¹ N'de ahobeli sua ndo Yeso abiakobi elehe indo aba tua Gallilaya, aba kida a mila Yudea kupua libo Yolodani. ² Bapete aba milia aba elamiso. ³ Bafalisayo waka njio aba munzingwa aba tota kake,''endi bangali ekpa dua kalimake kangwa nhbogbu?'' ⁴ Yeso abakisio na luhu ''kaba sami ende emibongisi kateliana bongiso muko na kali? ⁵ Aba aluhuo kangbua moko adua na Epake na make,na pedona na kali make na ba ubale meba ngopa kadi? ⁶ N'do ubale ani ngopa kadi inda kima andunta nisi Akodola m'pa nganga nudua niso. ⁷ Aba baengodea kanguasimo musa adidia ma papisia saloba duane? ⁸ Abangodea, mbuko mao muta Musa akapi ma papasia la duana mota mbuko manu ao mota, M'pa Musa kabi bendo. ⁹ Aba tota kabo mekpa munde aduano kali make na nda nombo la etele, aka muama metino a telemani ambengo moko amuakali budu a temani.'' ¹⁰ Batelia bangodei Yeso,''ambengo maha inde bendo kaifai ma moko mwema kali.'' ¹¹ M'pa Yeso abangodea,''indo pakea,eano indo umba ekabunde mahaba na lusa la pokea. ¹² Endebatoashi babokotini soho la ama bo, abi anga labo na ba toashi bunde bato bee bongisi,na mbunde be ekaloni,batuashi. Kangbua bu mwame na kupa munde ataka pokea enyano inde apeke. ¹³ Mbusa aba pikiso kake ba miki bedio apise njeka labo. na memua umba Babae bae ababa hamua. ¹⁴ N'de Yeso abaluhu,''abangodea bamiki be didioko kanga be ko musa bapike inguami ku ngbuende ba mwame ma kupa endiabo.'' ¹⁵ Aba piso njeka kulabo abatuka wabe. ¹⁶ N'do dadi aba piko ngua Yeso aba luhuo,''Mwalimo ende emasina anja inde betuka kola m'pa m'be ngbulu la esa. ¹⁷ Yeso aba ngodea kangbua bo omemolisi inde kumasino inja? Emande ma kadi nde ma nja umba batuka obe na buenge okpe selia la Akodola. ¹⁸ N'do munda abamulisa inde selia la Yeso aba luhuo kanga muakanga obano na etele kanga okubo nganga oluhuo mbela. ¹⁹ Bobena bonda na ba bepa, na baemaa na okunde tao la hekalo. ²⁰ N'do munde abangodea indo mbiagbu mekali me kolana haobo? ²¹ Yeso abangodea katoke bato ma nja ake asumbise kima nde uene okape ka bamasikini umba obani na ndekele la kupa, mbusa opike ome kpate. ²² Umba kota mundo ekine yanga la Yeso abingo anguadei aba tuka nekala kangbue ndabi na luha kpete. ²³ Yeso abangodea Babea nde bae: ''Na manungodea n'de motato mana luha ngiyo na bu mwame la kupa . ²⁴ Na manungodea ande bonga ngamia ngio na kupu la sundano ko nganga tomana luha ngio kabo mwame la kupa. ²⁵ Babea babingo beki aba basangala kpe, abalua inde mawa munde aokokano? Yeso aba uena na luhuo kaika bato katuka kuneno nakini ungwa Akdola ngbogbu atoki kani. ²⁷ Umba Petelo aba luhuo ate wene biduto ngbogbu beo kpatito ue, bapatano abo? ²⁸ Yeso abaengodea ninga manungodea ame patano sube bakati anja la mikima Adamu. Munde alikino suba kiti la nji apu na bonu bolikono kuba kiti moko na ibule la nji ka etale la kabila moko na ibale la Israel. ²⁹ N'do kadi angalanu munde adii ende alue moko alue sika Epa, Ema na mikina tiko kangua inomi ba kpa na bendo na ika na uzima la milele. ³⁰ Umba ba kpete babe bai moti mbino inde babano ba musa na babi bamusa babano baimoti.