¹ Mbese nyue ivfamakila bagogulu, ngée ubakokoliai kuku ije; kokolia banongo kuku bawanyinya babalume, ² ubali bandumanga kukubadye, baseke tuku bawanyinya bha bali. ³ Bibai bali bhabusia balume bha boogusia balume angiangili. ⁴ Ani mwali unjogusia mulume ona bh'ama aa ka na bajulu, a bhagulusia mbaniikia busumba a b'anja bibabo, ka ipkudusi anga bubabuta biyo ndunga angabo; Mungusa ibusumba anga Mbali ⁵ Unyo olusi mulume angiangali, ka atila abongo kalesi, k'avfisia bupkalio bw'ese anga Mbali k'atikala butio ka djuwa n'iji komola anga Mbali ta ninetubila. ⁶ Ng'oso otikie osanyo ogua , agwali mbise suku ne vfuma. ⁷ Abasakua emeyo, unguso baguali mbese kobiyo. ⁸ Ani mushe akanda imgbela b'ese, ka bha buauja bwese angiangili, k'atikala ikoli, k'eta bubi bhanjo andimw'ese ukolie. ⁹ Ani unj'ogusia mulume, andese mwakisie b'ijo makumi bukingiandala, kanjo ubia na mulume t'omoi, ande pkaluan'ese a buku. ¹⁰ Aguali n'evfanyisilo ya membo miese, kuku awamisia bhana, akambila asanyo, iyokia makulu bushe bha bukúkú, kambilai bivfanyikilo bitopi ma mikambo mamikima. ¹¹ nge bha bugusia mulume suk'useke utikila, ungusa dhya bhijali kulu ibalugusie anga Klisito, boonduwe isongena kamo. ¹² Ka banekokue k'ibitaka mapatano ma pikilie. ¹³ Ngen'eyo bujiki a buewiyawiya bàgula ike na yavfulu na yavfulu; ka bandese bewiyawiya nge ungulisia miguso mie mi ndese na koko. ¹⁴ Yondue bhaa bugusia balume bhaku baseke bhasongiana, bha butu bona, bha tukulia mandja mabho; mugu anepate egula a mavfia mabho. ¹⁵ Nge ibamo ba pkuda unguso wi nemikaka Mugu. ¹⁶ K'anigha bujelia, balume na bhali ona bha bugusia balume, kia babamgbeli, ka dini lunikuba vfulie, nge ingbeliese ku bugusia mulume angiangili. ¹⁷ Tikia bagagulu bha baluvfusie makamba ekima batumbiana ikima biana miago tamavfili, asa bhaa bakambie mokambo w'ikokosika na wigulusiakia. ¹⁸ Ungusa makuba mavfia taa: unde sangilaie ngombhée anyua kije suku nedia upuma. Ka mushe wa mokambo ostaili na vfuteese. ¹⁹ Mbese ibwiko ne sitaka ugagulu angai, ani sigwala naba samboli tabasaso. ²⁰ Bhaa bakaki bubi, ubavfamela apele na bama batopa, amba bamo bowa na buwa. ²¹ Ya ne lapiana Mbali, apele na Yesu Klisito ka n'apele na ba Ntambia Mbali ibona emambese ilenganyia ka nikia ema n'ikia ema n'iminula. ²² Mbese inemavfisilia mushe mabo nabu mamgba-langba ka mbese ijilumusia a bubi bwa mushe; enilinda awe mukuluo. ²³ nu vfikalayianu ku inyuwa malivfa; nge kambilia kun'engaoka, ungusa likundu ka na ndutu jae ja lekeleke. ²⁴ Bubi bwa bamo bushe bu bwenimbisia, angabamo, yenikianiese k'ambusha. ²⁵ Ka dhyokuto, mekambo mamikima mi mienikone, ka mamibibi mindetika liese mbes'ienikana.