¹ Kandi abwirabo: Mbabwirir' okunali; bagum' omubali hano barhagafa barhanazibona obwami bwa Nyamuzinda bwayinja n'emisi yoshi. ² Enyuma y'esiku ndarhu, Yesu arhola Petro, Yakobo na Yohana, ahekabo bonyine okumusozi gulehere. Av'ahinduk' eshusho embere zabo; ³ emyambaro yage yabaraganya bwenene kulusha byoshi okwigulu. ⁴ Elia na Musa bababonekera, eribali baganira na Yesu. ⁵ Petro abwira Yesu: Mwigiriza, bikwirire rhube hano, rhuyumbake misongi esharhu, muguma gwawe, ogwa Musa na Elia. ⁶ Bulala arhali yinji echakaderha, obuba buchiyusigwarhabo. ⁷ Ebichu byabashukulira, kandi omulenge gwarheng'omubichu, gwaderha: Oyula ye mwana wan' insima bwenene: Mumuyunve. ⁸ Hanaho abigirizwa bakabakaba, babona Yesu haguma nabo. ⁹ Okubali bayandagal'omusozi, Yesu abalahiza okubarhabwirag'omuntu ebibabwene kuger'olusiku Mwen'omuntu nj'afuka omubafu. ¹⁰ Babik'eyo myazi bali babazana okufuka kokuderha gurhe. ¹¹ Abigirizwa bage bamubaza: Chirhuma abandisi baderh' oku Elia njayinja burhanzi? ¹² Yesu abashubiza: Elia njayinja burhanzi kukwiza ngasi kintu. Gurhe biyandikirwe oku Mwen'omuntu akwanene kulibuzwa bwenene n'okusuzagurwa? ¹³ Aliko mbabwirir' oku Elia ayinjire, n'okubamukolere echibalonzeze nkokubali yandikir' okuye. ¹⁴ Babere bagera hofi n'abigirizwa babona olubaga lwabazunguluka n'abandisi bali basakuza. ¹⁵ Gurhenga olubaga lubona Yesu, lwasomerwa n'okuji mulamusa. ¹⁶ Ababaza: bichi muli mwasakuzanako nabo? ¹⁷ Muntu muguma wa molo lubaga amushubiza: Nahano, mperhe mugala wani ofarhirwe n'abazimu bamujira nyamugama. ¹⁸ Hoshi bamufarhira, banamuband'ahashi, anakul'olufula, anahekeny'amenyo, n'okugangabala. Nahunire abigirizwa bawe balibisy'oy'omuzimu bagambwa. ¹⁹ Buko burhayemera, yesu ababwira: Ndinaba haguma nenyu kugera lyali? Ndibalembera kugera mangochi? Mumunderhere. ²⁰ Bamulerheraye. Omwan'achibona Yesu, omuzimu amushaganya kubi; agw' ahashi, achikumbagal'ako eryali alerh'olufula. ²¹ Yesu abaz'eshe w'omwana: Hali bihe bingana gurhe bimuhikira gurhenga aburhwa, amushubiza. ²² Nabihe binene oy'omuzimu anamukabula omumuliro n'omumenji omukulonz'afe. Aliko, akaba wakagala ontabale, orhuber'obonjo. ²³ Yesu amubwira: Nkaba wakagala!... Byoshi bishobokene okumuntu oyemerere. ²⁴ Agomango eshe w'omwana aband'olujamo: Namayemera! Njen'orhabale okubul'obwemere bwani. ²⁵ Yesu achibon'olubaga lumulibirhira, abwira oyu muka mubi: Muka kaduma, kandi marhwiri, ndinakurhegeka, rhenga moyu mwana, njorhachimugalukiraga. ²⁶ Av'anarhenga, aband'endulu, aly'ashagany' omwana bwenene. Omwan'ayorha nka mufu n'abantu baderh' okwafire. ²⁷ Aliko Yesu amufarhira oku kuboko, amuyumusa, omwana ayimanga. ²⁸ Yesu achigaluka omunju, abigirizwa bage bamubaza bonyine: Chichi charhumaga rhurhalibisy'oyu muka mubi? ²⁹ Abashubiza: Obu buko burhankarhenga marhali mahuno. ³⁰ Barheng'eyo munda, barhaluk'e Galilaya. Yesu arhalonzag' ok'omuntu akamenya. ³¹ Bulala aliri kuyigiriza abigirizwa bage n'okubwirabo: Mwen'omuntu ahanwa obu maboko ga bantu; bamuyirha, n'enyuma wa siku esharhu ayirhirwe, anafuka. ³² Aliko abigirizwa barhayunvag' ogu mwazi, bayubaha kumubaza. ³⁵ Bager'e Kapernaumu. Achiger'omunju, Yesu ababaza: Bichi mwaliri mwajira k'obuhaka omunjira? ³⁴ Basira boshi bulala baliri babazikanya ndoli mukulu. ³³ Yesu ayikala, ahamagala bal'ekumi nababiri n'okubwirabo: Oshondere kuba w'oburhanzi, y'ebe w'obuzinda wa boshi n'omukozi wa boshi. ³⁶ Arhola omwana, amuhira ahagarhi kabo, amuhir'omumaboko gage aderha: ³⁷ Ola yeshi ndi wayakira omuzino lyani muguma mwaba bana, anyakirire nyenyine; nyonyakirire,arhali nyono, aliko owantumaga. ³⁸ Yohana amubwira: Mwigiriza, rhwabwen' omuntu olikul' abazimu okuzino lyawe, rhwamubuzize bulala arhaly' arhukulikira. ³⁹ Murhamubuzaga, Yesu abashubiza, bulala ntaye wakajir' ebisomeren' okuzino lyawe kandy' akuderhe kubi. ⁴⁰ Orharhushombere eyarhusimire. ⁴¹ Ow'undi wabah' egopo lya menji okuzino lyani, bulala muli ba Kristu, mbabwirir' okuli, arhakahez' oluhembo lwage. ⁴² Sy'owundi warhoza muguma mwaba bana bayemerere, bihemere bamushwekere kwe bale linene omugosi n'okumukabul'emwibi. ⁴³ Eri kigasha chakagusoza, ogiche bulala biri bye ngenzi kuja omukalamo n'okuboko kuguma; ⁴⁴ ahali hokuba n'amaboko mabiri n'okuj' ekuzimu, omumuliro gurhazima. ⁴⁵ Ery'ekishando chawe chakakurhoza, ogiche, bulala biri binj'okuja omukalamo olikushonagira, ⁴⁶ ahali hokugwarha bishando bibiri n'okukabulw'ekuzimu, omumuliro gurhazima. ⁴⁷ Ey'erisho lyawe lyakakurhoza, kula lyo, bulala bilushire okuja omubwami bwa Nyakasani na lisho liguma ahali hokugwarha mabiri n'okuj'ekuzimu, ⁴⁸ ahantu omunyole gurhafa n'omuliro gurhazima. ⁴⁹ Bulala buli muntu njaba munyu g'omuliro. ⁵⁰ Omunyu guli gwinja; alik'omunyu gugaheza obununu, bichi bya nkagukwiza? Mugwarh' omunyu omukagarhi kenyu, munabe n'omurhula mwenyine oku mwenyine.