¹ Kanga bende uhukuni tao anga na uwe boo ukumiyano. ² A ukune nde wau humuali, na uwe bau hukumiyano. Na kipimo nde uwa pimali na uwe baupimano boo. ³ Angae weza unde Kputu ame suba iso atao, angae uanda ona Kputua mee suba iso ao? ⁴ Namuna sina otowa luhuwa awa taao, pia ni Hodiya Kputua mee a isoao, saende Kputua amee suba isoao? ⁵ Uwe munafiki toisa Kputu amee suba isoao, Indo yei adua nooni kilikili obo tosa Kputua mee indo yeu aduwa no tosi Kputuamee suba iso ataa. ⁶ Kanga oop mbwa ima ndaa nzaa, kanga okapa ngiaka iswa Lulu. India to bouichisa na detakali na ipe, Mbusa li baba uhaliona aba onyo aka ne deledele. ⁷ Umeme, abopata. Okabe, auwe abo pata. Obete ekuku, Ababa ukuwa ao. ⁸ Awa bandi bamimi, ababa pata, Awa nde aakaba, abapata. Awa too nde abeti ekuku, Abaukuana. ⁹ Inda na too angalanu nayee, Abe nando into nanaye Na memi mukate akapae etee? ¹⁰ Ao na amemi isu, aweza kapae Nzowa? ¹¹ Abe na benu nde bande batu bausinana, ulowa kapa abani ima ndaa nzaa, Naye namuna sina apanu manakupa akapano ima ndaanzaa awa bande ba memi? ¹² Kanga mande nde boo, inde boo kabi bende bato bunu kolele, na benuboo kolele maha boo. ¹³ Boengieni anye huku ndidee. Ama nde Ekuku ndangbo aukesa ahe laekua na bato bangbo banye na kano na hendo. ¹⁴ Ekuku ndidee aukesia nahe la bulamu nande bato bee dee yei baona. ¹⁵ Ukingimane naba Kukumu la Mbea, Bonde ba pii na lola sala kondoo, lakini kweli ande Mbua nde mauhiya. ¹⁶ Ambua ba oba wemupilia. M'pa batu baweza tosa mbua suba kuwa, ao mee suba Mbua la Mbanuti? ¹⁷ Anga bi boo, kila mee ndanzaa aboti mbua ndanzaa, Lakini mee nda Cheede abote mbua nde acheede. ¹⁸ Mee ndanzaa anda bota mbua nde acheede, wala mee nde acheede inda bota mbua ndanzaa. ¹⁹ Kila mee inda bota mbua ndanzaa batinano na maali suba sa. ²⁰ Angaa boo, wamupiliano atuwa ambua bo. ²¹ Sila too amengudiano, Epa, Epa, angiano ebwame la kupa, Ande nde akalano boenge la Epa mana kupa. ²² Bato bangbo banungudiano suwa ndoo, Epa, Epa, inde bii beluhu Ekukumu atatawo, Inde bi bebei Nketi a inao, na inao bekoli ima ngbo? ²³ Ndipo menungudiano domi, ''Indabi menomupi benu! Tuani awami, benu bokoli Bocheede!'' ²⁴ Kwa hiya, kila too ndee aoka elehe ami na libianalae abano sinda too nde mana bondo inde ahii induae atata etee. ²⁵ Mbuwa aba loha, mafuriko aba pia, nakukai aba pia aba beta endu indo. Alakini inda akuiu andondo, anga abi naba hii atata etee. ²⁶ Lakini kila too ndee aoki alehe ami inda aoki, Basinda too ndee a hii enduae atata mbume. ²⁷ Mbua abapia, mafuriko aba pia, na kukai aba pia na beta endu ndo. Naba kuwa, na Temiana laye abaonekana.'' ²⁸ Akidi wakati nde Yeso akobine luhua elehe ndoo, Makutana abae bangisa na episa naye, ²⁹ Kwa maana idei sindo too nde mane Kpako, inda sinda badindia nde bae.