¹ Ezosiku, echigusho chinene ch'abantu bachihira haguma, eyinantacho baherhe ch'okulya, Yesu ahamagala abigirizwa bage ababwira: ² Namayunvir'echichigusho obonjo, okubona kurhenga siku esharhu bali haguma nani nantacho baherhe chokulya. ³ Nkababwira bagaluke banashalikire, b'arhamir'omunjira nakandi baguma babo barhengaga hale. ⁴ Abigirizwa bage bamushubiza; gurhe rhwankabon'emigati yabayugusya na kandi rhuli omwirungu? ⁵ Yesu abaz'abigirizwa bage; migati minga muherhe? bamushubiza; Mushanvu. ⁶ Honaho ayikaz'echigusho ahashi, arhola ela migati mushanvu, enyuma lyokuyigisha, ayichamo ah'abigirizwa bage bayigabe, honaho bayigabir'echigusho. ⁷ Balichiherh'efi zigeke, na Yesu achimala zihunira, azih'abigirizwa bage bazigabir'echigusho ⁸ balya, banayugurha, bayunjuza rhurhanda mushanvu rhw'ebichira byayorhaga. ⁹ Baliri hofi bihumbi bine. Yesu aj'abalikula bagaluk'emwababo. ¹⁰ Honaho ashon'omuchombo n'abigirizwa bage, b'achiyerekeza ahantu hahamagalwa Dolmanuta. ¹¹ Abafarisayo bahulukira, barhondera kumujis'obuhaka n'okumuhema abajirir'ebisomerene bashonda kumurhangula. ¹² Yesu avunik'omurhima aderha: Bulagurhe linoburha yilyahem'ebisomerene? Okuli namababwira, ntabisomerene nah'eburha lirinkeli. ¹³ Enyuma zaho, abaleka, aj'omuchombo agana olwindi lunda. ¹⁴ Abigirizwa baliyibirire kuhek'emigati, baliherhe mugati muguma gonyine omuchombo. ¹⁵ Yesu ahabo erhegeko: Muchilange n'ezinga ly'abafarisayo ne lya Herode. ¹⁶ Abigirizwa baboherezana bonyine kubonyine, baderha: aderherentyo, okwenge rhwayibirir'emigati. ¹⁷ Yesu achimenya ebibali baboherezana, ababaza, chirhumire yimwachiza binene okwenge mwaleker'emigati? ka nta bwenge muherhe, murhanali mwayunva? kamuherh'emirhima erinkabale? ¹⁸ Muherh'amasu murhanali mwabona? Muherh'amaswiri murhanali mwayunvu? Ka nanta bwenge muherhe? ¹⁹ Emango nji nagishaga migati erhano ekayugusya bantu bihumbi birhano, rhurhanda rhunga rhuyunjire njimwahekaga? Bamushuza: ekumi na rhubiri. ²⁰ Emango njinagishaga migati migati mushanvu ekayugusya bantu bihumbi bine, rhurhanda rhunga njimwahekaga? Bamushubiza; rhusanda mushanvu. ²¹ Ababaza: murhanazi yunva kandi. ²² Bagana e'Betesaida; balerhera Yesu empumi bamuhema, ayihumeko. ²³ Amufarh'okuboko, amuhek'embuga y'Echishagala, amugez'amachanira omumasu, amulambulir'amaboko, amubaz'akaba hali echabwene? ²⁴ Alola amubwira: yinalangir'abantu, aliko yinababon'ankamirhi eriyalambagira. ²⁵ Yesu ashuba muhir'efune omumesho mw'ako kachanji empumi yalolere, yafuma n'okubona bwinja bwinja. ²⁶ Honaho Yesu amubwira; galuka emwawe, omenye wankachija omuchishagala. ²⁷ Yesu n'abigirizwa bage bachigendera omubishaga by'Ekaisaria y'Efilipi, n'omunjira abaza elidoso; abantu yibanderha okunyono nyende? ²⁸ bamushubiza: Yohana mudubisi; n'abandi, Elia; n'abandi, muguma w'abalebi. ²⁹ Abazabo: nenyu yimwaderha okundi nde? Petro amushubiza, we Kristu. ³⁰ Yesu ababuza okuntaye babwirage ogomwazi enyanya zage. ³¹ Honaho arhoder'okubayigiriza okubihemer'omwana w'omuntu alibuke bwenene, akabulwe n'abagula, n'abadahwa, n'abandisi, ayirhwe, anafuke enyuma ya siku esharhu. ³² Abwirabo eyimyazi okumugarogaro. Petro amuhek'eburhambi amukalihira. ³³ Aliko Yesu ahindamuka alola abegirizwa bage, akwama Petro amubwira: oj'enyuma zani Lyangombe bunola orhamenyere emyazi ya Nyamuzinda, enganiza zabantu z'oherhe. ³⁴ Honaho, ahamagala echigusho haguma n'abegirizwa bage ababwira: akaba hali owalonza ankulikire, achilahire yenyine, ahek'omusalaba gwage anankulikire. ³⁵ Bun'owalonza achungul'akalamo kage, akaheza; aliko awaheza akalamo kage enyanya w'omwazi g'omurhula akachungula. ³⁶ Bichi byakamalir'omuntu agwarh'egulu lyoshi alikw'aheze omurhima gwage? ³⁷ Bich'omuntu akahingan'omurhima gwage? ³⁸ Buno ngasi yeshi wanyuvir'eshoni changw'ayuvir'eshoni emyazi yani mulino burha ly'obuhushi n'ebyaha, mwen'omuntu naye njamufir'eshoni emango ayinja omubulangashane bweshe haguma na bamalaika bakyesibwa.