¹ Otimbela ebo la kola ntambili anja musama ba kpa inde hangiso, ketina opatano kebia tuka na kupa. ² Emande okapii kongo obeta tutu nepepa elako mayabo, ende batoaka ntambilia sina nali na kabulambo, kangbwa bangba ba mbepe. Entili ngomea mea totalikami, ba kobito pokea kebea labo. ³ M'pa uemakakapali, njeka amakule ku kanga epo na njeka la ngamo, ⁴ Kagbwa bende boemboako akokapekesomia kangagba metina epo. Nande Apako eke nali kesomia aopesiano ako. ⁵ Na kabongo ueka memia, kongo osikio kongosikio kaloki akanga tai kangbue ba kundaka nona memia kuma sinagogi na kuma nji, kangbue bakpa bende, endene lingo atotea kanu. ⁶ Naueka maka memia, ongie subendo.Odoke ekuku, abo omemia kia Apako kima nde egbama metina epu kangbua ekanali kesomi aopesiono zawadi ake. ⁷ Nakabongo ueka memia kongo osikio kalokia kanga tai endene mataifa bea kolali, kagbue beka siso sabe ndebe bebokano, kangwa loki ngbete inde beka luhwaloli. ⁸ Kagbue nde kongoboba yako, kagbue nde apako epeto bokami lako sina ngoko meme indo ⁹ Emabende memia bento :Apasu munde mana kupa, inoko apepe kane. ¹⁰ Kumaka lako apike , ekontolako akolokani aneka adodo ya kupa. ¹¹ Uesupesie lia la lesengbogbu ¹² Uesodolia netela inde besune, ende besube bedolea kano etalasu. ¹³ Na kanga uesopekiso sube loloi, m'pa uetusukise ka njeka mundo mane loloi. ¹⁴ Kabongoe badoelano bagba busede labo, Apako mana kupa akueno ekalako ¹⁵ M'pa kabokongo bodoleno busede labo, kesi Apako kadoleno busede n'lako ¹⁶ Kagbwanto ngbogbu, kabongo okobito nyangali, kango ohangiso esula ngbau ende ba bade bekakolo kano, kagbue nde beka lokuto ekikiobo kagbue bakpabe kepo sabende ba nyangi. Entili engobea mea totalikako ,bakobeto pata kebea labo, ¹⁷ M'pa ue, ne uebango onyangi, olalie kamba ka mwako na osokose esuoko. ¹⁸ Bento kao hangise na mosa ma bakpa bango endeno nyangi, m'pa abano kia apako kasiri.Na Apako enano ka sili, aopesiono kebea lako. ¹⁹ Kongopisa ndekele anji,amande mbombo na bakenge uchisa,amande in'do taa buna na ekuuba. ²⁰ M'pa bopisilieni ndekele akoma yako nakupa,amande kangbue mbombo kangbue bahenge kotokeno tada,kangbende kabatokeno buno nakubo. ²¹ Kangbue ndekele lakobe,abendulu mbukomake abano be. ²² Yeso ndi emolea kango pu. kangbue, kabengo mbukesuoko lobe, ngopongbopu atumono na emole. ²³ Kabengo mbukesuoko n'didahana, ngopoahongboku atumita na tudaha ngbo, kangbue, kabongoo emole esubako enti tudaha, enti tudaha angbo abo! ²⁴ Iin dana kpamunde atokano gba na ba loko obale kangbue antunano kadi nakunda kadi, kabongo n' dabendo akudano kadi na yamitino. kobotokeno tumihio Akodola naluka. ²⁵ Emabende n'ttikako kongoobaneboko bongua maicha lako, kangbuende opiano kimasino na omuno kimasino, ao endangi kwako, olola nueke. Ebo! maicha noba kangualia ha na ngopu bete kalua ngombe? ²⁶ Webunda bambabu baneka benda kadaha,na benda kauna na benda katanda niso na bongiso kuma piso lia habo, kangbu Apanu nmanakupa ekaliso pabo. nabenu bopise benu na maana kalo labo? ²⁷ Enti mawa kanga lanu keboboiso abatoda todiso todiso ese kadi bun'te nde na naulamalamaicha lake? ²⁸ Kangbuehe benu neboko kangua ngombe? kanisoni kangbua maua kuma tiko, yende ene. n'daka kalakima na eloliso. ²⁹ Alakini miatora likano sina Sulemini suba bongiso ake ngboku kalolani byakaadio bondo. ³⁰ Abe na Akudula alolisi kasa suba tuo abenali kiiyayi miti na kuma babama suba sa, je akiasi suna anololisa, benunde boengelanu bekali? ³¹ Bobani na salomana na lu luanaka,Ebo abe bilianuabe? au ebo abe bimunuabo? au '' ebo bilola mabo''? ³² Kangbue bapka bahanji, na panu manakupa epito sabende benu nasekilendo. ³³ Alakini mbakabani emuame laka na lingo lake na ndongboku ekano kiako. ³⁴ Nenda kangawena eboko ka nguende ahumo, kangbue huno ekabano mayake. esengboku abakano na lokilake.