¹ Yeso na Babea bake aba bakido kapio Yelusalamu na baka na Betefage, ka mamba la Mizeituni, mbusa Yeso aba eteka Babea ubale, ² Aba tota kabo, ''Kaani ka nji n'de awani musa,na wabe bundundano punda bunyangi wabe, na mikiopunda kuma kadi neye. Boenyange na Pikiso labo keame. ³ Kabongo ngba ngbogbu munde akengiano bukulo lano, aba boluhu, ''Apwai amemi,na kpa mundo asano bopike nabo.'' ⁴ Loki nde atuu n'de aluhu koni kabo kea Nabii lazima akolokane. Abaluhu kabo, ⁵ Ototeka binti Sayuni, uendane, mwame mako apiki na njonu, kpa manja n'de mundo adahito kula punda moko, mikio punda moko, mikio punda medio. ⁶ Mbusa Babea batoke na kakola endene atoti kabo. ⁷ Aba ba mbikiso punda na mikio punda, na piso ngombe kulabo, aba Yeso aliko abe. ⁸ Ba kpa bete kuma n'de tundana batali ngombe kahe, na betina ababatina tapiome na talali kahe. ⁹ Ba kpa ngbete bapeki na ngua Yeso na bunde ba beliei aba bateka liso, ngobe kaluhu, ''Hosana kea mikima ma Daudi! Ni mubalikiwa munde apeki ka ino la Apwai. Hosana neko kpe kpe kpe! ¹⁰ Yeso sa nde akidi ka Yelusalemu, ni ngbogbu aba ba simo na luhu, '' munde nja? ¹¹ Ba kpa kpete aba ba sikiso, ''Munde Yeso nabii, tuka na Nazaleti la Gallilaya.'' ¹² Mbusa Yeso aba angio suba hekalo Akodola. A Babea ba kpa na senge ngbogbu tunde baliki na sumba na sumbiso suba hekalo. Aba ahalio meza la bato ahalio ako na mbata la batoa sumba ba mbabu. ¹³ Aba tota kabo, ''bakeki,enduomi batoano enduo mema, m'pa benu bopisito la bato la mutokema.'' ¹⁴ Mbusa ndimendime na batoedoti aba bapiko suba hekalo, aba elamiso. ¹⁵ M'pa kendene Bamangese la Bakuhani na batoadindo nande benine kaloka na kima n'de akoli, na kende bekine ngoba ba meki ngobeke eyungu suba hekalo na luhu, ''Hosana kea mikima Daudi ,''Aba bapata ngbau. ¹⁶ Aba batota kake, ''Uekeka nde ba kpa bunde beka luhuoli? Yeso aba luhu kabo, ''Meki! M'pa kuboe pimbe soma, tuka ka nyokwa bamiki na bamiki edidioko ba kalungo na sifa anja. ¹⁷ Mbusa Yeso nande edu ake na sengelanji la Bethania na mande ase ku. ¹⁸ Mumo tusande asiki na nji, abi na nja. ¹⁹ Aba enane kapio ahe. Aba kapiome, m'pa keni kima kulame kabongo abi makasa. Aba aluhu kabo, ''kongo obilia bana na mbuko.'' Mande tino me n'do aka kali. ²⁰ Sa nde Babea be nine,aba ba sangala na ha, abime aka kalito lingono?'' ²¹ Yeso abakisio na luholi kabo,''endilingoni na aluho likano kabongo beno na bondo na kange boko, kobokoleno kima n'de akolakani kame n'do, m'pa bototano ata ka mamba n'do, bakumbe na kamakali suba libo, na kolokanano. ²² Tima ngbogbu n'de bome meana, koni kabongo bo besiei, ba pokeano. ²³ Yeso akido subendua Akodola, bamangese bangbongbo na ba kpa bangbongbo bakanzii aba bakidilio saa nde aliki tahwa mbiniso Akodola na muliso lake,''Ka kubwame sino okolito kima la bendo? M'pa aope ku bwame leo nja?'' ²⁴ Yeso aba asikiso kabo na aba aluhuo kabo,''na ime ha menu bulisono elehe kadi kabono endi kangbua kubwame sino ndulu okali kima indo. ²⁵ Ubatiso a Yoana atokiko na kupa ao nanjo ba kpa ba k'adodo?''Ngobaluhuano mayabo, ngobaluhua, ngobluhua otuki na kupa, atotano kasa, kangbueke kabomoki?'' ²⁶ M'pa kibiluhue, otuki na njoa ba kpa ba k'adodo,''besu kachia tundana labo, kangbue nde bamoni Yoana ngbogbu pulanabo ya kukumu nde ma Akodola.'' ²⁷ Mbusa lii ababasikiso ka Yeso na luhua bende,''Kebepi?'' Aba asikiso kabo.''Meeha kitoteno kanu kabenga endi kangba kubwame sino okoli kima undo. ²⁸ M'pa bohaki kima sino? M'pa mana bamiki ubale. Mande ake na nja makadi na tota kake bende. Miki mamo ka okole ekumo suba tiko la Mizabibo inde nde. ²⁹ Miki aba asikiso na luhua, kingeno. M'pa mbusolingo ahalio elehe kena kake. ³⁰ Mande moko nudoo aba ka na nja miki make baelehe na luhuo elehe indo kadi miki mundongo asikiso kake ate,''Ungano epa, m'pa kake.'' ³¹ Mawa ka soloa ba miki bundo ba ubale akoli undo apake akundi okole? Ababasa,''miki mamusa. Yeso aba tota kabo,''Utatito kanu lingo, bunde batundanaka na bakalio dekeneke bangiono suba ebwame la Akodola ngo kobongimbe.'' ³² Kangue Yoana piki kianu suba ahe labebe, m'pa kobo moki, sa nde batua tamba na bakalio dekedeke ba mokii. M'pa benu bundo bweni indo ngo ekako lukukano, kobatoki moka lake ndulu bomake mbusoli. ³³ Bwekani makoko etino, abiseli ukpa munde aki na bulambo angbo,. Akuni mizabibu, aba ahikotita, aba bongiso kima la kama makana, aba ahiko endu akeko kuma la batoabunja, mande atimbisi ka batoa bongisa Mizabiu mbusa li aba aka na njiletino. ³⁴ Sa atina mizabibu asio pio, etki batoaekumo kia batemi mizabibu kangbua kumba mizabibu ake. ³⁵ M'pa batoatema Mizabibu aba bekumbo abatoekumo bake, aba babeta makadi, aba bamua metino, na aba babeta makadi netale. ³⁶ Kendo betino mileki etiki batoakumu betino, kpwete kalwa bundo bamusa, m'pa batoatemala mizabibu bakoli kiabo kaso bendo. ³⁷ Mbusa mendo moko munde aba atika na njobo miki make ngoaluhuo,'Bamokano miki mamo.' ³⁸ M'pa batoatema mizabibu bamona tabanali mundo, aba bahachana kangalabo,'Mundo atikino na luhua inde munde.' ³⁹ Aba bambedea bendo, aba bamaka na senge la sambola mizabibu na mua lake ⁴⁰ Eyema atua bunja sambola mizabbu kapike ekolano boo batua tema mizabibu?'' ⁴¹ Aba baluhuo kakebende,''Etadano ba kpa basianana suba ahe la kala kpe , na mbusa li akangano sambola mizabibu aboka batoatema mizabibu betino, ba kpa balehano kangbua mizabib nde atadikanano. ⁴² Yeso aba luhuo kabo,''Kobo maki esuonu kula amapapasia,'Etale unde batuehiko batuni asito unde nde etale angbo aka tekeliso ehiko, unde atuki n njo Epa na akapito eboko kiasu? ⁴³ Utotito kamu,kubwame la Akodola akunotuka kianu na kidokanji ngbogbu inde babesiano mbuko anja inde atuon subi. ⁴⁴ M'pa munde akuono kula etale ind abunukono hale hale, m'pa inde anguliono, akpohana. ⁴⁵ Bamangse bangbongbo na Baalisayo beka inde akoli ababena inde ne aliki luhuo kulabo. ⁴⁶ M'pa munde aliki ena inde ne aliki inda inde ne bea nanua njika klake, aba bachia tundana kangbue nde ba kpa bamoni la kukumu nde ma Akodola.