¹ Mbusa kia motoba Yeso aba ekpa a pumoti naye Petelo, na Yakobo, na Yohani motoae aba ekumba na n'tata mambe inde ndaibo ngango. ² Abi ehalii mosa labo. Isoa aba hema sinda mane, na ngombe ndae obi aoneani ote isua mane. ³ Onda, amande bahobeli Mosa na Elia amande bi baluhuana na ye. ⁴ Petelo aba n'sisila na abangode Yeso, "Epa, ande bongali awa su besu balasu ani. Abe nokondi, i hia tua isalo-imoti indao imoti anga Mosa, na imoti anga Elia." ⁵ Na aye oluhua onda ebundu nda pu aba pisa kudu, na onda a hobeli liso suba ebundu aba luhua, "N'do nde nami nde mekondi. Bakuya neni iye." ⁶ Ba bea inde baokine indo aba ban'kua makakale ababatea kpee. ⁷ Mbusa Yeso abapia aba epedea na luhua, "Mani kanga botea." ⁸ Na iba baba ma isoabo nekoo m'pa ndabi bamoni n'to nanda bi Yeso iye nganga. ⁹ Na inde abi na ba toa na mamba, Yeso aba engodea, aba lulua, "Kanga botoma mbino la eloti nde nda nde muna Adamu achuchuane toana poota." ¹⁰ Babea nde bae baba ulia baba luhua, "Ande anga emasina badindii baluhu kea bende Elia apiano na? ¹¹ Yeso abaesisi na luhua "Elia" Elia apia awanu na aba sisia ema puuli. ¹² M'pa menu ngodea benu, Elia ae meno apii m'pa n'da bamupili. Mbusa li, abiba kaleli ema nde bo ba kondi. ¹³ Na m'pa babea baba mupila inde bi aluhua na nabo mbino a Yoani mobatisae. ¹⁴ Inde bakidi ne angala bato, n'to moti aba ngelea, na kputa mosala, na ngodealae. ¹⁵ "Epa, okue ekala nami, amande ana cheka la kuaka na mona nyombo kpee. Amande kendo angbo akuaka suba n'sa na inda to suba ibo. ¹⁶ Nembiine nangwa ba Bea nde bao, n'da batoi lamisa lae. ¹⁷ Yeso aba sisa abaluhua, "Benu eboti nde nda na boenge, na inde auchuani, ne ika na benu kia enga? Nenu kobe kanga sungia? Ombiane nangwami." ¹⁸ Yeso aba hamea, na n'ketaba to a wae. Tabana alami maha mbeno ndo. ¹⁹ Mbusa babea baba babapia awa Yeso esomi na ulia lae, "Angaee emasi na n'da betoi bealae?" ²⁰ Yeso aba engodea, "Anga boenge lanu edee. Domi nenu ngodea abena boba na boenge na edee na ngebe mbua la hone, botoa na luhua na mambande, tola toa ani oke o, nayu aba tola na nandakale na emama puuli nde atalokana anga nu. ²¹ Pedela elehe la dendala ekomi ibale na imoti "M'pa, ina mblala n'keti nde n'da toana toa, maha anga mema na boa." N'da oneana suba elea inda kala. ²² Suande abi ne nabana Galilaya, Yeso abaengo dea babea nde bae "Muna adomu bambisa anjeka bato. ²³ Na baba moa na mbusa kia isalo a chuchua."Babea baba lilikana kpee. ²⁴ Na inde bakidine na Kapelenaumu na ba momei la kodi inda kputu a mabuna a babaka nangwa Petelo baba luhua, "Ande boni mwalimo nde manu leha kodi inda kputu a mabuna?" ²⁵ Aba luhua, "Nalebea" M'pa Petelo abangia nende, Yeso aba luhua na Petelo mba na luhua, "Ohaki ema sina Simoni? Bamwame nde baleonga, bakpa toa nangwa ani? A bande ba a n'tatanu toa awa bakendo? ²⁶ Na ende Petelo a luhuu ne, "Toa awa bakendo" Yeso aba ngodea, anga bwame baetoisi suba leha labo. ²⁷ Kanga bepia beekola sinda bato la mambilikiba na kola eloloi ka na ibo maa ndobani, na ohodie n'su n'de ma mosa. Inde aukuune enyosae, atondo ubeli mabuna imoti. Okpe na wepe batoa mambiliki ba anga mi na owe.