¹ Naomi wa'iwi ia 'ndu'na awali mbarra la'ina, ata a pote ekagaina a walina ndu'ndadina Elimelikh, ngarana Boas. ² Rut, maminne Moab, hinnage mbarra Naomi, "Ga'i kaku kako ne'e omadana nappa kuadi wullina pare ne lirada ata aduwa ate barragu." Nawale we, "Kako wu anagu." ³ Nya kanna kako, monno na dukki mbana ne omadana napa kuwa'di wulli-wulli pare nelirada amakeni. Lengnga oma do'una Boas awalina n'du'nda'ndina Elimelekh. ⁴ Nyawe, ammiwi Boas awalina Betlehem monno napa newe barrana ata makeni, "Mori namarengngagu." Nyaka hinnage banna walewi, " Mbanna mapandedowe Mori na pamaringngiwu mori!" ⁵ Boas natuwa wa mbarra ngarra ata papawedena na ndaga wi ata a amakeni, " Garradi heida mawinne?" ⁶ Ata a ndaga wi ata a'makeni hidda walewe," Hi'dadona mawinne Moab, awali marengnga dengngani Naomi wali tana Moab. ⁷ Nya kahinnage, 'Pakalogaga ne yo'uwa mbakku unggulai monno mbakku pakuwadi wulli-wulli pare mbalida ata makeni.' Tengngara ammini nappa pawilli pakita wali kappu gedde dukki nembahina, lakka sodikoppo danna nga'u ki." ⁸ Mbaka, hinnage Boas mbarra Rut, rengngewe anagu, da'i kako kanapa unggulai wulli pare ne omma dana ata wakdeka monno da kako dommo kana wali newe, takka engngage mba mbarra dengngadi ole pawilligu ata mawinne. ⁹ Etawe ne oma pa tengngara pakeni monno kadekudi ne hikda. Nyaka, ne yau'wa kupa nak'u mbarra ata pawilli kabani ga'i kada todoka'u. Ne mba maro'u ko dekewa koba monno ka enu we'e pa okeda ata apa willi." ¹⁰ Mbage, nya kan ka wodo banna katabah nee arona waina dukki ge tana , monno kahinnage mbanna panewe, " Appa nya kakku kollena manawara ne aro matamu ka engage ba'u pa atega ba dekukoge ne yowa ata ekawaga?" ¹¹ Na wale Boas, " ku nyabagowe garra kuwa walina mbarragu ne ngarra kuwa parami mbarra mattomu ne balina nbanna mate lak'imu, monno pei dommona ne yemmi ba'i dundakadi inna amamu lappata tana pado'u ndadi wa'imu kakakoge ne a'ia bangsa ne dappa pandepumu ittina. ¹² Nyaka nyawe Mori nappa baligo parawimu monno payamu wellina a bonnuna mbarramu Mori, Maramba Allah Israel, anekna kambu kapa-Na monno kama'i paka wodoni." ¹³ Kahinnage Rut, "You'wa ku kolena manawara wali mata detamu, o morigu, malla mba engadongge mba'yaga kalada ate monno malena ate atamu, langkopo ne ya'uwa dakku paga'i ia ata' ata'da mawinne." ¹⁴ Neba tengngara mba nga'a, kahinnage Boas, Ma'iwumi newe, nga'a di ngarra ka'mbaba monno wob'bulage a'kadippu ka'mbabamu ne'e cuka dana." Nya, kanna mandi'i ne mbali'da ata makeni, monno Boas na yadi pa nga'a pare sangrai barra'nda. Mbage, Rut na nga'a dukki mbanna bekuta, lappata wa'i dommo poge a engana. ¹⁵ Mbage, napa ndinna kawekkina mbanna unggulai. Boas nappa tukadi ngara a pawilli, kahina'ndi " ngakkundi ka unggulai wulli-wulli pare monno da anadaka'ndi. ¹⁶ Banna mapandeko, ne yemmi katengngi buttu atewe ne'a sodika a wunggu monno gak'i ndi mba unggulai, monno da tangelakadi." NAOMI NARENGNGEWE TUBANA BOAS ¹⁷ Rut na unggulai awali ommadana dukki ra'i male. Mbage, mba kanna pewalawi appawi heida papakuwana, mbanna notoge mba wa'i ia kette na wulli mangedana. ¹⁸ Nya kanna keketawi mbage kanna tama ngindiwi wanno ndana. Na mattona na etawi appawi pa unggulana, nyaka kanna palousage monno kanna yanadi heida engapona mbarra mattona ne banna lengnga napa bekuta. ¹⁹ Na mattona kahinnage mbarrana, "Ge unggula nya dommo mi ne loddo? Ge nyage pado'u papa willimi? Namaringngi dona ata a engana a etawu." Nyaka, kanna palarage mbarra mattona monno mbarra ata apawilli, kahinnage, "Ne'e loddo, kupa willi mbarrana ata a ngara Boas." ²⁰ Kahinnage Naomi mbarra mattona, " Nama ringngi dona ata oro ngara na Mori, ndappa warraka kawe manawara ate-Na mbarra ata a toleka monno ata a mate." Kahinna dommoge Naomi mbarra'nda, " Hei'nda ata awa'ina ole ndu'ndadi dan'di itto, nyadona ia ata a lissu nda itto." ²¹ Mbage, Kahinnage Rut mawinne Moab, " Appa kyawe Boas banna tekkiwe mbarragu, 'Engnga mbarra mudi ata pawilligu dukkiwe mba'mbawe ngarra kuwana pakeni'nda a wa'i na mbarragu." ²² Hinnage Naomi mbarra Rut, na mattogu, " Anagu, na duwapo ne yemmi mba louso mbarra ata mawinne apa willi ga'i ka da'i kanna ata a andami." ²³ Hinna wa'i ka'ina Rut mba engani mbarra ata pawilli mawinne Boas ga'i ka unggula'i dukki rapa makeni wulli monno rapa makeni pare aka dukkana. ne'a gaina, enga'i mbarra mattona.