¹ Kabushe batopi bá ba n'akumbo ba mokambo bameni mweliabo toku nkota, mungusa linya la Mbali ka makoko, má ba ngulu masekisiana. ² Vfia minguso mino anga bushe ta bushe ba lobibo la mokambo, mbese ibw'igwala na masili anga mweli abó, isowa láta uwanyabo wa dini, nge bakámbi mokambo ta nkima táku bushe bá b'ondu idungyana na mokámbo wa nkima. ³ Ani mushe agulusia makókó má mabibi, ka má madjese mavfia má kengo má manguso Yesu klisto ka má mandjese makókó má dini ⁴ Ona andjendjibiese ema ,ka ona ndutu djivfavfia egi, djio djibutakie kulu, djobiko, ikókana,mavfia m'ebélá, ⁵ Makangani má tititi má bushe bá lukú bá babasikila minguso ma makima, bá bapkakita bapapatie bilinge a dini. ⁶ Ikamba mokambo wa Mbali n'iseya na bi ma bua bio onao, iekima, ⁷ Mungusa tuekemo asu n'ema akisi , ka i'angili ta tundjepkdu biasu n'ema; ⁸ Ani tuna bima b'idia ka na ngombé, yaka nasu imbaa. ⁹ Nge ba b'ondu bilinge bisi bakue n'itshutshana, a mulungo, ka a kulu djibibdja tititi ka b'ampuli bau bukosaki bushe a libunga. ¹⁰ Mungusa buondushia bukueta ba bilinge bi milika ba bubi botopa, ka bushe ba budungiana na minguso miyo, bubola , bukena domu n'ikoliá, k'ibwijitua ibo bakulu buo a mipuli migi. ¹¹ Owe mushe wa Mbali, kenila minguso mio mavfia, ka vfungala butumba, dini, ikolia, buondushia, mpumatima di, bugue. ¹² Shiána ishiana lálikima l'ikoliá,dunga maisha ma milele, isowa lao l'uo ubisianá mono, ka dyulu dyao lua wavfanisa bukoliá ba bukima apele na basamboli bagi. ¹³ Ya vfia Náye a pele na Mbale undjo udisaki ibika á bima bitopi, k'ápele na Yesu klisto, undjo uvfanisiá bukoliá ba bukima á pele na nkota Pilato, ta ongbeli makoko, ¹⁴ Ka ta obiki mbese bubi, mbese kobiyo, mpaka iekyana la mukulu Yesu klisto, ¹⁵ Undjo uvfesie évfumbuese nkota tómoi w'iseya,nkota wa bakota, ka bukukú wa bakúlu, ¹⁶ Undjo kuidje mukul'aó una ligwala mbes'iogwa angese na mabó, undjo ongwangwalie a mpena w'ikaiya,lio mushe t'ómoi andjése mwené ka na lokulu l'iéna, angese ndjo ul'obibo ka lokulu lamilele. ino ! ¹⁷ Ubasoa bagumia b'evfumbu eno ta mbes'ib'igwala na bisau, ka mbes'ibikpalia bima bamo bio b'etiye, nge iavfisia mitima mabo anga Mbali, undjó otuakakii bima bio bisi bitopi munguso tugwali n'iseya a minguso maó. ¹⁸ Ubasuawa, baki bukima, bagwali mbese bomu,bagwali ekima ekima na bushe batopi, ¹⁹ Ka n'ikobisia á tita la masi ma m'idji biye ükulu la ndu la kpingbi mungus'idunga maisha m'angiliangili, ²⁰ E timoteo, ngbela lito, n'isikaka melondo má tititi ka má bangé, ²¹ Ka na makangani m' otinga lá bubibi buo bushe bamo bako bakolie, bá babola a bukolia. tikia lokowa ligwali nanu !