¹ Abafarisayo n'abadishi baguma barheng'e Yerusalema bachigusanya haguma na Yesu. ³ B'abona abigirizwa baguma bali balya n'efune zizingire kukudrha ezirhakalabire, ² na kandi abafarisayo n'abayahudi barhalya barhana kalabir'efune bwinja bwinja kukulikira n'emigezo y'abamira. ⁴ Na nkabarheng'ahantu habantu banene, orhankalya orhanazi chichesa, banali bakulikira agandi mahano nk'okushuka amapo, n'ebyungu, n'ebyuma by'emilinga. ⁵ Lero abafarisayo n'abashamuka behano bamudosa: Bichibirhuma abigirizwa bawe barhakeng'oborhere bw'abashokulu aliko banalya n'efune zizingire? ⁶ Yesu abashubiza: ndyalya, Isaya amanyire baleba, ayandikire oku: Ababantu bali bankenga n'ebinwa, saliko emirhima yabo eri hale na nani. ⁷ Olukengo yibankengera, luli lyabusha, yibayigiriza amarhegeko gajiragwa n'abantu. ⁸ Mwalekere amarhegeko ga Nyamuzinda; mwaja mwakenga enyigirizo z'abantu. ⁹ Ababwira kandi: Mwalwhire oku amarhegeko ga Nyamuzinda gaderhere, mpulyo muchishwekera oku nyigirizo zenyu! ¹⁰ Bula Musa aderher'entya: Okeng'esho na Nyoko, n'olala orhakenger'Eshe na Nina akwanene ahanwe okufa. ¹¹ Aliko mwabo muderha, oku omuntu eyakabwira Eshe chango Nine oku ebinankaguhere eli Koobani, kokuderha ntulo emwa Nyamuzinda, ¹² murhachi muyemereraga okw'arhabale Eshe na Nina. ¹³ Nantyo, eyi mwamabihya omwazi gwa Nyamuzinda oku mahano genyu gamira mwayusize kuhebaho. Yimwayigiriza n'ebindi binene bibishushire ¹⁴ Enyuma ly'aho ashubahamagala olubaga ahali alubwira, munteg'okurhwiri mweshi, munanyunvirize. ¹⁵ ntabyo bij'omubunu bomuntu bimuzingisa emango byamamuj'omunda. S'aliko ebirheng'omumuntu byebimuzingisa. ¹⁶ Oherhe amaswiri g'okuyunva ayunve. ¹⁷ Erhi aba amaja omunyumpa hale n'olubaga, abegirizwa bage bamudos'amahugulo ga agla mwazi. ¹⁸ Ababwirantya, nenyu ntabwenge muherhe? Okwebij'omubunu b'omuntu birhanka muzingisa? ¹⁹ Bula birhajir'omumurhima, s'aliko omunda. Buzinda byanaja emuhanda, omukuderhantyo ashukulula ebilyo byoshi. ²¹ Aderha kandi: Ebirhenga omumuntu, byebimuzingisa. ²⁰ Bulala omumurhima g'omuntu, murhenga enganiza 'mbi, obuhushi, obumaguza, obunizi. ²² Obwizi, enyifinjo, obukali, echituliro, amabi, amasu mabi, ebijachi, okubesha, okuchibina, esire. ²³ ebi bibi byoshi birhenga omumurhima g'omuntu byebimuzingisa. ²⁴ Yesu ajayo, aja omujihugo ch'Etiro n'Esidoni. Aja omunyumpa, arhalonz'abantu bamenye aliko achibisha. ²⁵ Hali mukazi muguma omwali aligwerhe omuka gubi, ayunva baderha enyanya zage ayinja achikweb'okumagulu gage. ²⁶ Oyo mukazi aliri mugriki, w'Esirofonike w'obuko. Amuyinginga ahige abazimu omumwali ²⁷ Yesu amubwira, orhang'oleke abana bayugurhe, bulya kurhali kwinja okurhola ebilyo byabana, n'okubikabura Ebibwana bya Nyakabwa. ²⁸ Nechi nahano, Nyamukazi ashubiza, amubwira: ebiyorha okushego lya nahano biribwa n'ebibwana bya nyakabwa. ²⁹ Nantyo amubwira: Enyanya ly'ogumwazi, genda, abazimu barhenga omumwali wage. ³⁰ n'emango agalukag'emwage, abugan'omwana walilyamir'okunchingo abazimu bamurhengeremo. ³¹ Yesu arhenga omuchihugo che Tiro, n'okushubigaluka kugerer'Esidoni hofi n'amenji manene g'Egalilaya, omukushabuk'echihugo ch'Edekapoli. ³² Bamulerhera bihuli, aliherhe agagamiriza, bamuhun'amulambulire kw'aboko. ³⁴ Amurhola amuheba hale n'echigusho, amuheb'emidoke omumarhwiri, amuhum'okululimi n'amachanira gage. ³³ Honaho ayerekez'amesho enyanya, aderha n'omuka goshi; Ephphata, kukuderhwa, occhiswekule. ³⁵ Honaho, amarhwiri gage gafunguka, olulimi lwage lwa shwekuka, arhondera derha bwinja bwenene. ³⁷ Yesu arhegekabo oku ntaye babwirage, ababuzaga okubunene aliko bowe babiyamagiza bwenene. ³⁶ Bali omukusomerwa bwenene, banaderha, yajira byoshi bikwirire; y'ayunvisa abahuli huli, n'okuderhesa orhuduma.