¹ Yabhadjibhisia, apele na bhimabhitopa na nuwe inevfema Mbali, inebomula, itanganishia minguso ma mekambo ma bhushe, ² Bakota na bhushe bhatopi baabubatemiya abhukota, abhusa tupati maisha ma makima na guwe, aminguso mikima m' ángili. ³ Dya iekima idjibha na pele na Mbali abikisia wasu, ⁴ Ondu yese ta bhushe bhatopi bhabhiki, ka bou o'otinga l'angiliangili. ⁵ Munguso Mbali wese ku tomoi, ka kámo mushe, wa bhaligogo tomoi Yesu Klisito mushe, ⁶ Idje mukulao ane vfunduny a ligwa. ikulu la bhushe bhatopi. iyo dyha isambolia yakiana naevfumbu yese, ⁷ Dyha bindavfisiya mushe wilondola minguso ma Mbali ka untambiya, yavfia angiliangili, indje vfiami ebela, na igulusiya baá bandje bhadjibhiyabho mba n'idjlia liangili. ⁸ yondu kotiyo bhushe bhatopi bhavfemi Mbali abhigula bhitopi , bavfemi Mbali nigidisiya mabho makengo mbese busungu ka mbese mawazo mabhibhi: ⁹ Yondu kamo ta bhali bhasali ngombe yeeta, itukuliya isala dyabho a pele na Mbali ombese isangila ngbli, injisiya bhima bhakengokengo isala ngombe djalikoli, ¹⁰ Nge bhadungu minguso mamikima, má mabongie na bhali bha bhakambili Mbali. ¹¹ Kia mwali aoki ma vfia nabhuguwe, nge nimadjeliya. ¹² Idjese ekima mwali ilondola ka ombese idunga bukota pele na mulume;nge otikali guwe. ¹³ Mungusa Adamu ôundjo bhukamba apele Eva akokambana ambusha; ¹⁴ Ka ombese Adamu moodjo ukuwa, mwali m'0djo ukuwa, akutemakaka na bhubhi. ¹⁵ Nge ubhikie ani ouwa adjie, ani akuma a bhukolia,bhundusia ka bhukengo.