¹ Pogkaponga duon to loin loin nakita ku, di inkita ko no gumawan diyo to langit. Hoy ka lagong no narinog ko nigdinog iling to sagboka no trumpita, migkagi kanak, “Lupow kayi hoy igpakita ko koykow ko nokoy kag kayitabu ponga to soini.” ² Duon igguoman to Ispiritu hoy nakita ko diyo to langit ka sagboka no turunu hoy duon nigpinnuo soini. ³ No miglayjag ka langlanguwan iling to bang aw to kotol hoy ismiralda. ⁴ Nalingutan ka turunu to kalawa-an hoy upat(24) no turunu no naminnouwan to palawwaan hoy upat(24) no igbuyag no nangungumbalo to maputi hoy nangukuruna to bulawan. ⁵ Ligkat to turunu nanglibuwa hoy nigkikidat hoy duon mo laggon hoy dinog. Diyo duon pitu no dinagkotan no salong no nigsilo to tangkaan to turunu. Soini ka Pitu no ispiritu to Diyus. ⁶ To tangkaan to tununo iling to dagat no bildo nalunong iling to Kristal. To takiliran to turunu, duo hup-at ka nabuyen hinimo no nilokop to mo mata to tangkaan hoy to talikoran. ⁷ Ogkaanat to liyun ka an-anayjan no hinimowan, no ogkaanat to nati to baka ka igkarangob, no ogkaanat to loanglanguwan to otow to langlanguwan to igkatatulo, no ogkaanat to niglayjang no banug ka igkahop-at no hinimowan. ⁸ Taghon-om-honom to pakpak ka tagsagboka hoy nalugob to mo mata ka sulod hoy ka gawas no waro nighimoloy to nig ooranda to aldow hoy marusilom. “Balaan, Balaan, Balaan, ka Diyus no Magbabayjo no amana iyan no gamhanan, ka dongan pad kuntoon hoy nighondini.” ⁹ To kara timpu ka hup-at no buhi hinimowan no ogdayjan hoy pasalamat kandan no buhi hoy waro katamanan no nigpinunuu to turunu, ¹⁰ niglangkob to tangkaan to daruwa hoy hop-at(24) no mo agalon no nigsimba kandin no nigbanggal dan diyo to tangkaan to turunu ka mo korona dan hoy migkagi, ¹¹ Magbabayjo hoy Diyus noy, no dawat ka iyan to pogdayjan dow pasidogog hoy ka guhom. So koykow ka mighimo to tibo no butang, hoy tongod to koykow no pogboot, no bunsoranan to tibo.