¹ Na abaluhua abo, ''Monu ngodea angala nu anabande nda bakidia kiinda, abondae ebwame inda Akodola inde pia na m'papi kpe ,Akodola inde apia na m'papi.'' ² Na mbusa kia motoba, Yeso abangbo Petelo, Yakobo na Yoani apumoti nabo na mamba,mayabo. M;pa aba kengetisa haliana mosa labo. ³ Ngombe ndae aba kengetisa hema, apu kpe, apu kpe n'yena nde ahenisaka ema puuli a leengo. ⁴ M'pa Elia na Mosa ba bahobela musa labo, m'pa abiba na luhuana na Yeso. ⁵ Petelo abangodea aba sisila Yeso abangodea, ''Mwalimo, a anja besu ba nabe hie n'tua isalo, imoti angao imoti anga Musa na indato anga Elia.'' ⁶ (Anga ndabi aupa inde aluhua baba tea kpe) ⁷ Kapa aba hobela abe kpungbusa. M'pa leso aba tua na kupa aba luhuwa,''N'de nde nami nde mekondi. Bomokeniiye. ⁸ Dia, abina ba onda, n'dabi bamoni pula nabo apu moti nabo, nandabi Yeso ye nganga. ⁹ Abina ba tita toa na mamba, abe esosia kanga be ngodea bato pula nabo indo puli biba oni, sua nde Muna Adamu ahubane na puuta. ¹⁰ M'pa ba bakunga elehe ndabo banganga. M;pa biba luhuwani a soloanabo tineli nde emasina,''tua chuchua na puuta.'' ¹¹ Aba ba ulia Yeso,''anga emasina badindii luhuwa bende Elia apie mba? ¹² Abaengodea,''Ande bende Elia apia mba omboa ema puli. Anga emasina badindii bendi Muna Adamu anyena suba meka angbo na banema? ¹³ M'pa luhuu Elia asiani meno kala, abi ban'koli sinda inde ba kondine, sinda inde edindio a luhuni angae.'' ¹⁴ Na inde basianine awa Babea, aba ba onda ngungu angbo na ba atimbi na Basadukayo abi ba paisana nabo. ¹⁵ Na inde bamonine, ngungu puli abama na tati la lae. ¹⁶ Aba ehulia Babea nde bae,''Bo peda bwaka nabo anga emasina?'' ¹⁷ Muti a ngungu abo aba sisila, ''Mwalimo, membiyi na nami awao; ana mema achede, ¹⁸ inde akola kanga luhua na ba kapa ae weleana na ngbua lae adodo, na hobisa hulu enyosae na leaminyoae. Monu memi Babea nde bao atoisa n'keti, m;pa n'da batoi. ¹⁹ Esisili,''Eboti inde nda lebea iika na benusua sina? Kumbiliana na benu nda sungia?Bongapani ami.'' ²⁰ Abi bampii na nii na nae. Mema achede amonine Yeso, dia abaweliana. Tabana abakua adodo hulu aba hoba enyosae. ²¹ Yeso aba mulia apae, ''Abi suba tambela ndo tiaenga?'' Epa aluhu,''kengeta ko nii.'' ²² Indato kua suba n'sa na suba ibo, na kengisa mua lae. Abe notoia abe na otoa kola ema puli abe nokua ekalasu na osulenge. ²³ Yeso abangodea,''Abe nolebei? ema puli aba toana ando nde alebei.'' ²⁴ Apa na nii aba kama na luhuwa,''Ate lebei! ²⁵ N'de Yeso aonine ngungu tatia na ngwabo, aba hamia keti achede na baluhua,''Uwe mema machede ngbumumu na kingbukingbu, abangodea adue, kanga osilia ngia awae.'' ²⁶ Aba kama kpe na bayeye kisa nii na mbua mema keti abatoa awae. Nii abi aoneani ote aku, m'pa bangbo ba baluhuwa,''Aku.'' ²⁷ M'pa Yeso aba n'kumba aba nenga, na nii abama. ²⁸ Suwande Yeso angini subi, ba Bea nde bae aba baulia a nganga,'' anga emasina nta betoi kapa lae?'' ²⁹ Aba engodea ,''sinda inde n'da toa nandabi memea .'' ³⁰ Babatowawa baba nyena na Gallilaya. ³¹ N'dabi akondi batu ba upe amande babe, Amande abi ehana babea nde baeaba engodea ,''Muna Adamu bakidisa anjeka bato, baba moa abe na kua, mbusa kia isalo achuchua ko.'' ³² M'pa ndabi baokii elehe ndo, m'pa ababatea ulia lae. ³³ Baba kida na Kapelenaumu .Na inde abine suba endu aba ba ulia,''Boiki luhua emasina ahe?'' ³⁴ M'pa babi bakobeani .Anga baiki paisana ahe kea bende angalasu hominde ani . ³⁵ Aba ika adodo aba ekoka pula nabo moko na ibale, na aba luhuwa nabo, ³⁶ ''Sinda puuli akondi mamusa ,aba mbusa na ababa n'kobe nde mabatae.''Aba ngba nii medee aba mbisa asolo soloabo abo.Aba mbisa asolosolo anjekae aba luhuwa, ³⁷ N'de apikilia nii sinda nde kesi naye amopili na abe nato na mopikili, kesi nda mopikili eme, kesi apikili nde amotei.'' ³⁸ Yoani abangodea, ''Mwalimo be monito nde mana mbua mema achede a inao, aba bekuka, anga inda boo belei.'' ³⁹ M'pa Yeso aba luhuwa ''Kanga bongomisa, anga n'da na nde akola ema angbo a inami na m'pa mbusa aluhuwe elehe inda chede puuli ata tami . ⁴⁰ Nande ndabi mbusa na besu asaka na ngwasu . ⁴¹ Nande aupa keke la ibo la manua anga ana Klisto, domi munu ngodea, in'da bungisa boembo ndae. ⁴² Na nde ebolisisa ba nde bedende ,bamu lebehe eme,abiaba anja awae nyanga etee la kuka na ma lae suba ibo. ⁴³ Abe na njeka na obolanisi otene .A anja ngia suba ngbulu kanga njeka anga kanga ngia kamona nyombo na uena njeka.Suba inde ''N'da limia''. ⁴⁴ Otimbila denda nde,''amande tedo inda kua n'sa inde nda limia ''.Owe inda suba Elea inda Kala. ⁴⁵ Abe nai ipelao na obolanisi, otene,a anja awao ngia suba ebwame na uwe nde dotu, anga kanga maolao suba n'sa na ipe ibale. ⁴⁶ (Otimbila :denda nde, ''Amande tedo inda kua na n'sa inde nda limia ''Oenda suba Elea inda Kala ) ⁴⁷ Abe na iso ao na obolanisi odie.A anja awao ngia suba ebwame inda Akodola na uwena iso imoti, kanga na iso ibale na malao na Ndaye. ⁴⁸ Ama nde tedo inda kua n'sa inde nda limia''. ⁴⁹ Na abano n'to moti inde ba maono suba n'sa. ⁵⁰ N'kua a anja, abe na n'kua na bungisi buleke lae? Obe na n'kua subanu mayanu, na bokolo anga lani moti moti.