mbeho nzibu, yoyi huluka kukisandukya lukimba kilotsabo ehoshi he muendya wabo ashashire. ⁵ Nelulimi he lunayihala binwa bingi tsene endokolo nene inaokibwa na shisha ngeya muchanwa?. ⁶ Elulimi nalo ni muchanwa, ni kihuo kya bibi, luhirwe haume ne bithambo bye mubiriethu lunabiha emubiri woshi nilwabihya ebuingo bwethu nilwahira emibiriethu ko muchanwa na lolwene nilwa okibwa momuchanwa wa kwerunga. ⁷ Buli muhanda wa nyama ndokolo, mironge, byobikululuka ne sonyama sinalendera monyanja binahangwa na bandu. ⁸ Wethuwe hathali mundu kiro na muke yowangakochya erihanga elulimi, ni lubi buthahumbirira luochwire shomyo yeriitha. ⁹ Molulimi thunasingya Ongo thatha, kandi lothunathakiramo ebandu babumbawa mo shushani ya Ongo. ¹⁰ Mobunuomo munathoka eriashanitsa kandi momunahuluka emathandi. Bana bethu ko bithangaherireba bathyo. ¹¹ Imwe, ekiribu kiuma kyanganathokya mechi asheerere na lombire? ¹² Bana bethu Museituni ne musabibu bya anganabutha biuma bithali ngorwa? Kandi eshokoyemechi alimomunyu ithanga shokamo mechi athalimo munyu. ¹³ Ninde kwime youithe bwenge neriminya? Ewo emunduoyu ayishungule akangye buyingo bubuya mumirimoyi yithondoka iriahuluka kobwenge. ¹⁴ Hemukinali na mwisho neriyi shunga momithimenyu, muthayishungaa nibesiha muliamukubisa byobitholere. ¹⁵ Obo buthali bwenge buhulukire yolululu, obubulibo nibwe kihuo, buthe bwe muthima, nibwamutsimu. ¹⁶ Kubushi hohali mwisho neriyishunga, liri hohali lubuyo na buli kindu kibi. ¹⁷ Ebwengwe buhulukire yoluulu kolumbere bukwirire kandi butsiire buholo, bulonvi, lukoo, buochwire shashi na biuma bibuya buthathondoola bandu niira. ¹⁸ Nekiuma kye bubuya ni kyaherwa mubuholo kuboba kola ebinwa bye buholo.