¹ Hoy nig kagi si Hesus, “Tanturi now soin; duon pipilohon kaniyu no konok mamatoy hangtud nog kakita ran nog makaumo on ka gohomanan pog hari to Diyos’’ ² Naponga on ka hon-om no aldow in panduma ni Hisus hoy si Pedro, si Santiyagu hoy si Huwan diyo to matikang no bubungan no diyo waro loin no otow ko kono kandan do. Hoy tago-od no nigpitow kandan ki Hisus naloin ka langlanguwan din. ³ Ka kinabo din nigmaawang amani to kaputi no agad hontow kayi tibo no kalibutan no warog makapaputi to iling to soini. ⁴ Hoy nakita to tatolu no mo hibatuon, si Ilyas hoy si Moisis no nakig lalag ki Hisus. ⁵ Hoy nigkagi si Pedro ki Hisus, “Talagpanulo, maroyjow no soing ki kayi; oghimo koy to tatolu no, bakbakalag, sagbuka ka koy kow. Hoy sagbuka ka ki Moises hoy sagboka ka ki Ilyas." ⁶ Nakagagi si kandin to soini su waro kandin nataga ko nokoy ka kandin nog kagiyon su nanahaldok on kandan. ⁷ Hoy duon nig hinguma ka salagapun hoy natorungan kandan to soini. Hoy duon narinog dan no lagong no ligkat diyo to salagapon no nig kagi, “Soini ka pinalanggo ko no Anak. Paminog kow kandin?’’ ⁸ Nigpitow ran hoy nanlingi-lingi ka mo hibatoon di waro loin nakita ran no otow ko kono no si Hisus. ⁹ To nanupang un kandan diyu to bubungan pig taloson kandan ni Hisus no kono kow naan pang-nangon agad hontow to nakita now taman to kooyjag on ka anak to otow. ¹⁰ Sikan naan intuman dan ka in kagi ni Hisus di nig moin-insooy kandan ko nokoy ka koholugan to in kagi rin to pog kaoyag. ¹¹ Hoy nig insaan dan si Hisus, “Mani a man to nig kagi man ka manunudlo to balaod kinagolan og hun-a ka pog hondini ni Isayas?" ¹² Hoy kandin nigtabak, "Tutu-o iyan no si Ilyas ka og hon-a og hondini oyjag og ayjag-ayjaw to tibo. Di mania no nasulat to kasulatan no ka anak to otow kinangolan nog baybayjaran hoy oy samsamili an? ¹³ Di og nangonan ko kaniyo to nig hondini si Ilyas, hoy inhimo ran on diyu to kandin ka tibo no og kaliyagan dan sumalo iyan to nasulat to kasulatan.’’ Nig paulian ni Hisus ka sagbuka no bato no nig suloran to busow. ¹⁴ To pog libod dan diyu to duma no mo hibatoon,nakita ran diyo ka susulugun no mo otow. No nilingut kandan hoy duon mo talagpanulo to balaod to Magbabayjo no nig pukig-apul kandan. ¹⁵ No inu-inu ko tibo no otow to pogkita ran ki Hisus, hoy nig dakop on kandan ki Hisus hoy nig inso-inso. ¹⁶ Hoy nig panginginso si Hisus to mo hibatoon, “Nokoy a ka igmomokog apul-apul now?" ¹⁷ Duon sagbuka no otow diyu to susulugan no nig tabak, “Talagpanulu in alap ku ka anak ko no lukos kayi to koykow su kunod og pakakagi su nig suluran to busow. ¹⁸ Omon naan kog umaan og usungon to bosow diyu to tano. Hoy ogboboka ka bobo din. Hoy og kigot ka ngion din og kolog kandin.Inhangyu ka mo hibatoon no to pog alow to bosow di waro dan noymu.’’ ¹⁹ No nig kagiyan ni Hisus kandan, ‘kaniyu no mo otow to kontoon no timpu warad iyan pogpalintutu-o now hondoi nanaan taman ko pogduruma ko kaniyo? Alapa now ka tibo kayit kanak?’’ ²⁰ No in alap dan on ka bato diyu ta kandin. No pogkakita to bosow ki Hisus, saguguna nig umaan on ka bato nigboyjon on, hoy napolod diyu to tano hoy nigliligid no nig bubulo ka bo-bo. ²¹ No nig insaan ni Hisus ka amoy to bato,mon-o-on lalogoy no og koilig kandin? No nig tabak kandin, ”Puun pada to pog ka bato din. ²² Malasi on og ol-ologi to busow to oghimatoy pinabayjo to pog banggal diyu to hapoy hoy diyo to woyig. No omun ko duon ug kahimo nu. Koy owi koy hoy buligi koy." ²³ Hoy nig kagiyan kandan ni Hisus, “Maniyo to nig kagiyan a no to duon ug kuhimo ko? Ogkuhimo to otow ka tibu ko duon pogpalintutu-u rin." ²⁴ To duon- duon nigsinugow ka amoy to bato to nig kagi, “Nig palintutu a, di buliga a so doisok do ka kanak nu pog palintutu-u." ²⁵ To pogkakita ni Hisus no og mamalagoy on ka m otow og dalapak diyo to kandan. No in-alow din on ka busow no nig hohonduon, “Si koykow no busow nu ogpokoumma hoy ug makapabungol og sugua koy kow no awwo kad duon to bato hoy kono kad on libod sorop diyu to kandin’’ ²⁶ Nig panguluyi ka busow in pakulad-kulad din on ka bato no baboyjan hoy taman to soikan nigligawang-on ka busow. Ka bato no honduon on to namatoy on, nokoy naan ka mo otow nigkagi, “To namatoy on ka bato." ²⁷ Di niggongonan ni Hisus ka bolad to bato hoy inpaonow hoy nigsasindog on ka bato. ²⁸ To pogsulod on ni Hisus diyo to baloy, nig insa ka mo hibatoon din no nigkagi, “Mania to waro koy naka alow to busow?" ²⁹ No nig kagiyan ni Hisus kandan, "Ogkaalow ka busow pinabayjo to pog ampo’’ ³⁰ Nig awwo on kandin to sooyjo no ingod hoy diyo nig bayjo to Galiliya. No kono ogkaliyagan ni Hisus no duon og kataga ko hondui kandan, ³¹ su oyjow ogmakapanulo kandin to mo hibatoon din. Nigkagiyan din kandan, “Ogkalimuwan ka anak to otow hoy igbogoy diyu to mo otow no oghimatoy kandin, di og kooyjag kandin to igkatolu no aldow.’’ ³² Di waro kandan nakasabot to in kagi rin, hoy nanaaldow kandan no og-inso kandin. ³³ Nataman, nighingoma on kandan diyu to Capernaum. No hongkayi to diyad on kandan to baloy, nig-insaan on kandan ni Hisus, “Nokoy a ka igmoko apul-apul now diyu to dalan?" ³⁴ Di nig-onong-onong kandan tongod su iyan dan do mokog apul apul diyo to dalan ka hontow ka labow kandan. ³⁵ No nigpinuu si Hisus hoy in umow rin ka sampulo hoy daruwa(12) no mo hibatoon din hoy nigkagiyan, “Ko hontow ka ogkaliyag no oghimmu no labow, kinangolan no og pariralom kandin hoy koymu no sulugu-anon to tibo." ³⁶ No nigkuwo kandin to bato hoy inpataliwara din kandan, insukopo rin ka bato hoy nig kagi diyo to kandan, ³⁷ “Ka agad to hontow ka og dawat to koiling to kayi no bato tungod to nig ikul kanak og dawat mando kanak su og dawaton din mando ka nigpaalap kanak.’’ ³⁸ No nigkagiyan ni Huwan si Hisus, “Talapanulu, nakita koy to otow no nigpangalow to mo busow pinabayjo to ngaran nu, hoy insaparan noy kandin tongod su kono ta no duma kandin." ³⁹ Di nigkagi si Hisus, "Kono now sapari kandan, su waro otow no ogmokohimu to koin-inuwan pinaybayjo to ngaran nu. Hoy insaparan doy kandin tongod su kono ta no duma kandan." Nigkagi si Hisus, “Kono now sapari kandan su waro otow no og himu to koin-inuwan pinabayjo to ngaran ku no og liyan liyan kanak. ⁴⁰ Ka konog pakig usig kanta dumata. ⁴¹ Tantanuri now soini ka og painom kaniyu to woyig tongod su mo sakup kow man ni Kiristo makarawwat iyan to ganti. ⁴² Agad hontow ka og makaamung amung no ogmakasalo soini so mo bato no nig palintuo hoy nigsalig kanak, maroyjow pad nog hikotan pad ka liog din to dakol no gilingan no batu hoy igbanggal diyo to linow no hapoy no kono og ko-obukan. ⁴³ No omun naan ko iyan og patumina ka bolad nu no og makasalo ka, tampora nu sikan. ⁴⁴ Maroyjow pad no og sulod ka diyu to langit no waro limmang no bolad no du to daruwa no bolad nu no igdugpaka diyu to linow no hapoy no kono og ko-obokan." ⁴⁵ No omu ko iyan og patumina ka paa nu og pakasalo ka, tampura to sikan. Maroyjow pad ko ug sulod ka diyo to langit to no waro limmang no paa nu. ⁴⁶ Nu to daruwa ka paa no ig dogpak ka diyo to linow no hapuy no kono ogko-obukan. ⁴⁷ Hoy ko ka sagbuka no mata nu iyan og makapatumina no og makasalo ka loka-a no sikan. Marojow pad ko sagbuka ro ka mata nu no ug sulod diyo to nigharian to Diyos nu sagbuka ka mata nu, du to daruwa ka mata nu di igbanggal ka diyo to impiyirnu. ⁴⁸ Diyo kono ug kamatoy ka mo ulod, hoy kono og ko-bukan ka hapuy. ⁴⁹ Kinongolan no og pakanuod-nuud to kalisoran hoy ka tibo oyjow og maroyjow, iling to ngalap nog asinan oyjow og mananam. ⁵⁰ Majoyjow ka asin di ko og kaawo-an on soin to nanam din, ogmunowon pad to poglibod to soini? Di bantoy kow no kono og ka-awo ka igkamaroyjow now koiling to asin, hoy paroyroyjawan kow to matag sagbuka.”