¹ Kaa Upumatina kengo uvfie mangbalangba ta, atutu a bivfumbu, unguso idungina naminguso mabagu moma bolishakie bushe ka na makoko mabagu, ² na makombaki ma bagulisia babi ka ba mipumatinma mabo mowatététi, ³ isakakwa bushe tambesebisonga, ka niguana makidi ma bima biidia bio Mbali ukamba tambidiana tekima anga bushe ba bajibi Mbali. ⁴ Ungusa itopi bio Mbali ukamba bibikima, ka ematewo; indje tuwanise, ilyanie na lobibo, ⁵ mungusa bitopi bibi kengulana na livfia la Mbali ka na malombo. ⁶ Isakakuwa minguso mino anga ba wanya bae, wawae ntende nkima wa Yesu Klisito, ndjo adyisiana na livfia la likima nawaluvfa nao ekima. ⁷ Sika tokaka dja butititi. ⁸ Kiakia mokambo wa dini; munguso ma buabua; nge dini la nkima a minguso mitopi, mina magwaliya ma minguso mya keketino ka na minguso mio miji biye. ⁹ Iyo li livfia l'angili ka lio liekima ni l'ikambila. ¹⁰ Tu kambie, angili, ka tu shianie, mungusa mitima mau na nga Mbali, ndjo u abikisia bushe batopi, nge a pele mbani bondushia bese. ¹¹ Vfia minguso mino, ka iligulusiya. ¹² Mbese a mushe igwala na mabela a bunongo bae, nge gwala evfa,iko anga bakoliá, a mavfia, a evfilae, a buondoshia, a bukolia, a busumba. ¹³ Bonaka minguso ma Mbali, na Bukoko ba bushe, na ,a gulusia . ¹⁴ Mbese isabila mio Mbali anowa, eme yo Mbali unowa Mona a bukoli, ka na mabo ma Bagagulu ikulu naye. ¹⁵ Bona minguso mino, butumu bwaye bugwali nao, mungusa bushe batopi bakeni a pele. ¹⁶ Ngbela makoko maye; ku,aa minguso mino, mungusa ikakia dyito, ajibikisie owe mukulu ao, ka obikisie ba banokie.