¹ Nkubuzize bwenen'embere za Nyamuzinda n'embere za Yesu Kristu okwanen'okuch'olubanja lw'abafire n'abazene n'okuzino ly'okubonekana kwage n'omubwami bwage. ² Oyigirize omwazi, ochihangane amango gakwanene na garhakwanene, hanza, hanula omushibirizi n'okuyigiriza. ³ Bula hayinj'esiku abantu barhachikulikira enyigirizo zishinganene; s'aliko kukulikira enyifinjo zabo bonyine bachihe abigiriza banene bula baherh'amahwiri garhayunva, ⁴ n'okumafuka ligarhayunv'okuli, n'okukulikira emigani y'olulimi. ⁵ Aliko w'oyo, obe mwirhonzi mu byoshi, komerer'amalibuko, jir'akasi kw'omwigiriza, ohikirize bwinja kasi kawe. ⁶ Nyon'akasanzi kani n'ahanwamo nka chungulo kahikire, n'ebishanji by'okugenda biri hofi. ⁷ Nalwir'entambala nyinja, n'amalir'olugenzi lwani bwinja , na nalangir'obwemere. ⁸ Enyuma lyaho, nabikirwe eshungwe ly'okuli Nahano, mucha manja w'okuli nj'alimp'olo lusiku. Arhali nyenine s'aliko n'abandi nji baba n'obusime bw'okuyinja kwage. ⁹ Oyinje dub'emunda ndi. ¹⁰ Buno Dema andekere, enyanya ly'okusima eby'egulu, anachijirir'e Tesalonika, Kreske ajir'e Galatiya, Tito aj'e Dalimatiya. ¹¹ Luka yenyine yeli haguma nani, orhole Marko muyinje naye bunol'amperher'akamar'omukasi. ¹² N'arhumire Tikiko e'Efeso , ¹³ Han'oyinja onderher' Egoti nalekaga Etorowa emwa Karpo; olerhe n'ebitabu changwa bwenene bilala by'oluhu . ¹⁴ Aleksanduro muchuzi w'ebyuma anjirire amabi manene, Nahano nj'amugalulira nk'okw'ebijiro byage binali. ¹⁵ Nawe, ochilange kuye bwenene bulal'achikulire omunyigirizo zerhu. ¹⁶ Okuchiderhera kwani kw'embere nta muntu walingwasize s'aliko boshi bandekerera, ebyo b'ajirire barhabiganjiragabo. ¹⁷ S'aliko Nahano Yenyine wa ngwasaga yi wampaga n'emisi ly'ezo nyigirizo zimpikirire n'abapagani boshi baziyunve, nana shwekulwa omubunu bw'entale. ¹⁸ Nahana entabala na ngasi mwazi gubi, anampeke n'okuchungula n'okumpeb'omu bwami bwage bw'empigu. Obukuze bub'emwag'emyaka n'emyaka! Bibentyo. ¹⁹ Olamuse Priska na Akila n'omulala gwa Onesiforo. ²⁰ Erasto ayorher'Ekorinto aliko n'alekere Trofime mulwalae'Mileto. ²¹ Ochihangane oyinj'embere w'akasanzi k'emboho. Eluno na Pude na Lino na Klodia na bene berhu boshi b'akulamusize. ²² Nahano abe haguma n'omurhima gwawe! n'olukogo lube haguma nenyu mweshi!