¹ Yan eked pelimuni te Timanem se kedita te otaw migpasakop diya ki Jesu-Cristo. ² So pegsebed ko diya ki Jesu-Cristo, doen kaling pedowan imbegay te Ispirito Santo aw yan se doun te wedad den kailangan meg-inang a te sala aw eked ke den heman datangi te pelumun. ³ Se menge puno eked peke-abat te sala te pedowan ekated peketolo te menge puno, meneng tinabangan kedon te Timanem. So insogo din si Bata den dini te tana, mepekeotaw sikandin amon ipelumun tandan te sala tadon, pinaokit te pegkemataya din. Wedad den eneg te sala, aw eked kidon den keleges tomaking te medaet ebig te pedowan tadon. ⁴ Yan se ininang te Timanem amon mekeinang kedon te metolid iling te impunu din. Eked edon keleges tomaking te medaet ibig te pedowan tadon, so egpenabang se Ispirito Santo, amon makainang te matolid. ⁵ Aw egbeya-beyaan se otaw te medaet ibeg te pedowan din, gayed sikandin eg-aneng-aneng tepad te pegtoman din te ibig. Te pedowan din, meneng se menge otaw se pedowan dan diya te pegpamaha, te Ispirito Santo, wedad lain eg-aneng-aneng te gayed doma en, tepad te pegtoman din te Ispirito Santo. ⁶ Aw mig-aneng-aneng se otaw tepad te pegtoman din te meaet ebig te pedowan din, detengan sikandin te kemetayen. Wedad Timenem, menneg aw meg-aneng-aneng se otaw tepad te pegtoman din te ebig te Ispirito Santo, yan se otaw doen kaling pedowan weded timanan, aw melinaw se pedowan din. ⁷ Onto! Madaet se pedowan te Timanem te menge otaw eg-aneng-aneng tepad te pegtoman din te madaet. Weda sikandin tuman te kagi te Timanem so kina sikandin egtolo te impunu din. ⁸ Se otaw egbeya-beyaan te madaet ibeg te pedowan din, wedad palos inangen din kelubahan te Timanem. ⁹ Meneng kena kaw den egbeya-beyaan te medaet ebig te pedowan niyo seo egbeya-beyaan kaw den te Ispirito te Timanem, eg-ogpa kidoen to te pedowan niyo aw doen otaw wedad Ispiritoi Cristo, diya kandan yan se otaw weda pegpasakop ki Cristo. ¹⁰ Meneng aw eg-ogpa si Cristo diya kenyo, pengkey matay se lawa tandan te sala, meneng benegayan kaw te Timanem kaling pedowan, so inaneng-aneng din te metolid kaw. ¹¹ Se Ispirito i Cristo se meg-antay ke Jesus yan aw ig-ogpaan kaw te Ispirito Santo, antayen heman te Timanem se lawa niyo lekat to nematay peneokit te Ispirito Santo, eg-ogpa kidoen kenyo. ¹² Na, menge kedowa o, kailangan meg-ingang kedon te ibeg te Timanem, kailangan eked kedon taking te madaet ebig te pedowan tadon. ¹³ So aw egbeya-beyaan kaw te medaet ebeg te pedowan niyo, detengan kaw te kemetayen wedad timanan, meneng aw peneokit te tabang te Ispirito Santo lomenga kaw te peg-inang niyo te sala doen pedowan niyo wedad timanem. ¹⁴ So se kedeta te otaw egbeya-beyaan te Ispirito te yan se menge bata te Timanem. ¹⁵ Se Ispirito inbegay kenyo, weda kaw din enangi menge sugoenen din te malamitan kaw, iling te kedengan te allang din. Meneng ininang kaw din mga bata din yan se doen te wedad den kelemetanan niyo so mepakay din aw, "Ama" se itawol tadon te Timanem. ¹⁶ Ispirito Santo, doma te Ispirito se egpataga-taga te kenetadon te menge bata kedon den te Timanem. ¹⁷ So bata kidon din doen aldaw domateng aw komenawa kidon te kedeta te kepeyaan impetagad din kenitadon. Pengkey eden se ibegay den ki Cristo yan heman se ibegay den kenetadon , aw pemilangan kidon tanda te pegtaking tadon ki Cristo, ipelangkaw kidon heman doton te langit dom din. ¹⁸ Te aneng-aneng ko, pengkey nalimahan kindon, din onto meneng doen kepeyaan impatagad te Timanem kenetadon te modi aldaw. ¹⁹ So egpeleman se kedita te inanang te Timanem, te aldew domating aw ipekita din se kedita te menge bata din. ²⁰ Se kelahat ininang te Timanem, wedad den ontong so neinang den, kena lekat te ibeg niyan, meneng lekat te ibeg te Timanem. Meneng doen pa aldaw pelimanan tadon, ²¹ aw domating se menge aldaw, inangen te Timanem kaling se kedita te ininang den amon wedad polos megkadaet, yan meenang mepiya se kedita, iling te kapiyaan domating kanitadon menge bata te Timanem. ²² Aw netegahan tadon te onto egkelimhan se kedita te ininang te Timanem, lamig seini, iling te bayi agpet den tabawan. ²³ Imbegay den se Ispirito Santo kanitadon, aw sikandin si ibowang te Timanem kenitadon, meneng siketadon heman se egketemahan dalem te pegpeliman tadon te aldaw te ipekita te Timanem se kedita te menge bata din. ²⁴ So likat te pegpelowa din kenetadon lekat te sala gayed kedon egpeluman kenyan aw domateng se penilimanan tadon, eked kidon ekagi to doen pa pelimanan tadon, so wedad otaw megpeleman te domateng din. ²⁵ Meneng so weda pa dateng se egpelimahan tadon, kailangan medalem se pedowan tadon dalem te pegpeleman tadon kenyan. ²⁶ Aw egkelomay kidon, se Ispirito Santo, gayed egtabang kanitadon so aw eked kedon, ketaga-taga aw eden se mepiya pemoyoen tadon te pegtawal-tawal. Ikeliwat te Ispirito Santo se onto medalem ibeg te pedowan tadon eked tadon kaikagi. ²⁷ Netaga-tag se Timanem amay aw ede se awop te pedowan tadon, aw netegahan din heman aw eden se aneng-aneng te Ispirito Santo, so egpemoyoen te Ispirito Santo diya Timanem. So tabangan din se menge Bata din, aw yan se pedowan te Timanem. ²⁸ Netegahan tadon den te peneokit te kedita te domating kenitadon doen kepeyaan inangen te Timanem diya te kedita tadon doen dakel pedowan kandin, so timawal kidon din tanda te kandin ebig. ²⁹ Lekat te keteboan te keneyonan, tapay netaga-taga se Timanem aw sini se megpesakop diya kandin, migakang sikandin meg-imang kanitadon iling te Bata din si Jesus, so ibeg din mainamg se kadita tadon iling te telekedowa, aw mainang sikandin iling te kakay tadon. ³⁰ Se kedita te otaw pinamalli te Timanem amon anangen kidon din iling te bata din, yan heman se tinawal din. Se kedita tadon tinawol din yan heman se inaneng-aneng din te metolid se kedita tadon inaneng-anengmetolid, yan se ipalowa din doma kandin. ³¹ Aw meg-aneng-aneng idon tepad te kedita te kepiyaan ininang te Timanem, kenitadon. Ketegahan tadon te wedad palos makedaeg kenitadon so egdomaam kidon te Timanem aw wedad mekailabet. ³² Weda din temengi sa Bata din, meneng insogo din sikandin simalilin kenitadon, aw iling kenyan se kaido di kenitadon, ibegay din heman sa kedita te kalidoan tadon. ³³ Wedad palos makaikagi te doen pa sala tadon, pinamalli kidon te Timanem aw sikandin si dein si menikagi te metolid kidon. ³⁴ Wedad heman palos makaikagi te kailangan ipalumun kidon si Kristo Jesus egpelumun aw namatay. Simelilin kenitadon meneng neantay heman sikandin lekat te nematay aw eglowan den sikandin dema te Timanem amay din doton te langit, aw egpemoyo den sikandin diya te Timanem amay din te itabang din kenitadon. ³⁵ Pengkey eden se domateng kanitadon netegahan tadon te gayed dakel se pedowan te Timanem kanitadon. Pengkey kalimahan kidon, aw pamilangan kidon, pengkey wedad kanen tadon, aw wedad pulos kaabatab, pengkey doen, kataladman aw kamatayen tadon, natagahan tadon te dakel se pedowan i Cristo kanitadon. ³⁶ "Tanda te pegtaking day kamno, gayed kay agpet imetayan yan eg-ilingen kay te menge ayam-ayam, karniru agpet iyawen." ³⁷ Meneng pengkey egdetengan kidon te kedita te kalimahan, siyan, onto kidon domaeg, su meketayod kidon pineokit te tabang i Cristo gayed doen pedowan kenitadon. ³⁸ - ³⁹ Natagahan ko te wedad palos mekeelet te pegdakel te pedowan te Timanem kenitadon te gayed pinakita pinaokit ki Cristo Jesus se Timanem tadon, pengkey se kinabuhi aw kemetayen tadon, se menge Anghel, aw menge madadaet. Pengkey eden de domateng siini aw modi aldoaw, pengkey eden se mekeelet te pegpedakel te pedowan, pengkey doton te diatas te langit, aw doton dedalem te keneyonan. Aw bisan eden se mainawang te Timanem, wedad palos mekeelate te pegkedakel te pedowan din kenitadon.