¹ Yeso abiya toyi amanda akee bulambo la Bayahudi suba musama ma libo Yolodani,kuma ndondawa batodibilia lake.Abasia hana labo,yendene aliki kola esee ngboku. ² Na Mafalisayo ba piki kingia lake na aba bambokulo, "Abongi kia moko duana na kalima ke? ³ Yeso abisiki sokabo,"Musa asikani bo? ⁴ Baluhu bende,"Musa abia asosi dindiya mapapasia laduana nabeyanke". ⁵ "Kakpa maka na buku mandi ndolo bakeki shelia in'dou"Yeso abatotakabo. ⁶ Tua alengetisa aumba indo,Ahodola ka umba moko na kapi. ⁷ Ndululu moko anduano apake na make na basiano kukuakadi na kapi make, ⁸ Bunto bao baleba ngopo kadi kangwende ende bakpa ubale ba ngopokadi: ⁹ Kindo inde Akodola apisi kumakadimakusiokupa katoke kanga. ¹⁰ Sande babine subendu,ba kea lake babieka aba bagbokulo. ¹¹ Abangudia,"muute adukae nasea mantoo akopi etele a tatae. ¹² Kapi kandue muniake nemana kia moko metina nga akopi etele. Bepikisi bamiki bedidioka ba ya pende ngupu abo aba babiabe be tuniso. ¹⁴ Yeso sande ekire,kakundi pokin'to abatota kabe "Beduani ba miki bedidi yoko ba pike na njoomu,nakanga buetuniso,kangue bunde bonja ereere Akodola ana kupandia bo. ¹⁵ N'di lingo meatatakanu,munte kakundeno eseese anapa ya miki medio kapatana eseesea na Akodola. ¹⁶ Mbusa man'de epiki bamiki pisalabo kanji kake mande apisi njika kulabo ngekapiso njika kulabo. ¹⁷ Na san'de etekepisi tamba lake kpakadi abachechidie piko beta mooku Musa make,aba amboku po,"Mwapimumonja,ngu pa ba m'bangi eseese anakupa kanga sungepi?" ¹⁸ Aba Yesu ankudi "Kangua kimasino otemendi manja?n'da nakpa manja,kabongo n'da Akodola nganga. ¹⁹ Wepito ahepia:kongomua,kongosona na kapi na bapi,kongo tatambepa kongo ndima,weka piso apako na maka. ²⁰ N'kpa munta abapuhu,"Mwalimo,ndongboku n'kola kano,tokea ndebine tabana" ²¹ Yeso aba amunda a kunda pake.Abatotakake,"Kimakadi ndulu ametani.otakanosumbiso puhako ngbokupi kangaka ba kueno,na hobano na luhua na kupa.Umba opiko omebepia." ²² Umpaa sekio elehe esilii kangbuende elehe undoo akapikake ebeli laluhake kpete. ²³ Yeso endi saka ngbokpu na totaka babeya bake, ''Amotukani bo kya tualuha ng sube bweme l'Akodola!'' ²⁴ Babeya kebeki elehe undo bonga, Umbaa Yeso abatota kabo kendo etino; ''Bamiki, amotukani bo ngio sube ebwamea Akodola! ²⁵ Endi wedimana kiangamiaka kalwa suba kupuo mangbwedu ngbwedu, kanga kya twaluhangio sube ebwame l'Akodola.'' ²⁶ Eboko epedikpe na aba baluhwano kangalabo, ''Amakanoma bendo mawa ndulu atuka ngio sube ebwamela Akodola njaa'' ²⁷ Yeso abae banda na luhua kabo: ''Kyakpa katokukane, kangakya Akodola. Kanghuende suba Akodola kima ngbokpubaatakikana'' ²⁸ Petelo aba atekeliso elehe naye, ''Biduta weni ngbokpu na bilialako.'' ²⁹ Yeso aba aluhua, ''Amapo utotito kanu, enda na munde adu enduoke, ao apake, ao baamiki, ao njioke kulami, na kula elehe l'Akodola, ³⁰ Munde kabambeno kendo anga kula yana kadi a undende ani ka dodo endu, makeloko, makekali, ema, bamiki, na bulambo sube ekweno na bulambo unde buleki akese ngbokpu atukano. ³¹ Umbaa kpete bunde babi musa babano bambuso na bambuso babano bamusa.'' ³² Kende babine suba ahe, ngobekaka na Yelusalema, Yeso abingoake musa mabo. Babeya babeli kima laluhuo, na bunde babi katomba mbuso ababachia. Ndulu Yeso abakesio na piti kendo etino bundo bamoko n'ebale ngoatekebiso tota kabo inde akidiliano mbinonde. ³³ Wenda yendene bikano mahaka Yelusalema na Miki ma Adamu bangidisono musama ba Mangese bangbongbo na badindi amapapasia. Baluhuano kula kukusoke kula busede lakekia bakpa baka bulambo ngbokpu. ³⁴ Batepyano, basuliono soki, babetano mbaka, na ba mwano, umbaa asusukono sub'ese esalo.'' ³⁵ Yakobo na Yoana, bamiki ba Zebedayo, papiki na njoke mande bosii bende, ''Mwalimu, bikundi okole kasu inde biomemiano ngbokpu.'' ³⁶ Abaa tata kabo bende, ''Bokundi ukole kanu abo?'' ³⁷ Ababa luhua bende, ''Wesope yndene bilikeno nawe suba kubwame lako, makadi ka njika nekunga, na metino ka njika na mange lako.'' ³⁸ Umbaa Yeso asikisi kaba bende, ''Koboepi inde benu kamemiali.'' Botokamo mulio keke inde meamulioli ao ubatiso nde akulami?'' ³⁹ Aba basikiso kake. ''Ababitoka.'' Yeso abaatota kabo, ''Kekeunde umuliono, bamuliono. Umbaa ubatiso unde bamipetiso botokano bongisoli. ⁴⁰ Umbaa munde alikono ka njikamila kukja ao la mange enda ime maka luhuoli, endi kya bundo bepilikonito.'' ⁴¹ Babeya bundo betino moko beekandoo, mande batekelisi belilia Yakobo ebo na Yoana. ⁴² Yeso abaeweka na njoke na aba luhuo, ''Bwepeto yendene bundo bepipakano bae bendi bapakuma dodo nde babakano kulanu ngo bapakasi babo behangisokono ba mwame kulabo. ⁴³ Umbaa bato keno babendo kangalana. Mundeabano makengrda kulanu abano kobe, ⁴⁴ anamu na mamusamanu abongi abe kobema bakpa ngbokpu. ⁴⁵ Yendene Miki ma Adamu apiki kuma kola kake ekumo umbaa kola lake ekumo, na kuolake kula bakpa ngbokpu.'' ⁴⁶ Aba bapiko ka Yeliko abaa katuka ka Yeliko na babeya bake na bakpa kpete, miki ma Timayo, Batimayo, ndimendime tua pipiso ino ''Akodola mundo eki kapitio ahe. ⁴⁷ Eka sobende Yeso maka Munazaleti eapiko, atekelisi etata kpe ningo na luhuo, ''Yeso Miki ma Daudi, weka ekalami!'' ⁴⁸ Kpete batenisi Ndimendime mundo, bae akobiane, umbaa aba adaiso liswake na luhuo, Miki ma Daudi, wekaekalami!'' ⁴⁹ Yeso abaama na sosio weka lake. Mande baweki ndimendi meli mando bae kake, ''Abe motoka lako duso esuoko neko! Yeso aoweki.'' ⁵⁰ Maande amaki koti lake kapiti, na checha lake kpe na kido kapitio Yeso. ⁵¹ Yeso abaa aikido kake, ''Kaa mbuko okondi hills Mall did?'' Umbaa Mundo ndimendime umbaamulisa, ''Utaki Milne.'' ⁵² Yeso umbaamulisa, ''Boenge lamisi.'' Ani na ani abaona na aba abilia Yeso and.