¹ Gbuende bubuame anakupa asosie tua chungatiko emunde asusukii momotuu kpee kakabo batua kola Ekumo suba tiiko ake la Mizabibu. ² Ambuso mekikyana batua kola kazidinari kadii kaese, etekika suba tiikoke la Miizabibu. ³ Atodi kaa mbuso ma saa esalo abaebona batuo kola betio ngoo bekumama kaga kumo suba soko. ⁴ Abaluhua kabo benu kanika natiko la Mizabibu, nakima gbokpuu endianzaa, menopana made bakee kuma kala kazii. ⁵ Abaaka mbuso masa mutuba na tano kasaa sobikomi, akali maha boo. ⁶ Kendo tina api kima saa moko na kadi, abakutunda bakpa betino ngoo bekumama aba ebulisio kekene bameani kanga ekuma keese kadi. ⁷ Aba lia luhua ngwende undake na kpaa munde aluhu kasu, na benu kani suba shamba Mizabibu Batuekumo. ⁸ Ketekuaha akido, kuma shamba la Mizabibu aluhu kamunde amelili, weweka batua okape kabo abubu aboa. Otekelisa baa musaa ndoa mbuso. ⁹ Inde bapikine, bunde eekidili kasaa nokona kadi kilakpa apatii dinali kadii. ¹⁰ Sande bafanya ekumo bamusa basisi pataii kpuubu, bapotii kila kpaa dinari kadi. ¹¹ Mbusa mapata abubu aboo banza etata ngoo baluhua. ¹² Batua ekuma bambusa batu miki sasa kadi. Keke ndene bipatano lobee, besu biliki kumbo abahaliho, na sido na sungaha mamane. ¹³ Mumiliki abaluhua kakpaa kangalabo, Amanzami kikoli kima asede bipatani kadinarikadi? Pedanidee. ¹⁴ Kpanirii ndo ndulu halali anu kani nanzanu, imone silo kapesio batua kumo ababu aboo bunde bakobi kilikili. ¹⁵ Iindakee ningoime kola ndekundii na luha amoo? Ao mbukesioke ndesinana kpuende imendi manzaa. ¹⁶ Nande mambuso abano mamusa, mamusa mbuso. ¹⁷ Yeso abine adaha kaa Yerusalemu ekpee batelia bake mokane bale na pitii. Kahe abaluhua kabo. ¹⁸ Buendani esukaka na Yerusalemi na mikii Madamu bapisono kajika ka bahomi la Makuhani badindia abakaoka pito akue. ¹⁹ Bangapa kanjika bakpa batepio, batelake na nyangalake kaa kpakpuu, mbuso meese sala asusukano. ²⁰ Mbuso amake na miki ma Zabedayo apikii nangua Yeso na bamiki bake, abetii moku musa make, na memia kima tuka kyaake. ²¹ Yeso abaa luhuo kabo, bakundiabo? Abaluhua, nuhu bamiki bamo ubale balikee, miki kadi na makukpaa metino jika makuleku suba bubuame ako, imba. ²² Yeso asii abaluhua kowepi kima ende weka meemiali. Benu kakaba mulia keke inde iimuliano? Abobaluhua bitokano. ²³ Abaluhua kabo kekeamo bomuliano, iimba liko kanzika mii makukpa nanjika makuleku. Enda ekundo lami imba ekula bundeepa ekundi. ²⁴ Batelia betina moko, inde bekine baa aba babela kula bakpoa ubale. ²⁵ Yeso abeweka eye mayake na tota kabo, buepi yende bao muame ba bakpa bechiso kona na bahomiabo kakola kima ndee baluhu kulabo. ²⁶ Imba kangabo bendo kulanu, mbuso munde akundano baa muame kangalani aabano kabee manu. ²⁷ Munde abano nanusa kangalamu abanu abano kobe manu. ²⁸ Ya miki madamu kapiki tumikiya lake, apikii ndula tumika, natuso mbulioke abee tua melilia bakpaa kpubu. ²⁹ Saa iinde batakine Yeliko bakpaa kpuubu aba bakuata. ³⁰ Ababebona, batimetime babale ngo baliki kapitio ake, iinde bekine yende Yeso na kakalua, bamaki lisuabo laba luhua mangese mikima Daudi akue ekalasu. ³¹ Unati bakpaa ababehamya na luhua kabokabia na ataboo ababa makaliso bwee na luhua mangese miki ma Daudi weso kulie ekala. ³² Mbuso Yeso abaama abeweka buliso labo, bokundi iikale kanu kiwa sino? ³³ Ababaluhua muame mbukesosu ekukene. ³⁴ Basi Yeso abine ngoo aku ekalabo abapedia esiobo abekukono aba ba bilia.