¹ To aldow to tinghimoloy nakabayjo si Hisus to trigohan. Hoy ka mo hibatoon din nig manguto to trigo hoy in kulipis dan hoy nangoon kandan. ² Di nig pangnangunan si Hisus to mo Parisiyu, “Maniyo to ko kow ug paminog to balaod no tinghimoloy”? ⁴ Si Hisus migtabak kandan, “Waro kow naan buwa nakabasa dot sulat ni David no ka nig gutasan kandin hoy ka mo duma rin.” ³ Misulod kandan to baloy to Diyos hoy nig purot to supas no in talapag ditu’t to Diyos. Hoy in koon dan soini hoy pigbugayjan ka mo duma rin.hoy kunog ka baloy nog koon angad hontow, angin ka duon to pari.” ⁵ hoy pigkagiyan do naan kandan ni Hisus, kanak no anak to otow duon katungod ko nokoy ka og gimowon to aldow no tinghimuloy. ⁶ - ⁷ “No aldow mando to tinghimoloy,nig hondiyo si Hisus to baloy no limuranan to mo parisiyu no og pamangho to igkasawwoy ran ki Hisus hoy ug walwangalan dan, hoy ug bantayjan dan soikan to otow ko og tambalan ni Hisus to aldow to tinghimoloy. ⁸ Di nataga si Hisus ko nokoy ka mosumansuman dan, pig kagiyan di ka mo otow no nakungkung ka bulad., "Sasindog ka hoy handini ka to tangkaan ko.” Dayjon naka sansindog ka otow diyo to tangkaan din. ⁹ hoy mig kagi si Hisus kandan, og inso a kaniyo: Nokoy na naan ka nauyjonan to balaod no og ka baloy nog himoon to aldow no ting himoloy? Ka pog hinang to maroyjow hoy ka pog hinang to maroot? Ka pog luwas ba to kinaabuyi to otow hoy ka pog gimatoy? ¹⁰ Pig pang iling-iling din kandan hoy pig kayihan ka otow, ”Tuyjora ka bulad nu.” Hoy natuyjod ka bulad din hoy noulian ka otow. ¹¹ Di nanga uningol amana kandan no nig mangsasabot on ko nokoy kag gimowon dan ki Hisus. ¹² To soikan no timpu nig hondiyo si Hisus to bubungan oyjow to pog ampo to Diyos. ¹³ To masulom on,pig pangomow din ka mo hibatoon din hoy nangalam din ka sampulo hoy daruwa nog ngaranan din to tinuonan. ¹⁴ si Simon no pigngaranan din to Pidro hoy ka sulod din si Andris, si Santiyago hoy si Huwan, si Filipi hoy si Bartolomi, ¹⁵ si Matiyo hoy si Tomas,si Santiyago no anak ni Alfio hoy si Simon ka in ngaranan to patriyota. ¹⁶ Si Hudas no anak ni Santiyago hoy si Hudas iskaryoti, nig limo. ¹⁷ Migtupang si Hisus ligkat to bubungan duma’t dot mo tinuonan din. Nigsansindog kandin dot nig nanapo duma’t rot mo hibatuon din. Diyo daan, doon mohon-in no mo otow no kligkat to Hudiya hoy Hirusalim hoy dagat. ¹⁸ Nangondiyo kandan ki Hisus oyjow to pogpaminog kandin hoy bulongan kandan to mo dalo. Nigmongondiyo daan ka nig mangsuloran to maroot hoy nanga ulian kandan. ¹⁹ Naniguro ka mo otow to pog gungun ki Hisus so ligkat kandin nig libuwas ka goom no ni bulong to mo dalo ran. ²⁰ si Hisus nig pitow dot mo tinuonan din hoy migkagi? ²¹ Iyan kow mampu ka nanggutasan so hinantayjon kow. Kampo kow kotoon no nig maninugow so kaniyu og man ngingisi rod hangkuwan. ²² Kampo ko ka mo otow og kablang kaniyu, balagaron hoy og sumpaliton kow? Manpo kow kog kagi kandan no koykow maroot ka hinimowan tungod to anak to oto. ²³ Kahulo kow kog kahitabo soini so dakol ka ganti no intagana kaniyu diyo’t to langit, so ka mo maniguon dan nig himo mando soinkan diyo to mo tinuonan. ²⁴ Momokohid o kow no mo sapian so nig polosan kow on to kinabuwi no warad ig ka aras ²⁵ momokohihid-o kow no nangantoy kontoon,kaniyu og manggotasan dod hangkuwan? Momojohihid-o kow ka nig manngingisi kontoon so og kangatalong hoy maninogow kow rod. ²⁶ Momkohihid-o kow no nig sayjo kaniyu ka mo otow,so iling daan ka pig himo dot kap-po an dan diyo’t mo kuno no unto no poropita. ²⁷ Di nangonan ko kaniyi no naminog kanak: Dakoli now to guyinawa ka usig hoy gimowa now ka maroyjow dot dumot kaniyu. ²⁸ Panalangini now ka nanubad kaniyo hoy I ampo ka nig duog duog kaniyu. ²⁹ Ko duon og tagpi to tapingil now, ipatagpi dow raan la limang no tapingil now.hoy ko ug agawan kow to lumbong now ibogoy now daan ka kinabo now. ³⁰ bugayji now ka ug mamoyjo,hoy ko duog purot to kalaglagan now kuno now og hawi-a. ³¹ Ko nokoy kag kaliyagan no nog himowon dot mo duma no iyan mando soini kahimo diyo to koy kow ³² Ko iyan now rog dakolan to guyinawa ka sungog nig dakol to guyinawa kaniyu, maniyu naan tog tatagad kow pad mando to balos now? Agad ka mo makasasalo duon dakol no guyinawa dot nig dakol mando to guyinawa kandan. ³³ Hoy ko iyan nog rog himowon ka maroyjow ka nig himo to maroyjow koykow, maniyu tog tatagad kow pad to iyo no balus? ³⁴ hoy ko iyan now rog pabuloson ka ug makabayjad kaniyu, maniyu to og tatagad kow pad to kaniyu no balos;agad ma ka makasasalo pabulos nan do’t angod dan no makasasalo hoy og tatagad nog bayjaran do’t kantidad no nig bulosan din. ³⁵ Dakuli now to guyinawa ka mo usig now hoy himowa now to maroyjow kandan.hoy pabulos kow no kono ug tatagad to bayjad so dakol kag karawat now no bayjad hoy og kohimo kow no mo anak to magbabayjo. Sa kandin maroyjow dot konog kamaan nog pasalamat iling dot madoot so hinang. ³⁶ Amon naan kahid-o kow iling to pogkohid-o kaniyu to amoy now. ³⁷ Kono kow gukom to mo duma now hoy kuno kow og gukoman to Diyos. Kono now himowi to salo ka duma now hoy ko kuno kow og pakasalo. Pasayloha kandan hoy koykow kapasaylo mando. ³⁸ Pamogoy kow to duma now oyjow songo koykow mando ka ug bugayjan. Ka suluranan no ug gamiton now diyo to duma iyan og gamiton diyo to kaniyu." ³⁹ hoy nig lalagan kandan ni Hisus to soini no mo sampitonon. Ka butod kunog kabaloy kitkit do loin no butod, so pokog unong do kandan daruwa diyot lungag. ⁴⁰ Waro pig anad no og labow dot talag-anad. Di ka nig anad no natuowan din on ka tibo og ka iling mando kandin dot nig anad kandin. ⁴¹ Maniyu to iyan no pig pitow ka bulog dot duma no, no waro no pitawa ka koykow no bulog no iling karakol to batang. ⁴² Monowon no to pog kagi ka duma no, hondi no, ka bulog no so kuwiton ta,ko waro no man nakita ka batang to koykow no mata?Mo tig palibo-libo? Kuwita no pad ka koykow no bulog no batang hoy og kakita no amana hoy og ka kuwit ka bulog to duma no ⁴³ Ka maroyjow no kayjo kunog unod dot waro pulos. ⁴⁴ so ka sungo kayjo og koilaan to kandin unod no ko kag makapamupo to igos ligkat to sampinit hoy ubas ligkat to diapa. ⁴⁵ Ka maroyjow no otow og maka kagi to maroyjow ligkat to maroyjow no mo butang sulod to puspusungan din. Di ka otow no madoot ka hinimowan mokohimo to madoot ligkat to malaw-oy no mo hinimowan no sulod to puspusungan.so ko nokoy ka sulod to puspusungan to otow iyan din dog kakagi. ⁴⁶ maniyu to og umow-umowon a now to, "Magbabayjo, Magbabayjo, no kono kow man ug hinang dot mo sugo ko kaniyu? ⁴⁷ Igpakita ko kaniyu ko mono nog ko iling dot otow no og dalapak kanak hoy og paminog to mo lalag ko hoy og tuman to soini. ⁴⁸ lling kandin dot otow no nig pupus-ok to baloy. Nigkakali kandin to maralom hoy inpus-ok din duon to ampow to bato. No kog lanog ka buogan kono soini og koomono so inpangiroson ipamus-ok. ⁴⁹ Di ka otow no konog paminog to mo lalag ko hoy konog tuman to soini og koiling dot sagbuka no otow no nig pus-ok to baloy diyo to tano no waro din panguntori to bato oyjow og kohirosonan.To pog lanog to soikan no baloy nagogos so waro man nahiruson to pog pus-ok.