¹ To sampulo hoy lalimma no tuig (15) to pog mando ni Empirador Tiberyos.si Ponsiyo Pilato iyan Gobernador to Hudiya, si Herodis iyan nig mando to Galiliya hoy si Pelipi no sulod din iyan agalon to katan-tanoan to istorya hoy to tarakonite tagood si Lisanyas iyan agalon diyo to Abilina. ² Si Annas hoy si kaypas iyan agalon to mo pari,soin iyan no panawon ka balita to Diyos nokouma ki Huwan no anak ni Sakariyas diyo to kahilawban. ³ Koy naan ka nigluib din to nig hipanow ka tibo no katantanoan,marani to woyig to Hordan hoy nigwali kandin.Nigkagi kandin,inninoyo hoy ongkuri now ka mo salo now hoy pabawtismo kow oyjow og pasayloon kow to Diyos. ⁴ Sumala ni poropita Esayas to basahon din.duon nangngiyak diyo to kohilawban andama now ka og bayjaan to Magbabayja.Himowan no nu matol-id ka dalan din? ⁵ Tapaki now ka nighob-ong, paatagaha now ka tibo no og bobongan,tol-ila now ka nabongkog-bongkog no dalan ay-ayari now ka nig hob-ong no dalan. ⁶ hoy og nakita to mo otow ka kaluwasan ligkat to Diyos. ⁷ Hoy duon mo guropo nighundiyo ki Huwan oyjow og pabawtismo kandin.Nigkagiyan kandin ni Huwan,kaniyo no mo olod? Huntow ka nig kagi nu og makalikay kow to kabulo to Diyos no magaan on og uma? ⁸ Himoa now ka mo butang no ug pakita no nig-ongkod kow on to mo salo.hoy kuno kow makawkagihoy,si Abraham ka amu noy. So ugkagihan ko kaniyo no ka Diyos og mokohimo no ug purot to soin mo bato yjow oghimuon no kaligkat ni Abraham? ⁹ ka waro nakaandam to ig pungo to mo kayjo,doon to mo dalig,ka tibo no kayjo no kuno og pangunod to maroyjow no unod og pungolon hoy ig tumog diyot hapoy. ¹⁰ Ka mo otow nanginso ki Huwan,nokoy naan himoon noy. ¹¹ Nig tabak kandin, ka doon daruwa no tinabo kinanghanglan og bogoy diyo to otow no waro tinabo hoy ka doon og kakoon kinahanglan og bugoy dot waro kuonon. ¹² hoy doon pila no talag purot to buwes no nig dani oyjow og pabunjag hoy nanginso kandan ki Huwan,talagpanoon,nokoy man ka og himoon noy? ¹³ nigkagi kandin kandan, kono now pamasobrahi ka g tingilon now ko kuno iyan do ka in sugo kaniyo to balaod. ¹⁴ hoy nanginso kandan ka pila no sundawo,kanami mando,nokoy naan ka og himuon noy? Nig kagi kandin kandan,kuno kow pandoog-doog sagad hontow panabayjo to pog pamogos hoy pamasangil hoy kuno kow bagot-bot. ¹⁵ To pog dinog to mo otow no nanudlo si Huwan,naka suman-suman kandan no atok ko si Huwan on.ka kiristo no in paabot dan. ¹⁶ Di nig kagi kandan si Huwan kanak og bawtismo kaniyo to wohig,di doon og uma no maroson pad kanak,hoy kunaan tumanan no og sog-sogoon din, kandin ka og bawtismohan kaniyo to Espirito hoy hapoy. ¹⁷ Iling kandin to mo otow no nig papalayjap to inani rin oyjow og kalain ka otapon noy ka humoy.ka humoy ig tago diyo to lalapong di ka otapon og silaban din diyo to hapoy no kunog kubokan. ¹⁸ Di duon nig panudlo si Huwan do’t mo tow to maroyjow no balita nig-nangonan kandan no og tumanon ka tibo no in panodlo din. ¹⁹ agad si Hirodis no agalon to Galiliya di nig badlong ni Huwan so in himo rin no kabit ka ipag din no si Hirodis hoy to duma pad no maroot no hininang din. ²⁰ To ka hori-horian nadugangan pad ka salo ni Hirodis tungod to pog papiriso ri ki Huwan. ²¹ Pog kapunga to pog bawtismo ka tibo no otow nig pa bawtismo din daan si Hisus,di doon no nig ampo si Hisus,na abli ka langit. ²² Hoy nig kunsad kandin ka Espirito no ni iling to salapati hoy doon lagong no nigdinog dan ligkat to langit no ni kagi koykow ka pinalango ko no anak,naliyag a amani koykow. ²³ Mo katluan on ka idad ni Hisus no nig sugod kandin nig himo to mo himoonon din to suman suman to mo otow anak kandin ni Eli. ²⁴ Si Eli anak ni Matat,si Matat anak ni Levi.si Levi anak niMelqui.Si Melqui anak ni Janai si Janai anak ni Husi. ²⁵ Si Husi anak ni Matatias,si Matatias anak ni Amos, si Amos anak ni Nahun si Nahun anak ni Esli,si Esli anak ni Nagal. ²⁶ Si Nagai anak ni Maat,si Maat anak ni Matatias, si Matatias anak ni Semei,si Semei anak ni Juda. ²⁷ Si Juda anak ni Joana,si Joana anak ni Resa,si Resa anak ni Zorobabel,si Zorobabel anak ni Salatiel,si Salatiel anak ni Neri. ²⁸ si Neri anak ni Melqui,si Melqui anak ni Adi, si Adi anak ni Cosan, si Cosan anak ni Elmadam,si Elmadam anak ni Er, ²⁹ si Er anak ni Josue si Josue anak ni Eliezer, si Eliezer anak ni Jorim,si Jorim anak ni Matat, si Matat anak ni Levi. ³⁰ Si Levi anak ni Simeon, si Semeon anak ni Juda, si Juda anak ni Jose,si Jose anak ni Joman, si Jonam anak ni Eliaquim. ³¹ Si Eliaquim anak ni Melea,si Melea anak ni Mena, si Mena anak ni Matata,si Matata anak ni Natan, si Natan ni David. ³² Si David anak ni Jesse. Si Jesse anak ni Obed.si Obed anak ni Booz. Si Booz anak ni Salmon.si Salmon anak ni Naason. ³³ Si Naason anak ni Aminadad,si Aminadad anak ni Admin, si Admin anak ni Arni, si Arni anak ni Esrom,si Esrom anak ni Fares, si Fares anak ni Juda. ³⁴ si Juda anak ni Jacob ,si Jacob anak ni Isaac.si Isaac anak ni anak ni Abraham. Si Abraham anak ni Tira no anak ni Nahur. ³⁵ Si Nahur anak ni sirug no anak ni Riyu, si Riyu anak ni Pilig no anak ni Ilbir. Si Ilber anak ni Sala. ³⁶ Si Sala anak ni Kainan no anak ni Arpaksad. si Arpaksad anak ni Sim no anak ni Nuwi anak ni Lamik ³⁷ no anak ni Mitusila. Si Mitusila anas ni Inuk no anak ni Harid. Si Harid anak ni Mahalaliil no anak ni Kainan. ³⁸ Si Kainan anak ni Inus no anak ni Sit, hoy si Sit anak ni Adan no Anak to Magbabayjo.