¹ Abi suba suando, abi na ngungu bato bangbo, m'paindabiba ne lea. Yeso aba ekoka ba bea nde bae aba engodia, ² ''Eme na ekala la ngunguanu, Aba beba nabo mbusa kia isalo naba kanga elea. ³ Nane nu kangi basiane nangwabo kanga leana batoa dusuana nahe anga nja.'' M'paa saloanabo batoi kolahakpe. ⁴ Babea ''ndi bae'' aba basisila Elea be toisa wani inde beelisa na bato ba kuto abolambo nde bato ba du?'' ⁵ Abaeulia benu nda na kotula elea angala nu? Aba baluhua sobialalo. ⁶ Aba esosia ngungu ba ike a dodo. Aba kumba kputu elea sebea lalo, Aba mbepa Akodola, na Bunali. Aba epa Babeande bae bapise mosa labo, na ibo aba bapisa mosa la ngungu abo. ⁷ M'pa babi na basu nyena bedu na mbusa la pepa aba esosia Ba Beande Bae babue. ⁸ Baleani na aba bakuta. M'pa aba batu ndanisa sakela lelea nde a asaki, djoangbongbo sabealalo. ⁹ Abili pii lakida elufu ini. Na abaedoo bake. ¹⁰ Aba ngia suba koko, na Babendea nde bae, m'pa aba baka a njapa la Salumanita. ¹¹ Mbusa Bafalisayo Ba Bahoba hoba na senge Baba kengetisa paisana. Aibibak ndi akape abo Isala toa Na kopa, toisa lae salae. ¹² Aba upisa suba menae aba luhua, ''anga emasina eboti nde akaba Isala? Monungodea domi inda na isala inde a hobala ebotinde.'' ¹³ Mbusa aba edoa, abangia ka saka ato. ¹⁴ Suando babae abi ba basani kumba elua n'da babina elua angbo. Angbo la kputua imoti inde abi ama koko. ¹⁵ Aehani na luhua ba ngbane na bo kunge atambela la ba Falisayo na kabu la Herode. ¹⁶ Ba bea baba luhuana a soloabo, ''ande amande besu kanga elea''. ¹⁷ Yeso aba upililia inde, na aba engodea, ''Anga emasina bo luhuana anga kanga balanu na n'da bo oka? Mbua memanu a wengumani? ¹⁸ Bona iso, n'da boo nda? Bone tue, n'da booka? n'da bo haka? ¹⁹ Inde n'kangi ne elea itano a bato elufu itano, bokumbi djo enga n'de atumi sakela elea?'' Aba ba sisila, ''Moko na itale.'' ²⁰ ''Na ende ne kangine hala elea sobia lalo awa bato eluju ini bokumbi djo enga? ²¹ Aba ba luhua ''sobe lalo''. Aba engode, ''m'pa boo okimbe?'' ²² Baba pia na Betesaida. Batonde ba mbiine nangwa Yeso n'ta Fimemetime aba bamema Yeso ambedee. ²³ Yeso aba mbeda Fimetime a djeka, abanganu mbamba la nji?'' ²⁴ Aba lenga ne koo aba luhua ''Neani bato baonekana sinda mee nde atambe.'' ²⁵ Ainde suune soi aiswee na nanoa njekae a tatae n'tondo aba ukua isuae, aba ondako na aba onda emalipuli anji. ²⁶ Yeso aba doa ake nanji, na abanga deo, ''kongo kida nanji.'' ²⁷ Yeso abiatoi na babea nde bae ka na ba nyunji la Kaiselia nda Filipi. Inde babi ahe, ''Bato ba luhuu eme nde mawani?'' ²⁸ Babasisila, ''bate Yoani mubatisae. Bande Bato bate, Elia na bande Bato, moti la bakukumila Akodola.'' ²⁹ Aba eulia, ''m'pa benu boluhuukea bende eme nde ma wani?''Petelo aba ngodea, ''uwe Klisto.'' ³⁰ Yeso abe ehana kanga bengodea bato pula nabo nde mupi. ³¹ Aba kengeta luhua keabende muna Adamu amona nyombo na bakomano na Bamangese ba ngbongbo, na dindii na baba moa, na mbusa kia isalo aba Chuchua. ³² Abia luhua In'do angala Bato. M'pa Petelo aba ngba aba ngane mbamba aba hana. ³³ M'pa Yeso aba haliana aba emonda ba bea nde bae na aba hamea Petelo aba luhua, ''n'yena mbusani N'keti! n'do kondi elehea Akodola, nanda anga bato.'' ³⁴ Mbusa abae koka Bato na babea nde bae apu moti, Abe ngodea, ''Abe nato nde akondi belealani, ekone mayae a kumbe kpangbu ndae, na aobelee. ³⁵ Awa n'to akondi omboo ngbulu ae abunga, nande aluhuu bende kea bende abungisa ngbulwa angami anga lapa anja, aba la misa. ³⁶ Akola ema ndanja sina awa n'to, belea leengo puuli, na mona nyombo la ngbuluao? ³⁷ N'to atoa na kapi emasina mbusa ngbuluae? ³⁸ Nande amonuonela telema na eleheani suba ebotinde inda suba kohenga na eboto la Bato la eloloi, Muna Adamu suande asianane na Kabu suba ebwame inda Pae apumoti na Bamalaeka Bapu.