¹ Nakita ko ka linolon no basohonon diyo to lkawanan no bolad do to nigpinoo to turunu nigsulatan soin dini to sulud hoy dini to libowasan hoy panngutoban to pitu no silyo. ² Hoy nigkita ko ka sagboka no gaumanon no Diwata no nig ulaloy, hontow man ka ulog no og tangtang to silyo hoy og bulat to soini linokot no basohon? ³ Di waro agad hontow dinit langit hoy tano hoy diralom to tano no og bulat to linokot no basahon hoy ogkita to sulod to soini. ⁴ Nigsinogow a amana so waro man nigkita no litos no og bulat to basohon hoy to pogpitow to sulud to soini ⁵ hoy sagboka no agalon ka nigkagi kanak, kono ka sinogow so ka liyon to kabuwaran ni Huda. Ka gaumanon no kabuwaran ni Dabid, nigdoog hoy og aawo doto pitu no silyo hoy ogbult do to linukut no basohon. ⁶ Hoy nigkita ko ka nati no karniru no nigsasindog taliwaro to turunu no niglingotan to hup-at manokal no hinimo hoy to mo agalon ka natin no karniru nigbayjo to kamatayjon. Duon pitu din no suag hoy pitu no mata no iyan ka pitu no Ispiritu to Diyus no inpa-alap diyo to ingod. ⁷ Nigdani ka nati no karniru hoy inkuwo din ka linukot n basohon ligkat to kawanan no bolad do to nigpinoo doto turunu. ⁸ To duon inhimo din soin, ka hup-at no manokal hoy ka 24 no mo agalon nanlookbo diyo to tangkaan to natin karniru. Ka matag-sagboka kandan duon inalap no alpa hoy ka bolawan taguanan no napuno to insinsu no iyan ampo to kaotawan to Diyus. ⁹ Nigkanta kandan to bag-on kanta. Ulog ka iyan no nigpurut doto linolon no basohon hoy to pog awo to mo pangotob to soini so nighimatajan ka hoy pinabayjo to kabuwaran, kinagihan to kootawan hoy kanasoran. ¹⁰ Inhimo no kandan no ginharian to mo pari oyjow og alagad to Diyus hoy oghari kandan dinit ingod ¹¹ hoy nigpitow a dayjon hoy nigdinog ko ka libo-libo no manokal no hinimo hoy ka mo agalon ¹² hoy nigkanta kandan to maagbot ka nati no karniru no inhimatayjan ulog no og tinawro to gaum, to bahandi, to kaalam hoy duson, to dinog to himaya hoy to pogdayjan ¹³ hoy nigdinog ko ka tibo no hinimo diyo to langit, dini to tano hoy diralom to tano hoy diyo to dagat, ka tibo no hinimo dinit ingod, hoy nigkanta kandan no nigkagi oyjow kandin no nigpinoo to turunu hoy oyjuow kinabuyi to natin karniru ka pogdayjan, dungog, himaya, gaum, taman to kahantoran. ¹⁴ Hoy nigtabak ka hup-at no hinimo no nigkagi, Amin! Hoy manlood ka mo agalon hoy nigdayjan.