¹ Si Hisus no pigduma to Espirito Santo nig awo un diyo to bu-ogan to Hurdan. Hoy pig alap kandin to Espirito santo diyo to hulolawan. ² Diyo kandin pigbagla ni satanas suod to kahop-atan (40) no aldow-suod to sikan no mo aldow waro kandin nig kuon,kagi nig gutasan kandin. ³ Nig kagi si satanas kandin, “ko koykow ka anak to Magbabayja, himowon no soin pan to batu. ⁴ Di nigtabak si Hisus kandin, “Ka kasulatan nig kagi,kono no diyo to pogkoon ugka buhi ka mo otow. ⁵ Hoy pig alap kandin ni satanas diyo to ampow, sagbuka ro no no pamurong inpakita din ki Hisus ka tibo no gingharian. ⁶ Hoy nig kagi kandin ki Hisus, igbugoy ko koykow ka tibo no gawom hoy ka mo butang soin to kalibutan, so soin tibo pig bugoy kanak no ugka baloy daan ko ig bugoy ko to agad hontow no’g kaliyagan ko tog bugoy. ⁷ koykow on sin tibo ko ug simba ka kanak.” ⁸ Hoy pig tabak kandin ni Hisus, “Ka kasulatan nig kagi, 'Ko ug simba ka to Ginoo no Magbabayjo kandin do ka ug alagaron.' ” ⁹ Pog kapunga to soin pig alap kandi ni Satanas diyo to Hirusalim hoy pigpasasindog kandin diyo to kinalayjatan no timpolo. Hoy nig kagi kandin ki Hisus, “Ko ikow anak to Magbabayjo,layjang ka ¹⁰ su ka kasulatan nig kagi, 'Ogsugoon to Magbabayja ka mo Diwata din to pog bantoy ikow. ¹¹ ug salopapayjon ka to mp diwata oyjow konog kapalian ka bulad no hoy ka paa no to bato. ¹² Di pigtabak kandin ni Hisus, “Ka kasulatan nig kagi,kono no baglaa ka Ginoo no Magbabayja no.” ¹³ Pogkakita ni Satanas no kun din ug kabagla si Hisus pig unkoran din pad. ¹⁴ Hoy nig liko si Hisus diyo to Galiliya no pig dumaan to Espirito Santo tibo un iyan nig dinog ka mo otow mayitungod kandin. ¹⁵ Nang-anad kandin diyo to mo simbahan to mo Hudiyu noy pigsayjo to mo otow. ¹⁶ Hoy nighundiyo si Hisus to Nazarit no diyo kandan nig dakul hoy nig hundiyo kandin to simbahan to mo Hudiyu to aldow to ting himoloy,sumala to naanaran.Nigsasindog kandin hoy nig basa to kasulatan. ¹⁷ Inbugoy kandin ka kasulan ni puropita Isayas pig buhat din ka kasulatan hoy pig basa din ka koibugan tog basa. ¹⁸ No nig kagi , “Ka Espirito to Magbabayjo kayi to kanak.So pigpili ato og pamatbat tomaroyjow no batbatunon to mokohoy-o.Pig-alap a din to pog pamatbat hoy ug kaluwa ka mo uripon,ug kita un ka mo butod.pig pa-alap a din to pog palibwas to mo mokohoy-o. ¹⁹ Hoy to pog pamatbat to mo otow no kuntoon no panawon to pog luwas to Magbabayjo.” ²⁰ Niglulun ni Hisus ka pigbasa din hoy piglibod din to sinaligan to simbahan. Hoy nig pinoo kandin hoy to pog sugod to pog pan-anad.ka tibo no otow naminog kandin. ²¹ Nig kagi si kandan “soin kasulatan natuman kontoon no aldow taguod to nakidinog kow to pig basa ko. ²² Pig sayjo kandin to tibo hoy muhon-in ka nabulong bulong so maroyjow ka pog pamatbat din to.no nig kagi kandan, “Kono ba no anak da kandin ni Josi?” ²³ Nig kagi si Hisus kandan, siguro iyan no ig nangon now kanak soini panag ilingan no nig kagi, "Talag-uyjag,hun-a no tambayi ka kaugalingon no, nog nig pasabot no ka narinog no pig himo diyo to Capirnaum kinahanglan nog himuon dini to kanta.” ²⁴ Hoy nig kagi si Hisus, “Ka totoo waro porupita no ug ilawon doon to kaugalingon din no banwa." ²⁵ sumsumana now ka noytabo nahun-a ki Ilyas no Porupita waro paurana to Magbabayja sulod to talulo no tuig hoy tunga, mabuntas ka naguram to mo otow.Mohun-in mo balo no malitan diyo to Israil nahun-a no panaawon. ²⁶ Di waro sugo to Magbabayjo si Ilyas nog buligan ka agad huntow ko kuno pigpa hundiyo kandin diyo to sagbuka no balo no kuno no Hudiyo no nig ugpo diyo to banwa to Saripta no sakop to Sidon. ²⁷ Iyan daan nuyitabo nahun-a no panawon pad ni Ilisio no mohun-in mo ko ko gangon diyo to Israil,di waro agad sagbuka kandan no nig pauli-an din, Si Naaman no konon Hudiyu no taga Syria iyan din da pigpa-ulian,” ²⁸ To pogkarinog to mo otow diyu to simbaan nangabolu kandan. ²⁹ Nigsasindog kandan hoy pigtujuk dan si Hisus pailing diyu to libwasan to banwa. Diyu to tikoba, su ka banwa ran diyu ampow to gulangan. Ogkaliyag poron kandan no igtutuklok si Hisus diyu to tikoba. ³⁰ Di nangli-itliit da naan si Hisus to mo otow hoy pig onkuran din un ka mo otow. ³¹ Ligkat diyo nig tupang si Hisus to banwa to Capirnaum no sakop to Galiliya.ka aldow to tinghimoloy hoy nan-anad kandin diyo to simbahan to mo Hudiyo? ³² Nabulong-bulong amana ka mo otow to pog pan-anad din so doon man gawom pulog to Magbabayjo. ³³ Diyo to simbahan doon mo otow no pig suloran to maroot no Espirito nangiyak kandin to maagbut, ³⁴ Hisus no taga Nazarit, nokoy ka labot no kanak?Nighundini kaba kanak to pog do-ot kanami? Noko-ila a koykow. Ikow ka matularong nopig paalap to magbabayjo,” ³⁵ Di pigsaparan ni Hisus ka moroot no Espiritu, “Awo ka kandin? Taliwaro to kohon-inan hoy pig usong to maroot no Espiritu ka otow hoy niglibwas. Di agad doisok waro kandin masakit. ³⁶ Nabulong bulong ka mo otow diyo, hoy nig pakawkagihay, nokoy ka pig pankagi din?mani doon katungod din hoy gawon to pa awo to maroot no Espiritu no nigtuman? ³⁷ hoy ka batbatonon mayitungod ki Hisus nig tangkap to tibo no palibut. ³⁸ Nig libwas si Hisus diyo to simbahan to mo Hudiyu hoy nig andiyo to baloy to Simion. Notogu oran no duon ka buyi no anugang din no naralowan, kagi ka pighangyuan dan si Hisus nog tambalan. ³⁹ Nigdalapak si Hisus hoy nig sasindog diyo to ilis to hibatanan hoy pig tambalan din ka naraluwan no buyi.Hoy nig-onow kandin hoy pig taganaan din si Hisus ⁴⁰ Topog dangkoy to aldow ,mohon-in ka mo otow no nig alap to masakiton diyo ki Hisus. Pig dampinan ni Hisus to bulad din ka malimbuka no nauli an on ka tibo. ⁴¹ Agad ka maroot no Espirito inpa awo din ligkat to mohon-in no mo otow. Tagaod to nig awo ka maroot no Espiriru nig pangiyak kandan ki Hisus, “Ikow ka anak to magbabayjo?" Di pig saparan kandan ni Hisus to konag pamatbat no kandin ka anak ni Kiristu. ⁴² To doon nog kapawo un,nig awo un si Hisus to banwa. Hoy nig hundiyo kandin to hulholawan. Pig pamongho kandin to mo otow to pog ka kita dan ki Hisus nig-pahoy-u-hoy-u kandan ki Hisus no kono pad ughipanow. ⁴³ Di nig kagi si Hisus kandan, “Kinaanglan no ig panolu ko daan diyo to loin no banwa ka maroyjow no batbatonon mayitungod to pog panguo to magbabayjo,so pig alap a to pog pamatbat. ⁴⁴ Hoy nig parayjon si Hisus to pog panulu to mo simbahan to Hudio diyo to hudiyo.