¹ Omenye okw'amango gazinda heb'esiku zibi. ² Bulala abantu bebe b'okuchisima, b'oku sim'efuranga, b'obuchibone, b'eshoni, b'okudukana, bagomi embere z'ababusi, barhasimana, bapagani. ³ Barha yemerere ebinja, b'obubi, bateranya, barhababalira, banizi, bashombanyi, ⁴ Balenzi, bachibona, bayunjwire n'obuchibone, basim'eby'egulu kulusha Nyamuzinda. ⁵ Bashushire nkabachesibwa, aliko banalahir'emisi y'enyanya. Ochilange n'abo bantu. ⁶ Hali baguma mubo bachihira omumaju banachirholera abakazi b'ebihwinja, balinkabafire lisho liguma, bagomi, barhambwirwe n'obusime bunene bwa ngasi nyifinjo. ⁷ Bigirizwa b'esiku zoshi, chibarhameny'okuli. ⁸ Kona kuguma nkakulala Yane na Yambure bakazagi lahira ebya Musa, n'abo bantu bakazagi lahir'okuli, okuba babihire barhakazigi lonza yunva ebiyerekez'obwemere. ⁹ Aliko, ntacho bejire chokugenderera, bulala esire lyabo lyebonekane kuboshi nk'oku byaliri kubala balume babiri. ¹⁰ Oku woyo wakulikire n'obwalagale, n'enyigirizo zani, oborhere bwani, n'ebinakolere, obwemere bwani, obwirhonzi bwani, obwinja bwani, n'okuchirhohya kwani. ¹¹ Amalibuko gani, n'okurhindibuka kwani. Malibuko machi ntageragamo e' Antiokia, e' Yikonia n'e Listra? Malibuko machi ntakomerera Nahano acheseze omubyoshi. ¹² N'obo ngasi hoshi balonzez'okulama omubuchesibwa muli Yesu Kristu berhindibuzwe. ¹³ Aliko, abantu bani banagenderera omu mabi, banahez'abandi omu mabi; na bonyine banachiheza. ¹⁴ Woyo oyorhe omubintu wayigirizwe n'omubiwamenyere omukukwanene. Onamenye emwande wabiyigirizwaga. ¹⁵ Kurhenger'omubudorho bwawe, oyinji emyazi y'obuholo, yakagala kukujira mwenge, n'okukuchungula kugerera okubwemere mu Yesu Kristu. ¹⁷ Ngasi lwandiko luherh'omuka gwa Nyamuzinda, Lunali lwabulagirire omukuyigiriza, omukuyemeza, omukugorora, omukuhanula omukunali. ¹⁶ Y'omuntu wa Nyamuzinda ayenezwa, anarheganywe kukola buli kasi kenja.