¹ Nataman, nig-untod o si Hisus to balangoy no niglapas to lonow woy miggundiyad o to lungsod din. ² No doon noko-oma diyo to kandin no niglanting to otaw no kono ogkawo-il so lawa. To pogkakita ni Hisus no dakol ka pogtoo ran, nigkahiyan din o ka kono ogkawo-il so lawa, "Oto, pagindoroson ka so impasaylu o ka salu no." ³ No doon dogma mo talagpanulo to balaod to Magbabayjo no migkahi diyo to suman-suman dan, "Ugbaloy-baloy to Magbabayjo ka soini no otow!" ⁴ Piru puun so natagaan ni Hisus ka insuman-suman dan, migkahiyan din sikandan, "Mania to ugsuman-suman kow to maroot?" ⁵ Hundoi bus ka malumo no ugkahiyon, ka ugkahi, "Impasaylu o ka mo salu no', woy ka ogkahi, "Unow ka woy hipanow kad?" ⁶ Piru igpapitow ku kaniyo no doon katungod to Anak to otow kayi to ampow to tanu to pogpasaylo to mo salu." Ni migkagiyan din o ka otow no kuno ogkawoil so lawa," Onow ka, woy lolona nu ka miggibatan nu, woy uli kad o diyu to kaniyo! ⁷ Nu mig-unow ka otow woy mig-uli o. ⁸ To pogpakakita dutu to mohon-in no mo otow, nanahaldok sikandan woy indayjan dan ka Magbabayjo tongod to pogbogoy rin to iling doon no katungod diyo to mo otow. ⁹ Nataman, mig-awo on si Hisus dutu, woy to sasangan o sikandin no oghipanow, doon nakita rin no ogngaranan ki Matiyu no migpinuu diyo to opisina rin no bayaranan to buhis. Ne nigkagiyan din si Matiyu, "Ikul ka kodioy." No nigsasindog si Matiyu woy mig-ikol ki Hisus. ¹⁰ Nataman, migkoon si Hisus diyo to baluy ni Matiyu. Ne doon nonoko-uma no masolog no mo talagsukat to buhis woy mo makasasalo no miglagpu kandin to migkoon duma to mo gimbatoon din. ¹¹ To pogkakita dutu to mo Parisiyu, mig-insaan dan-on no inanad din no nigkagi, "Mania to nigtugon migkoon ka talagpanulo now to mo talagsukot to buhis woy to mo makasasalo?" ¹² Nigdinog si Hisus kandan hoy nig tabak "ka mongo otow no waro sakit warad nanginahanglan to magtotombal ko kono iyan do ka mongo masakiton. ¹³ Pitawwa now ka boot pasabot to soinin no kasulatan no nig kagi, hohoy-uwon ka kodi no kaliyagan kono no halad so waro a nig-hundini para to pog-omaw to matarong ko kono iyan ka makasasalo. ¹⁴ Hoy nighandiyo ki Hisus ka inanad ni Huan no magbobonyag hoy nig inso, ''Mani naa to kanami ro no mongo Parisiyo no konog koon no og dayjan to Magbabayjo piro ka in panodloan no waro? ¹⁵ Si Hisus nig tabak, "Nig somansoman kow bowa nog sakit ka goyinawa duon to nig kasal to duon pad kag pangasawa kandin? kono iyan! Di duon aldow no og moko-oma no ka asawboon og puruton diyot kandan hoy konog koon no og dayjan to Magbabayjo. ¹⁶ Warog gamit to bag-o no mangad oyjaw ig tapak to tahuan no kinabo su ka bag-u no manggad no nasi og malonoy no dakol ka og kagisi to soini. ¹⁷ Hoy waro otow no og gamit to tahuan no soloranan no kindal oyjow og soloran to bag-on inomon su ko og himuon din soini no og kaboslotan ka soloranan din hoy og ka-og-og ka inomon ig solod nasi diyo to bag-o no soloranan hoy konog ka og-og ka inomon hoy konog karaat ka soloranan. ¹⁸ Doon to nig kagi si Hisus to sikan, nig dani kandin ka opisyal hoy nig lokbo diyot atobangan din hoy nig-iling, "Bag-u pad namatoy ka anak ku no malitan. Di hondii no hoy gongoni no kandin oyjow og kabowi kandin. ¹⁹ No nigsasindog si Hisus hoy nig sonod kandin ka mongo tinodloan din. ²⁰ Doon malitan no og ka baybayaran so sigi kandin ug langosa solod to sampolo hoy darowa no tuig hoy nig dani diyo tog kainiyogan ni Hisus ²¹ hoy nig kagi to kaogalingon din ko og maka gon-gon a to kinabo ni Hisus sigoro iyan no og ka oli-an a." Hoy nigongonan din ka ogbos to kinabo ni Hisus. ²² Niglingi si Hisus hoy nig kita rin ka malitan hoy nig kagi kandin konok katalong anak! ka pogsalig no iyan og poko oli koykow." Hoy doondoon no-olian ka malitan. ²³ Hoy nig solod si Hisus diyo to baloy to opisyal to pogkita rin to mongo manganganta para to poglobong hoy to pogkasasow. ²⁴ Nigkagi kandin liwas kow tibo waro namatoy ka bato ko kono tigbal do nohirogo kandin. Tongod to soini nigsampalit dan si Hisus. ²⁵ To pog liwas on to mongo otow nig solod si Hisus diyo to sinabon to bato hoy nig gongonan din ka bolad dot bato hoy nig sasindog ka bato. ²⁶ Hoy nig dinog to tibo to sikan no tano. ²⁷ Hoy nig ongkod si Hisus to sikan no dapit hoy to duon nig hipanow kandin nig sundul kandin ka daruwa no butud no lukos hoy nig pangiyak kandan. "Anak ni David kohoy-owi koy." ²⁸ To duon no naka solod on si Hisus diyot baloy, nig dani kandin ka darowan butud hoy nig inso kandin kandan, "Nig too kow ba no og koolian ko kaniyo? hoy nig tabak kandan, "Hoo, Agalon." ²⁹ Hoy nig sampong ni Hisus ka mata ran hoy nig kagi, "Og koulian kow pinabayjo to pogtuu now. ³⁰ Hoy nig kita kandan. Hoy nig patahanan kandan ni Hisus no kono igkagi agad hontow. ³¹ Di nig hipanow kandan hoy nasi dan inpanangon ka kabantog ni Hisus to tibo no dapit to sikan no tano. ³² To pog pangipanow to mgo otow, doon pila no nig galap diyo ki Hisus to sagboka no otow no na amang tungod to nig suloran kandin to tanas. ³³ To doon no nagnaranan on ka tanas, nakakagi ka otow hoy no ino-ino ka tibo no nig kagi, wapad no hitabo no iling to soini kai to Israil. ³⁴ Di nig kagi ka mongo Parisiyo, "Ka agalon to mongo tanas kanig bogoy to gahom kandin para to pogpalibwas kandan. ³⁵ Hoy nig libot ni Hisus ka tibo no longsod hoy ka kabaryohan. Nanodlo kandin diyo to sinagoga hoy in wali din ka marojow no balita mohitongod to pog hari to Magbabayjo. Inpoolian din daan ka tibo no otow no doon og goramon no sakit. ³⁶ To pog kita rin to mohon-in no otow nohid-o kandin kandan so manga lotoy man kandan hoy waro koholo dan. ³⁷ Hoy nigkagi, kandin doon to mo tinoohan moonhin kag ganuyon di doisok do kag talaggaani. ³⁸ Hoy ampo kow no ogpaalap ka Magbabayjo to mag-gaani to gaaniyon.