¹ Linolivfia livfealio la menen: ani mushe onda bhubi anga dumanga onda emekima. ² Igwali bisumba ta: ukoli wa ambese ijikala na Mulume wa Mwali tomoi, mbese makanyi, na minguso mamikima, nabhua iluvfa lese, ibhiga, kengo igulusia. ³ Aguali mbese ijowa na bhu kolua, mbese bhusungu, mbesepkela bhasungu, mushe wukumanishakia. ⁴ Mbese sini aguali ni nanua bwanja na yavfuluese, adengu ba na bese yondua ni guala mbese ebhela, ⁵ mungusa ani mushe sjibe ananua kubha nene yavfuluyese, titani oko pkeliye yavfulu ya Mbali? ⁶ Mbese ije guala onjo anebasia, keteti no na bhuwa bhata anevfevfe na malonda aku abhutumba mabhugu. ⁷ Yhu kuto bha kakelia na bushe mabovfo mungusa onekolelue ni ikua a mulunga wa Mugu. ⁸ Mokoli bha bhuabhua gyhukulo bushe ba menemene , ⁹ ipkela munguso uwo ujelia asemele na otinga la lukima. ¹⁰ Ka inetchutcha pikilie, na atatika katino baupkeli bhe se ani bha kugélabha. ¹¹ Muali, yhukuto aguali mushe wa menemene, ka ananua bha na mese, akoko bushe, mbese ikokaka upumatima ta tutu, umbese ibhe na malume bhamo, ipkela bitopa. ¹² Bha koli bhi tchi labho bha guali mulume wa mualito moy na anjo unanue tekima banabhese ka na ya vfulu yese ku ba nene; ¹³ Ka anja ijalisia tekima akumbo wese onjo onduwe minguso ka na bhudhi bha upumatima anga Yesu Klisito. ¹⁴ ya anepkalulia bhima bhino nepkalea ikena kitetino atungawai, ¹⁵ ka osibhani ya livfia, nge, obhoni na tita ni ojilu ufusi ayavfulu ya mbali, iyo i utuwa wa Mbali unjo a majo, liganga na bhotumbia wa angelangili. ¹⁶ Nge, sombiilambula ikobha la minguso tadyene: iyo kweni kana amobhi, ka ya jibhi ka na koti o apumatima, bhatambia mamena, iyo wa makoko, kisitopa inemoka iji bhenulo asemele elomba.