¹ Umba waro koy naawwoi to kabaghot no ka Magbabayjo to kandin no kohoy-o nigbogoy kanami to soyni no pogpanlalag. ² Insawilo doy ka tibo no hinolos hoy mokosisipod ni mo hinang. Waro koy nig-uubat to lalag to Magbabayjo. Ko kono nigpanginabuyi koy to maroyjow diyo to tangkaan to Diyus hoy inpaniguro roy no ka mo otow waro igkagi no maroot kanami. ³ Hoy ko waro naman maani ka maroyjow no Batbatonon no inlalag doy, ka waro nataga to soini iyan do ka waro nangaluwas. ⁴ Kono kandan ogtoo to soyni tungud to inbunbunan to Magbabayjo to soyno no ingod ka kandan no mo kais-isipan. Umba kono kandan og pokokita to maawwang to Marayjow no batbatonon mohitungod to himaya ni Kristu no iyan ka karoyjow to boyho to Diyus. ⁵ Hoy ka inlalag doy kono no kanami ro no kougalingon ko kono ka Magbabayjo no si Hisu Kristu hoy kanami iyo no mo suguonon tungud ki Hisus. ⁶ Ka Diyus no nigkagi, "Ligkat to Karusiloman og layjag to kaawaang!" iyan ka Diyus no niglayjag to kaawwang solod to pusong hoy ogbogoy kanta to kasuman suman to himaya to Diyus no niglayjag to boyho ni Kristu. ⁷ Di kanami no soyni to Ispiritu no baandi koiling do to kuron no inhinang ligkat to tanu oyjow pogpapitow no ka pinarakol no gahom iyan to Diyus hoy kono no kanami. ⁸ Inpabayjaran koy to tibo no paagi, di waro koy iyan natalong; og kabolongbolong koy di kono koy iyan og ongkud. ⁹ Inbaybayjaran koy to tibo no paagi, di waro koy ro himatayji. ¹⁰ To tibo no panawon layjon doy og alapa ka kamatayjon ni Hisus to lawwa roy oyjow ka kandin no kinabuyi ogkakita raan dini to kanami no lawwa. ¹¹ Nokoy naan ka layjon koy og pokosolorop to kamatayjon ni Hisus tungud to pugtoo roy ki Hisus, oyjow ka kinabuyi din og kakita roy dini to lawwa roy no doon kamatayjon. ¹² Soi nigpataga no dini to kanami, ka kamatayjon iyan nigpaginlabaw di diyo to kaniyo iyan ka nigpainlabow ka kinabuyi. ¹³ Ka sinulat nigkagi,"Nigkagi a tungud to nigtoo a koykow". to iyan do no pogtoo, nigkagi koy daan tungud to nigtoo koy man. ¹⁴ Hoy nataga koy no ka Diyus no nig-uyjag to Magbabayjo no si Hisus, dow og alapon koy duma kaniyo diyo to tangkaan din. ¹⁵ Inhinang soyni to tibo kaniyo dow to pasalamat to himaya to Diyus. ¹⁶ Sika ka ogpuunan no waro koy naawoi to kabaghot. No agad ko ogkapahan-ganaran o ogmahuyo soin so mo lawa noy, piru inlig-on dod ka mo gimukud noy tagso aladew. ¹⁷ Ka koyirapan no in-antus noy, kona amana no mabohat woy oglihad do sika, du to sika so dakol ne katolosan no waro katamanan no ogkaangkon noy kouromo diyo to langit. ¹⁸ Su kono no iyan noy intongtonngan sika so ogkakita kayi ro ampow to tano, ko kono, sika so kono ogkakita no diya to langit. Sika so ogkakita, oglihad do, piru ka kono ogkakita waro mulo katamanan.