¹ Nayan doen din ipetaga-taga ko kenyo sieni. Onto iyan benal, so migpesakop a diya ki Cristo, natagahan ko te kena kebolalaw se kagi ko kenyo, seini se egbaya-bayaan a te Ispirito Santo aw benal onto se inikagi ko siini. ² Ibeg ko katagahan niyo te nalido se pedowan ko. ³ So pengkey kadomaan ko se tege-lungsod, meneng wedad dan pa salig diya ki Cristo, ibeg ko somelilin a peden, kandan aw ipeluman a te Timanem amon katabangan ko dan, pegwedaden ko peden heman si pegpesakop ko diya ki Cristo, amon mainang dan menge sakop din. ⁴ Onto den dan natabangan, so penamali se menge bowad-bowad si pinekitaan din te kalangkaw din sikandin heman se penakangan din. Te tabangan din dan. Sikandin so sinaligan din te menge punu aw tinuludaan den tepad te pegsimba dan kandin, medita heman sa pakang din kandan. ⁵ Nedengeg se kemonaan dan penamalli te timanen pegkeotaw te Misiyas timebaw sikandin diga te kandan kemona-an (Telekilewat) sikandin te wedad tenan medoman iyan. Amin. ⁶ Nayan, pengkey kena kelahat se weda salig, meneng eked a ekagi te weda ketoman te Timanem se pakang din, kena kedita te bowad-bowad i Israel se pinemalli te Timanem. ⁷ Meneng kena kalakat bowad-bowad i Abraham se kandin menge kedomaan so minikagi se Timanem ki Abraham, "Se menge bowad-bowad te bata i Isaac, yan olo se eneng-enengen ko te onto bowad-bowad nikaw." ⁸ Eked eneng-enengi te kalahat bowad-bowa i Abraham te bata din te Timanem, singed aw doen pakang din tepad ki Abraham. ⁹ So tapay migpakang se timanum ke Abraham, lomiko a dini te modi omoy,so doen bata meama tomebaw diya ki Sara. ¹⁰ Doen heman penamalli dedowa bata te kemonaan tadon si Esaac. aw si Rebeka-impataga-taga heman te timanen te kena kelahat bowad-bowad i Abraham te kandin bowad-bowad. ¹¹ - ¹² Pengkey weda pa tebaw si dedowa bata, minikagi se Timanem kandin, lomowan se modi tumebaw diya te mona tomebaw. Inikagi din ini te weda pa pakainang te mapiya aw medaet se dedowa. Bata din ipetagataga din te kena din egpemellien se otaw tanda te inenang te mepiya, meneng egpemellien din se etaw lekat te tod din ibeg din. ¹³ So doen kagi te Timanem insolat, "Si Jacob se nedekalan ko te pedowan, kena si Esau." ¹⁴ Sieni, eden se maikagi tadon? Nayan doen kagi meg-aneng-aneng te madaet si inenanang te Timanem, menneg kena yan benal. ¹⁵ So minikagi se Timanem diya ki Moisis, kagi den, "Siak se memalli aw sinu se kaidowan ko, siak se memalli aw sinu se kedekelan ko te pedowan." ¹⁶ Yan natagahan tadon den te kane egpemellien te Timanem se otaw lekat te ebig dan, meneng lekat te kaido te Timanem. ¹⁷ Insolat se mikagi te Timanem, diya te Faraon, inenang te Hari, impalowan ko sikona amon ipetaga-taga ko te onto a metolos peneoket te pegdaeg ko kamno amon medengeg an kedoen te kebelad te keneyonan. ¹⁸ Yan netagahan tadon te Timanem se egpemelli te sinu si kaidowan den, aw sinu se otaw pebeyaan dan metugul sa ulo. ¹⁹ Nayan siine doen mekagi kanak, aw yan se doen din, doen meg-aneng-aneng te nenga lay epelumun te Timanem se otaw? Weda den pemelli, so eked dan kabatog se megtolada te ebig te Timanem. ²⁰ Meneng eked kapakay aw somila kedon te Timanem so olo kidon otaw menang den, eked kepakay meg-insa kidon, te nenga lay inenang den iyan te eling kani. ²¹ Aw meg-inang se otaw te koden, sikandin se memalli eden se inangen den te pasak inawedan din, mapakay aw tengaen din iyan, mainang dowa ka koden, pinaokit te pasak, amon inangen den se sebad koden mepalas aw se sebad koden wedad palas. ²² Iling heman kenyan se inenang te Timanem so pengkey kailangan ipelumun din se otaw neopalan din amon ipataga-taga din te sikandin se onton malangkaw meneng tanda te kedalem te pedowan din, weda din dan tagmon pelumuni. ²³ Yan se ininang din amon ipetaga-tag din diya te kedita tadon needowan din te onto sikandin mepiya, so impetagad kidon din amon begayan kidon din te kepiyaan. ²⁴ Sikitadon se menge otaw tinawol te Timanem, kena olo menge Judiyo se tinawal din, meneng otaw heman kena Judiyo. ²⁵ Siini se inikagi te Timanem te libru i Hosea, Sekopen ko den se menge otaw weda ko pa sakopa, kedekelan ko den te pedowan se menge otaw weda ko pa kedekeli te pedowan. ²⁶ Pengkey se menge otaw inikaghian ko, 'Sekeyo kena dan sakop ko, tewalen dan menge bata te Timanem.'" ²⁷ Siini heman se inikagi i Isaias tepad te Israelihon, pengkey iling te enay doton te dagat, se kadita te bowad-bowad, i Israel, meneng olo pelabok se mekalowa te pelumun. ²⁸ So domateng se aldaw ayas tomanen te Timanem se kagi din te onto den ipelumun se otaw dini lanto te tana metoman. ²⁹ Iling kenyan se tepay mikagi i Isaias, "Simpana sikitadon menge Esrailinhon, eked keidowe te Timanem metolos, wedad palos mesama kenitadon, so tigkan megela se kedita tadon eling te menge otaw te Sodoma aw tege Gomora." ³⁰ Nayan, natagahan tadon den ini, pengkey weda pegpeliman se menge otaw kena Judio, te eneng-enengen te Timenem te metolid dan, meneng doen den kandan aneng-aneng din te metoled dan pineokit te pegsalig dan. ³¹ Meneng pengkey onto measeb se meng Judio temolo te menge punu, amon eneng-enengen te Timanem te metolid dan meneng weda dan iyan kabatog. ³² Aw nenga lay? Weda dan iyan kabatog so weda dan salig diya ki Jesu-Cristo, meneng simalig dan diya te mepiya inang dan. So nekedogso dan diya te bato egkedogsoan. ³³ Iling kenyan se kagi te Timanem insolat, "Insawol ko te Zion se bato mekebangkel te menge otaw, iling te bato kedogsoan dan. Meneng se otaw, egpemenal te bato siyan, eked palos pekebollog kaya-ya."