1
Yeso abiningoni bapka pkate. Aba kaa kula mamba, abiningo iliki kaa a dodo batelia aba piko angwaye.
2
Aba sama nyoko aye, aba eahana, batelia baye angudia,
3
''Anja basama ma mema kangbwende bumwame yakupi indi yabo.
4
Anja debakpa inde ba nalilia kabengo bana Farizi.
5
Anja bande bana bisaa kakguende balikono a njii.
6
Anja batu bena nzaa na seki, kakgwende ba katono.
7
Anja bena Lehema kakgwende ba patano Lehema.
8
Anja mbuko majaa kabgwende benano Akodola.
9
Anja batu batundanisa kwabgwande babano ba miki l'Akodola.
10
Anja bautesi kangbwami kangbwa ndebamwame akupa ntianu.
11
Anja banu seke kangwami oli abete tamba na Eseese.
12
Umba na baba buka, b'Akodola beni mamba mbusa manu.
13
Benu nde kua la dunia kabengo kua ambungisi lekimana nali, upisano aba subi umba abonge? Katoke bongaali Ema makali na senge na dateakali, na kipe.
14
Benu nde Emole la dunia. Endu nde bahiki kula mamba ka weza somiana.
15
Umba bato kaba lolise emole na pisoli suba kikapo. Kololise mole aba pisa kula mesa kangbwa bene kane sube ndu.
16
Bodue Emole sama musama bato bene inte benu kakola, abe bonga, bato ba mbipe Akodola, na kopa.
17
Kembiki, bihyo asili banu naba kukumu. Kepiki bihyo umba abe ningo.
18
Manangudei bende, na kupa na njii ngbogbu, unda tuka, Atukano kangbwe selia engo bikolu ngbogbu.
19
Munde abuni, Amri ato koodi kaba na dele. Kabenge kahikake na kupa. Kadue Amri ngbogbu bao wekano mukala na kupa.
20
Kabengo bwenge lanu kakalwe bwenge laba dindii, neende aba Falisayo, na into ngbagbu kobongieno kaba mwame la kupa.
21
Bweki yentene baluhu sabende ngganga omua. Namunde amwano to esuba nukunu.
22
Umba manangudei munte, Aye mutoaye esuba atali la etale. Kongudie to sabende uwe nti to basa. Abano suba atori la tua. Kongudieto subende wande. muhinga. Abano suba atari la Jehanamu.
24
Ndulu apike, opise boenge lao.
25
Abena bodongani na nto dia subahe, kalanu amaka. Sambisa lanu otoa doali ache soda? ababa omaa enyanga.
26
Ande domi oongodee nto inda toa suba nyangina nanda alehi luha nde Ane.
27
Ooki na luhua angaa kongo telemana.
28
Oongodee. Bato pula nabo nto nde anengi ike akondalae. Kesi bakabi lanaye, Ambua meemae.
29
Na abe na Isoao aokosisi ohodie omae. Kolaha angande ngopo imoti uchwanali angai ndato abamaa puuli.
30
Na bena nzekoo nda nakongbaa ao kosisi otene omae kolaha lao. Angamande ngopo imoti angala auchuane puuli ababa mao suba Jehanamu.
31
Baluhua bende nto nde Abei kae na akapea barua doleana bende. Inde adu nkae. Makanga lehalae.
32
Eme monungodei bende iadu nkae bosa naanda bale na moo, Akoli Etele. Na inde amomi n'kae manga luha Atemani.
33
Naioki na balua bende bato nde bakala. Kongolapa anga mbela, bokenina lapa ndanu bokenine nongwa Akodola.
34
Abaengodea kanga bulopa anzikanu ao na kopa anga mande kopa nde nzia Akodola, ao ani Anzi.
35
Anga ani nde amapisa mbata la deta anga Yelusalemu; anga mande nzila ebwame.
36
Kanga lapa amoao, anga kola asia moo imoti baliapu na indahi.
37
Angaa mande Elehendanu abe domi domi. Kangabo, kangabo, anga mande lape labo atoinde awa n'to macheede.
38
Booki naba luhua anga Isona Iso. Nanyo na munyo.
39
Eme monungodei, kanga bobiso na n'to macheede. Anga n'to aobete Ebangalao, obo halia indato.
40
Na abe na kondi kaa mahakamani, na ao muti ngombe ndao odolee. Na nzombi ndao.
41
Naba nde bakondi ka apumoti ama ibale.
42
Inde omemi boka peae na kungutea n'da kapiao.
43
Booki na bangodea okunde manjao na kungu koma njiuao.
44
Ongodea bakunde njiu aba umeme naye apu moti.
45
Na ube muna Apanu nde mana kupa. Angabia akoli mane ase awa bande bachede na bande banja, na mbua abaloa awa bande bachede na bande banja.
46
Abe na bokondi banunde aba buona bambo sina? Ange mande Mutosa ushulu inda bakolebo?
47
Na abe nokapia ataao salamu bopata emasina angbo inda too? M'pa bato la Bamataifa indabi bakolibo?
48
Angabo babe Bakamilifu, ya Apabo nde mana kupa yande Mukamilifu.