¹ Banyekethu muthakwamaa erikiritsa lya ninakuwethu Yesu-Krusto aliyo ninakuwethu welubaho, aliathondoala bauma-bauma. ² Hakabya mundu mulebe ambithe mishee ya mulinga na ngimba sikwirire, hakahika muliolio ambithe ngimba sa mikonzi momihindan'enyu. ³ Nimwaalukira wesongimba mbuya kutsibu nimwabwira emuchene, iwewe yauimane halaa, '' hathe bathyo'' wikala hishi we bishando byaye''. ⁴ Mulimwe, muthali muchirana manja mwena bene, nichamanja samianitse mibi? ⁵ Muthee mathwi banyakiethu banzii, imwe Ongo mwathashombola ebachene bekihuo babye bashoki mwikiritsa neriimikwa mobwami bwa laanirwa kubobamutsiire? ⁶ Mulimwemunenire ebachene? imwe ebashoki bathali bobabuininiritsa, kandi bathali bobabuhurubanira mo ngomo? ⁷ Ewo bathali ebashoki bobahangya eritsina ibuya lyo mwabarangirawamo? ⁸ Kobinali, ngakomushikitse mahano kwa shakawa mo njakano, '' Tsiira mulikyenyu ngiwe wowene''; amukola kubuya. ⁹ He muliamuthondoola bandu bauma, niamukola bibimwendechirwa lubanja kwibihye mahano. ¹⁰ Kubushi yowechi emahano woshi amechikala kwiuma ni mehatsa ko mahano woshi. ¹¹ Kubushi Ongo aneenaa, '' uthasingiraa'' Yowana neenaa '' uthaithaa, uliuthasingira wethuwe uli mwithi aho niwanahalitse komahano wa Ongo. ¹² Kwaho musimolerane niikiritsa ko mulihofi werichirwa lubanja lwa bwiranda. ¹³ Kubushi elubanja aluhika butsira shashi kubobathaithe shashi. Soshashi siyithundulikire yoluulu wemahano. ¹⁴ Halibubuyaki, mwebanyekyethu emundu alianeena mbuikiritse naye emikolere athali naro? Aliyeeriimirira lyanga muufula?. ¹⁵ Alimunyekyethu muyira abe wa bukatsi alaire ku lukimba kuthi y biryo byabiro byoshi. ¹⁶ Namuuma kwimwe akabwirabo '' yamuothe kumuchanwa kandi mulye kushe, '' mulimwe ni muthaherebbo kye mubiri alaireko, ebyo biri na muashoki?. ¹⁷ Kobiri bathyo eriikiritsa kuroshi lithaithe mikolere, niliphire. ¹⁸ Handi hake haliyowanganeena, '' ingye niikiritse, naundi ingye niithe mikolere , '' Ngangye erikiritsa lyawe lithaithe mikolere, nangye nekukangiritse eriikiritsa lyaye liri na mikolere''. ¹⁹ Uikiritse kuhali Ongo muuma: Kobinali, he uminye kwe mitsimu naro yikiritse bathyo nerithithimana. ²⁰ Bathyo, ushonda uminye hewe kahumo kweriikitsa lithali na mikolere lithaithe muasho? ²¹ Bathalibathyo kothatha Aburahamu aanjirawa bubuya komikolere abere ahera mwana uwe Isaka ko maherero? ²² Muthatsene kweriikiritsa liwe lyabaamo mirimo, ne mikolere yiwe eriikiritsa liwe lya meyishungushula. ²³ Soshako sashakawa same bererera sineena, '' Abrahamu aimiriraa Ongo, naye ameanjirwa bubuya '' bathyo ameahulwamo mwira wa Ongo. ²⁴ Muthatsene kwemundu anaanjirwa byanakola, lithali eriikiritsa kuroshi. ²⁵ Muthibaminye bathya, muthechi, Rahabu emushingitsi mwatha anjirwa ebibuya akolaa abere alambaitsa soshoni neritsukiabo muundi muhengere?. ²⁶ Nge mubiri kwangaba athaithe muthima niaphire, kobinali eriritsa lithaithe mikolere niliphire.