¹ Paulo, atimbia wa Yesu klisto tita Mbali obikisia uvfia ka na livfa la Yesu klisto mitimamasu, ² anga Timoteo, monami wabuodisiya: kia Mbali tita ka Yesu klistu mukulasu anowa lokulu, bukuku ka bugue. ³ Ya n' edjusia mkoko m'a inesakua mono,ikena lami a Makedonia, dha inesukua mota utikala a Efeso, mungusa isakuwa a bushe bamo ta mbese bi umusia makoko mamo, ⁴ ka mbese ibo idungyana na butititi ma mabutaka mio m' digakie makangani ma livfia n' egula yikenisia a pele mokambo wa Mbali a bakolia. ⁵ Koko wa bukoko ivfe buondoshia buo bwijigia mpumatima wa nkima namawazo,ka na bukolia bwa angili. ⁶ Hya bamo bushe batua minguso mio, babola iekeka minguso ma tititi; ⁷ bondu bagwali bagumesia ba bukuku ka bandjejibiabo minguso mio ba vfia, kuna mio badjelie. ⁸ Tundjesunyuasu ta makoko ma makima, Omi wamikambula ome mukulao, ⁹ tudjibi ta makoko m'biese ma bushe ba babibi ka bajambite, bushe dinika bidudu, bagu ka nab'olaka bushe, ¹⁰ bushe bamalembia ,ba busulu, bushe ba lobia ba bushe, bushe babela, bushe ba makombki, ka mio mi domu na makoko ma makima, ¹¹ to kut'eko mbinedya busumba ba Mbali nkima, mbine djio binduwa mono. ¹² Ebibi mushe ndjò induwamo lokulu, anga Yesu klisto mukulasu, takuteto avfia ta emundue, ¹³ ka niang' idjiumania a bukota bese, emindjo ebia mo mushe wa maseki, aenisia bushe mpuli, mushe wa makolua. nge Mbali idusulia bukúkú,mungusa ibikyakya moeto mbese idjiba, na bupkingbi ba mpumantima; ¹⁴ ka lokowa la mukulasu la kpata, na bukolia ka na buondusia lio linga Yesu klisto. ¹⁵ Livfia lino liangili ka li la bushe idjelia ta Yesu klisto widja mono a kisi mungusibikisia bushe ba babibi, ba ibia mushe wa pikiye wa bubi. ¹⁶ Nge mbali indogwila bukuku, mungusa emi mushe wa pikiye wa Yesu klisto ivfanisia angami mpumatima wese wa nkima, mungusa egwali madjo ma bushe ba bakoli angese mungusa ibika l'angili. ¹⁷ Anga nkota wa masi ndjo andjogogu biese ban'emeni meniabo , Mbali kutomoi, kia busumba ka bukota bugwali nana masi na masi ino ! ¹⁸ Bukota buo enesuwe, Timoteo, monami tokuteto dyoi la Mbali la vfie angae ta ijuwa la ta , ushiana bita ba bikima , ¹⁹ ongbeli bukolia ka mawazo ma makima . ma mawazo bushe bamo babolisia, ka bin'amisiya a malivfa isuwa la bukolia . ²⁰ Banda hymeneé ka Alesandala, ba ibatuwa a mabo ma Mugu, ta bou naotinga la mbesi gwala na maseki.