¹ Hoy nig kagi si Hisus kandan pinabayjo to sampitanan. “Doon otow nu og puga-an to ubas hoy nigbabakalag kandin oyjow doon ogholungan din.H oy inpatagu oran din ka parasan hoy nighipanow kandin. ² To pog hiuma to ting-gaani to mo ubas,nig sugo kandan to sagbuka no uripon diyo to inpatagu oran din oyjow og purot to handog din. ³ Di in darakop to mo nigtaguod ka uripon, inlalamposan hoy inpouli no waro in alap. ⁴ Hoy nigsugo mandu ka kamunoy to loin nu uripon, di inlalamposan diyo to ulo to uripon hoy inposiporan dan. ⁵ Nigsugo un mandu ka kamunoy to loin no uripon hoy inhimatayjan da dod si kandin. Mohon-in pad ka insugo, no duon duma kandan no inlalampusan hoy ka duma inhihimatayjan. ⁶ Ka waro rin dod naan inpohondiyo ka pinalanggu rin nu anak nu lukos. To natuman, in poundiyo din ka anak din, nigkagi kandin “Ugtaworon dan iyan ka anak ko.’’ ⁷ Di ka mo nigtaguod nigkagi, “Soin iyan ka anak to kamunoy to parasan nu iyan ogpakakamunoy kayi. Diyo kid oghimaytayjan ta oyjow kanta un soin parasan." ⁸ Nukoy naan, nu indakop dan un ka anak to kamunoy hoy in himatayjan hoy inganuy ka lawa rin diyu to libwasan to parasan.” ⁹ Hoy nanginso si Hisus, “kuntoon, nukoy kag hinangon to kamunoy to parasan?Ughondiyo-an din hoy ughimatayjan ka mo nangtagu-od hoy ogpatagu oran rin to loin ka parasan. ¹⁰ Waro kow buwa naka basa to iling to soin nu kasulatan? 'Ka bato nu in balagad to mo talagbabaloy nasi man nu noyimo nu batu no pabunsuran. ¹¹ Himu soini to Magbabayjo hoy kabulong bulongan soini?” ¹² Ogdakupon un poron si Hisus to mo pangulo to mo Hudiyu so nasabut dan nu si kandan ka inpasabut to sampitanan di nahaldok sikandan to mo otow. Nukoy naan nanghipanow un sikandan. ¹³ Nu nigsugo ka mo pangolo to mo Hudiyu ki Hisus pinaybayjo to pigpanglalag din. ¹⁴ Nigdani sikandan hoy nigkagi “Talagpanulu, nataga koy nu malugot la inlalag nu. Hoy kono ka ogkabalagad ko nokoy ka suman suman to mo otow mayitungod to inlalag nu, tungod so waro nu pitawwa ko nokoy ka kandan no kaugpo, ko kono, inpanulu nu ka ka koroyjawan moyitungod to igkaliyag to Magbabayjo. Nu nanguni koy ko kono nu oyjun to balaud ta ka pogbajad to buwes diyo ki Sisar no impirador hoy so kono?" ¹⁵ Di nataga si Hisus to kandan nu tuod, nokoy naan to nig kagiyan din sikandan “Mania to og-ol-dohon a kaniyu? Alapi a to soloppi su og pitawon ko." ¹⁶ No inalapan dan un sikandin to soloppi hoy nig-inso si Hisus to kandan, “Hontow nu lawlangowan hoy ngaran ka nakatagu kayi?" No nigtabak sikandan “Ki Sisar nu impirador.” ¹⁷ Hoy nigkagi si Hisus, “Ko iling duon, ibugoy nu diyo to impirador ka kandin, hoy ibugoy nu diyo to Magbabayjo ka kandin.” Hoy noinu-ino amana sikandan. ¹⁸ Hoy duon mo sadisiyo nu nigparani ki Hisus. Soin kandan ka inkagi nu kono ug ka uyjag ka mo minatoy. Nigkagi kandan, ¹⁹ “Talagpanulu, insulat ni Moises soin no balaud; ko ug kammatoy ka sagbuka nu otow hoy ig bilin sikandin to asawa rin di waro pad anak, ka sulod din nu lukos kinangulan nu og asawwahn din ka ipag din oyjow ug maanak kandan para to sikan nammatoy.' ²⁰ Duon pito nu patalahari nu lukos. Ka kakoy nangasawwa hoy namatoy no waro anak. ²¹ Hoy ka hari rin ka nig-asawwa to sooyjo so balo hoy si kandin namatoy naandu no waro anak, iyan naan du noyitabo to igkatulo nu sulod din. ²² Hoy to duma rin nu sulod; sikan pito no patalahari nangasawwa to su malitan hoy nangamatoy nu waro anak. To katammanan namatay un ka malitan. ²³ No, to aldow no og-uyjanon un ka mo minatay, ki hontow naan kandin nu asawwa, nu kandan pito nangasawwa man to kan malitan?" ²⁴ Si Hisus nigtabak, “Nasayjon kow? Nataga kow buwa ko maniyo? So waro kow nakasabut to kasulatan hoy to guhom to Diyos. ²⁵ Su ka ku mo minatoy og uyjagan un, ogpokoiling sikandan to mo diwwata to langit hoy konad un ogpaas-a sawooy ko mo lukos hoy ko mo malitan. ²⁶ Nu muyitungod to mo minatoy no oguyjagon, waro kow buwa nakabasa to basahon nu insulat ni Moises moyitungod to sampinit nu nigsiklab? Su diyo insulat, nu nig kagi ka Diyos ki Moises, 'Kanak iyan ka Magbabayjo ni Abraham, ka Magbabayjo ni Isaac hoy ka Magbabayjo ni Hakub'. ²⁷ Iyan inpasabut kayi nu, sikandin no kono nu Magbabayjo to mo minatoy, ku kono to mo nauyjag. Sikan naan nasayjup ka.” ²⁸ No doon sagbuka nu talagpanulu to balaud to Magbabayjo no nakarinog un ki Hisus to nig paap-apuloy. Nakita rin no maroyjow ka tabak ni Hisus to mo Sadisiyo, nokoy naan to migdani kandin hoy nanginso, “Nokoy ka sugu nu labow to tibo?” ²⁹ Migtabak si Hisus, “Soin ka sugu no labow to tibo; pamminog, Israil ka Magbabayjo no ita nu Diyos iyan dod iyan ka Magbabayjo. ³⁰ Kinanghanlan nu og goynawaan nu ka Magbabayjo nu Diyos nu to tibo nugoynawwa nu,to tibo nu gimukod nu tibo nu suman suman nu, to duson nu. ³¹ Soini ka dangub; goynawa nu ka duma nu iling to poggoynawa nu to koykow nu kougalingon.' Warad duma nu sugu no labow pad to soini daruwa." ³² Ka talagpanulu to balaod migkagi ki Hisus, “Iyan dod iyan sika, talagpanulututuo iyan ka lalag nu, nu ka Magbabayjo dod iyan ka Diyos hoy waro un loin nu Diyos ko kono kandin do. ³³ Ka mo otow nu kinagulan no ug goynawaan to Diyos to tibo nu guynawa din to tibo suman suman, hoy to tibo nu duson din, hoy kinahanglan nu oggoynawaan rin ka sulud iling to poggownawa rin to kaugalingon rin, maroyjow pad ka pogtuman to soin daruwa nu sugu to soi kan pog-alap to mo ayjam nu ogsilaban diyo to ampow to halaran hoy to pog bugoy to duma pad nu halad diyo to Diyos." ³⁴ Nataga si Hisus no maroyjow ka tabak to sooyjo su talagpanulu to balaod nokoy naan.migkagi kandin, “Kono ka nu mariyu diyo to gingharian to Diyos.” Hoy waro un nanginso kandin. ³⁵ Tahood to migpanulu si Hisus diyo to timpulu, mig-inso sikandin, “Maniyu to migkagi ka talagpanulu to Balaud to Magbabayja no ka Kristu kabuhalan kun ni Dabid? ³⁶ Si Dabid mismu ka migkahi pinaahi to Panisingan to Magbabayja, ‘Ka Manama migkahi diyo to Magbobayo ku: Pinnuu ka kayi to igkakawanan ku, taman to oggimuwon ku no diokanan nu ka mo kuntoro nu.’ ³⁷ Mismu no si Dabid ka migngaran kandin to Magbobayo, di ogmonuwon naa to Kristu no ogkohimu no kabuhalan ni Dabid?” No nahalo ka susuluhi no otow no migpamminog ki Hisus to migpanulu. ³⁸ To kandin no pogpanulu, si Hisus migkagi, “Pitow kow to mo ugpanulu to balaod no uglog-olog no ug kikinabo to malayjat nu kinabo hoy ogkaligyan sikandin nu ogluoran sulod to Mercado. ³⁹ Hoy ogpili sikandan to mo loin nu ingkuranan sulod to sinaguga, hoy to mo maroyjow nu koonanan. ⁴⁰ Inlupigan dan ka mo balo hoy in-aguw ka mo kabutangan hoy nig-ampo kandan to malayjat diyo to tangkaan to mo otow.sikan iyan ka subla pad ka lugpad nu ugkaumaan dan." ⁴¹ Taguod to nigpinuo si Hisus diyo to doyipag to timpulo, naniia kandin to mo otow nu nang-ulog diyo to kandan nu halad. Mahon-in ka mo sopi-an kanang-ulog to mohon-in nu saloppi. ⁴² Hoy nigdani diyo to uloganan ka sagbuka nu balu nu mokohohoy-o hoy nig-olog to darruwa nu malintok nu soloppi nu dipalata. ⁴³ In-umow ni Hisus ka mo tinuonan ug nigkagi “Ogkagiyan ko kaniyu nu ka in ulog to soin nu mokohohoy-o nu balu labow pad to inpang-ulog to duma. ⁴⁴ Su ka in ulog to duma subla pad to kandan nu bahandi di agad to mokohohoy-o un sooyjo su balu, nigbugoy rin ka nokoy ka diyo to kandin, inbogoy rin ka tibo nu in saligan oyjow ogkabuhi."