¹ Suando huo huo babae nde bae ababa pia na ngua Yeso abangudia, ''Mawa nde mangese abwame a kupa?'' ² Yeso aba kuka niime dee, aba mbisa anga labo, ³ Aba luhua, ndomi menangadii, nanda bu tubu balanu sinda banu deedee, inda botoha ingia suba bumwame ndee Akodola. ⁴ Anga aba na toonde inda siani sinda nii nedee, n'to sinda ndo nde Mangese suba ubwame akupa. ⁵ Anga too pulipu too nde ahuki nii meobe amami kesi naye amukoki imi. ⁶ Lakini kila too ndea aweza ne etima ba niee ndeemu lebei, aifai banyange kingodoo na te mangbo la kuha, anga amaeide suba ibo. ⁷ Akaala suba leengo anga suwa la timana! Saa ndoo akide, Ekaala a too nde suwa ndoo ima ndoo akidano a tatae! ⁸ M'pa nzibao m'pa Ipe lao ao kisia kake otine na maali kulaha na uwee. Aanza ngiadao a usima na uwe na kanga nzika m'pa ndoti, koliko mao lao sube saa la milele na nzika buuli na ipe buuli. ⁹ Abe na usoao ao kwazi ohodiye na maali kulaha na uwe. Anza awawo ngia suba usima na iso imoti, koliho maa lao suba saala milele na uwe na iso ao puuli. ¹⁰ Undani too bopiani pia tima bande budee. Anga maane menu ngudei abe na kupa ena malaiki nde mabo suwa puuli aba unda iso la Epa ami mana kupa. ¹¹ nondea elehe nde aoneani anga abe musitali moko na imoti. Anga muna Adamu apii pia lamisa inde abi na abungi inda aoniani suba na ndoo nzaa akale. ¹² Bu ima sina hakiee? Abe na too onana Mboli yana imoti, na moti lae na bungi, M'pa aduano sitini na tisa ao mamba na kalae kaa kaba moti nde abungi? ¹³ Na saande amonii, Domi menungodei, Abasisia njena bande sitini na tisa bande inda babungi. ¹⁴ Bende inda naekundo la Apanu ma n'a kupa ete imoti na bonde baa dee baba kuwe. ¹⁵ Ange na tubao ao dongi, oke, ahangise edongi ao dongine abe ye nganga. M'pa ao kana, apatito tubao. ¹⁶ Anga anga indo omoka, oke kpe too imoti ao babale apuu moti na uwe, anga inyosa ya washuuda babale ao basalo, kila elehe nde neza kibitisholi. ¹⁷ Nabe na anda inda anumo kenyi, wengudie kanisa elehe ndoo, Abe na komi okonya kanisa, Abe sinda Mataifa nande ahodia Usulu. ¹⁸ Domi menungudei, puuli puuli inde bunyanga na leengo oni na kupa nayu baba nyanga. Na puuli puuli nde bu kudano na leengo na kupa ba kudano. ¹⁹ Tena menungudei Abe na batu babale na anga lanu balibiani atata ima ndoo puuli puuli nde bamemi atatami Mana kupa akolana. ²⁰ Nange batu ibale ao isalo naba tundani anami, ima apuu moti nabo. ²¹ Na m'pa Petelo abapia na abangudia Yeso, ''Epa, ande kendo inga taami namu dongi memu samehe yano, hondo enga? Hata sobi lalo?'' ²² Yeso abengudia,''Inde menungudei maro sobe lalo, Lakini kumi subi lolo na subi lalo. ²³ Anga bende bumwame la kupa emaa ya bumwame itina abia akala tonga apuu moti na Bakobe nde baye. ²⁴ Abi na akengetisa na tonga, kobe imoti baba mbiyanee na ngwaee naba dayalaye mabuna Elufu moko. ²⁵ Inda abi na Ahe la sikiso, mwame limae abi alakoli bende basumbe, kae na banaye na ima nde abine, na liha Akolane. ²⁶ Kobe aba akua, aba beta mooku musa laye, na haluhua, Mwame, ube na mbua mema inde aotida, na sisa ima puuli.' ²⁷ Mwame ndoo ndi ma kobe ndo, nabi na ngumi kpe, aba dolia aba kaa. ²⁸ M'pa kobe ndoo abi ohobi ababelia moti angala bakobe babaye, babi tuusa laye dinari yana imoti. Aba mbeda akutu aba ngudia, ''Umupe inde ne tuusa.'' ²⁹ M'pa kobe ndoo taye aba kuwa na memalae, aba luhua, ''Ube mbua mema ekaala, mengapano ao.'' ³⁰ M'pa kobe nde mamusa aba Koma mbusa abaa kaa maalaye luba ngoli, na tuusa mabuna ndae. ³¹ Na wakati nde bemonine ba kobe batoo babaone elehe nde ahobi. Baba belekpe. Aba bapia na ngdia Epwai nde mabo kila hima nde ahobi. ³² Nde Apwai la kobe doo aba kuka, aba ngudia, we kobe ma Cheede, uwe n'kuu akaolao uwe ete ndamo puuli anga apui na ngwami aba umumekpe. ³³ M'pa! anga ima sina uwe indo bina Ekaala awa kobe taao, anyaee ime muku ekaala awo?' ³⁴ Apwai nde maye aba bela na paa laye nangwa batu la tesalaye mupaka saa ndee kapano puuli inde ibine. ³⁵ Inde boo Epa nde mana Kupa na kolelale boo, nde kila too nde aliniya taye suba mbua memaye.''