¹ Menge kedowa, netegahan niyo tebad te kesegoan, neyan neketaga-taga a netegahana niyo ne sen inikagi kenyo ne ang otaw aw katay den. Ne ang kesegoan wudad den tolos niyan diya kandin. ² Iling heman te bayi ne doen bana, sumala te kesegoan, ang bayi neiketan doton te bana din telobo pa buhi se bana din, meneng aw sen bana din namatay den, mekelowa sikandin te kesegoan te neiketan te bana din. ³ Neyan kon megsebad sikandin te lain maama telobo pa buhi se bana din, nekepenapaw sikandin. Meneng kon ang bana din nematay den aw toda sikandin mengognan, ne wuda den yan sikandin mekeladas te kesehoan, aw wuda heman si mekepenapaw. ⁴ Neyan, menge kedowa, iling kenyan heman se kegamakan niyo, wudad den labet te keseguan, kay nematay kaw den pinaokit te kemetayen ni Cristo. Sikandin den se menig-apo kenyo si Cristo nge nebanhaw. ⁵ Sen kidoen pa te tapay nge pegkeotawun, sen menge madaet keibeg yen se egpeketolos kinitedon, aw misamot den beling tebab te keseguan. Aw kay ininang tedon man seda, ne ang silot kinitedon kemetayen. ⁶ Meneng songkani, tungod te pegsebad tedon te kemetayen ni Cristo, neluwas kidon lekat te keseguan te mig-allang kenitedon. Sen peg-alagad tedon te Timanem seongkani sumala te keling pedowan so yan se resulta te pegsunod te Ispirito Santo aw kena sen tapay pegkeotawun ne resulta te pegsunod te keseguan. ⁷ Aw iling kenyan, doen mikagi ne medaet kedi ang keseguan. Wuda a ikagi ne siini madaet. Kay on wudad kesuguan wuda ko besi katagahi kon eden ang sala. Simpana kon wudad mikagi te keseguan, "Iks eg-inga." Eged ko peden ketegahi ne medaet kidi sen eg-inga. ⁸ Meneng tungod te sala ne tapay den diya kena, pegketaga-tag ko ne medaet kidi se eg-inga, onto den beling labi pa se peg-inga ko. Neyan kon wudad keseguan, eged tedon besi ketegahi aw eden se sala. ⁹ Kedengan, negkinabuhi a te wudad keseguan. Meneng te pegketaga-taga ko te keseguan, kinita ko si saken kide mekesesala, aw doton ko heman kedi ketegahi ne si aken hukmen te kemetayen. ¹⁰ Neyan ang kesugoan ang pakay din ang pegbegay te kinabuhi peduwan meneng yan den beling se nengibing kanak doton te kemetayen. ¹¹ Kay ang kesugoan yan se ginamit te sala diya kana amon mekesoway a aw se resulta, hukmen a te kemetayen tungod kay wuda a pekesunod nini. ¹² Ang kesugoan balaan, aw sen kelahat menge sugo nini balaan, metolid, aw mepiya. ¹³ Ang kedagdagan ba te mepiya yan se meg-ated kenaken te kemetayen? Kena! Dighukom a tepad te sala ko. Aw pinaokit nini kinita tedon onto medaet se sala, kay eggemiten din se mepiya amon siloten a te kemetayen. Neyan pinaokit te mepiya kesugoan, impetaga-taga aw eden se kedaet te sala. ¹⁴ Netegahan tedon ne ang kesugoan lekat te Ispirito te Timanem. Meneng otaw a olo aw na allang te sala. ¹⁵ Wuda a pekelabet te ininang ko kay se menge kadonan ibeg ko inangen eged ko ka inang. ¹⁶ Aw kon eged ko ka ibegi se eg-inangen ko ne madaet, ne ang kedagdagan niyan tinande ko ne benal ang kesugoan. ¹⁷ Neyan kena kanak se meg-inang te medaet kon kena sen sala dini ebet kanak. ¹⁸ Kay netegahan ko dini kenak, te pegkeotawun tebet ko, wudad onto mepiya, tanda te ibeg ko peden meg-inang te mepiya eged ko ke inang. ¹⁹ Neyan, sen mepiya ko peden inangen eged ko ke inang, meneng sen madaet eked ko peden inangi yan den beling se egkeinang ko. ²⁰ Neyan, aw eg-inang ko sen kena ko peden pakay inangen, ne ang kedag-dagan nini ne kena kanak se mig-inang kon kena ang sala dini kanak. ²¹ Neyan, neke-aneng-aneng a aw ibeg ko meg-inang te mepiya balabagan-a te medaet bet ko. ²² Diya didalem te pedowan ko onto a neleba te kesugoan te Timanem. ²³ Meneng, netegahan te aneng-aneng ko te doen egsogo te meg-inang a te medaet. Aw weda kaebegi te pedowan ko, so netegahan ko te metolid se egenangen. ²⁴ Onto malima se pegkesawol ko! Sino se megpelowa kanak lekat te pegkaallang ko te madaet ibeg te pedowan o detengan te kemetayen? ²⁵ Wedad lain mekepelowa kanak, se Timanem olo pineokit te pengolo tadon si Jesu-Cristo! Yan megpeseotong ki te Timanem! Yan meg-indan a den kenyo, pengkey ibeg ko tomolo a te ibeg te Timanem, meneng se lawa ko, egpekeinang a pa te madaet so doen pa madaet ibeg te pedowan ko.