¹ Bafalisayo na ybadindu la ba din dii nde ba hobeli na yerusalama abiba tondani timbilia iye. ² m'pa abi baoni bende badindiali na babea nde bae abi bali elea anjeka ³ na ngwa bafalisayo na bayahidi pula na bo indo baleana kanda basosi nje kabo kili na bapedeli kpe ekani inda ba tatabo. ⁴ suande Bafalisayo bosia ine toa la ma soko nda baleana ma kanga esosa na abeli selia atoo nde babelea kpe abe na apii moti soso la keke ba safulia ema la uko na ataa mbata inde ba ikidia ama bondea elea. ⁵ Bafalisayo na badindii aba bamu lisa Yeso,'' ,anga ema si na babea ndebao n' da baiki belea na nelehe inda batata, amande balea elea kangnga sosa njeka? ⁶ m'pa iye abaengodea '' Isaya abi alapi kile kili yongi la nu bato la kisola adindi, bato nde basikisi engosabo, m'pa mema bo ande kolea ha na eme ⁷ bamokolela lapa inde nda na tine na ba upisa shelia la bato sinda bondea labo. ⁸ bo du to selia inda Akodola na pedela dia ekani inda bato. ⁹ m' pa aba luhua abo, bokoni amuli inda Akodola abo wengu akunga eka ni nda batata nu ¹⁰ anga mosa abiaaluhuu, '' bosikise apao na amao nande aluhuu achede a tata apae na amae akua. ¹¹ m' pa boluhua nange be n'to aluhue a tata apae na amae,''mosaada puli inde bi bobondea toa awa nii ande nde kele la n' tua, indo mba nde kea bende ba kapi a Akodola ¹² bende n'dea ba oso sii kola ema puli awa apao na amao ¹³ bokola amuli inda Akodola abo sa anga pisa ekani nda batatanu na ema angbo si ake ma nde benu akolali. m'pa akaka tondana na luhua,'' bomo okea ne eme benu gbo gbu na oka. ¹⁵ inda na kema atanga nda nto inde amuchisa mapa inde esobae. ¹⁶ De nda usitali '' m'pa nto puli inde manetue aoke.'' ¹⁷ Jeso abedoa tondana m'pa ngu endu, babea bae abamuuhsa kola makoko inde. ¹⁸ Jeso m'pa doa tondana,'' ande ema sina boupi mbe? booneni ema puli inde angi nto, enda uchisa. ¹⁹ anga inda toa kao suba memake, ande ema inde angi subae na aba nyenea kaa soba mosalani.''sube elehe nda Jeso akoli elea puli pu aba aba nja. ²⁰ abaluhua, '' inde atai suba nto yeu aba muchisa ²¹ indea toi soba nto, otanga nemae, mohkio ndao chenana, zina, ekuba, moana, et ele, ²² bokani asede,temeana,jamiliona boso, kashafa,epepa, kanga upo kema. ²³ bosede into puli pu,esoba nto, undo ye amuchisa. ²⁴ aba chu chua toa ama ndo soba tilo na sidona. Na aba ngia subi na inda konde nto upa bende abi an inda batoani somea lae. ²⁵ m'pa gafula n'ke munde nae mede adi na mbua mema chede abakua aipe lae waa. ²⁶ n'ke ndo abi Moyunani na kabila la kifoeniki. abanga melea abee n'keti suba n'sea. ²⁷ Jeso abaluhua en n'ke,'' doa ba miki balie mba anga inda elea mokate nda makelea mbwa'' ²⁸ m'pa n'ke abaluhua absisilia,'' neo ki apwai, nangebe mbao aleaka kusya nda komae.'' ²⁹ abaluhua, ' anga oluhu boo,owe sama. n'keti toa soba n'seka.' ³⁰ n'ke m'pa asian enduae m'pa tonda nsea ekanda, na n'keti atoi. ³¹ Jeso aba hoba ko na tanga la makoa la Tiro abanyenela na sidono kele la na bo la Galilaya kidia telitoole la Diapolisi. ³² Baba ka paae n'to nde abi kingbu kingbu na abi ngo kalu huake kili kili, mbina Jeso apise nje kake kulake. ³³ m'pa batosa otanga la tanda na soba somi, na kitoiae, n'aam'pa suo soki aba pedea edaae. ³⁴ abi aondi kopa, abesikisa na luhua,''Efata,''indo nde luhua ''ukuana.'' na ndombi indo indo etue ndae aba ukuana na inde biabi ngo akuki edaka ke abingoachwani na apatoa. ³⁶ na m'pa abe sosia kanga bangodee ntolipuli. m'pa pa kadili apesosii, andebo sinda inde aiba lapi elehe ndo awa bangbo. ³⁷ dom abae bangisa,na luhua,''Akoko tii ema puli kili. sinda nde ae kaline ba kingbu kingbu oka na kpu mu mu luha.