¹ Nayan tongod kay pigtolid ki den man pineoki te pegpemenal ki Jesu Cristo, Mepiya den se kinitadonrelasyon te Timanem. Nahitabo ini tongod te ininang te kinitadon Timanem Jesu-Cristo. ² Pineokit kandin aw tongod te kinitadon pegpemenal nekekinawa ki nini nga bowang, aw neleba ki kidoen te paglaom nga nekeakop ki te kandin pegkehalangdon. ³ Aw kena kag olo siyan, nelaba ki heman pengkey te kinitadon menge peg-antos, kay neketagataga ki nga pineokit te menge kelimahan meinang ki mainantoson. ⁴ Aw kon mainantoson ki meluba se Timanem kinita doen peglaum ta nga mepiya se kinitadon kaogmaon. ⁵ Aw eked kehitabo nga eked tadon kekinawa se kinitadon piglawan tonogd kay pineokit te Ispirito Santo nga impeibing kinitadon netegahan tadon nga pigkedekelan kidon te pidowan te Timanem. ⁶ Aneng-anengen tadon olo se kedakel te pedowan te Timanem kinitadon te dalem te wedad ki meinang amon mekelikay kit palumun, negbegey te kandin pedowan si Cristo alang kinitadon menge makasasala te panahon nga pigtakda te Timanem. ⁷ Talagsaon nga nehitabo nga doen mematay alang te otaw nga metolid. Besi doen megpekematay alang te mepiya nga otaw. ⁸ Meneng si Cristo nematay alang kinita pa aw mekesasala ki. Te iling kenyan nga pemeokit impakita te Timanem se kandin kedakel pedowan kinitadon. ⁹ Aw tongod kay pigtolid ki den seini te Timanem pineokit te dipanog ni Cristo, Mekesigoro ki onto nga tongod ki Cristo mekelikay ki te domatengay nga pelumun te Timanem. ¹⁰ Kedengay menge kalaban ki te Timanem, meneng pineokit te kemetayon te kandin bata nekeliko den se kinitadon mepiya nga relasyon kandin. Aw seini nga doen ki den mepiya nga relasyon te Timanem, labi pang luwasen ki din pineokit te pedowan ni Cristo. ¹¹ Aw kena kag olo siyan, melaba ki heman seini te kinitadon relasyon te Timanem oineokit te kinitadon Timanem Jesu Cristo. Pineokit kandin nekeliko den se kinitadon mepiya ne relasyon te Timanem. ¹² Se sala nekeawop te keneyonan tongod te peglapas ni Adan te punu te Timanem, aw se kandin sala nengibing te kemetayen. Nayan dimateng se kemetayen te kelahat menge otaw, tongod kay se kelahat nekesala man. ¹³ Kay dini den daan te keneyonan se sala te wada pa begayi te Timanem se punu diya te menge otaw. Meneng kon wedad punu, se sala eked aneng-anengi batok te etew. ¹⁴ Meneng lekat te panahon ni Adan taman te panahon ni Moises, se kemetayen netolos din to menge otaw bisan te menge weda pekesak pineokit te peglapas te penu te timanem, iling te ininang ni Adan. Si Adan yanse bawa te sebad ke otaw ug dumatengay. ¹⁵ Meneng seini didowa eked pegdoma tungod kay se bowang te Timanem eked peg-onuwahi te sala ni Adan. Benal nga se sala ni Adan nengibing te kematayen te medita menge pineokit te sebad ke otaw nga si Jesu-Cristo. ¹⁶ Se bowang te Timanem eked peg-onawahi te sala ni Adan. Se sala ni Adan nengibing te pelumun, meneng tongod te ininang ni Cristo, pigtolid ki heman te Timanem bisan aw medita se kinitadon ininang nga menge sala. ¹⁷ Kon tongod te sala te sebad ke otaw nga si Adan se kelahat mematay, nan, labaw pa onto se pongo te peg-inang te sebad ke otaw nga si Jseu-Cristo. Kay sila meuge kiminawa te dakel nga grasya aw bowang te Timanem pineokit ki Cristo pigtolid te Timanem, aw mekeangken dan te pedowan. ¹⁸ Nayan tongod te sala te sabad ke otaw se kalahat pig-okom nga pelumunen. Aw te iling nga pemeokit, tongod te metolid nga pig-inang te sebad ke otaw pigtolid te Timanem se kelahat, aw begayan dan te pedowan. ¹⁹ Tongod te sebad ke otaw nga weda pegtoman te Timanem medita se neinang mekesasala. Te iling heman nga pemeokit, tongod te pegtoman te sebad ke otaw medita se tolidenen te Timanem. ²⁰ Imbegay te Timanem se punu amon kitaen se punu amon kitaen te menge otaw nga medita se kandan kelepasan, aw seini migkedita pa gani tongod kay doen punu. Meneng bisan aw negkedita se sala, labaw pa miadagaya se grasya te Timanem. ²¹ Nayan iling nga se salanegtolos te kelahat menge otaw aw neg resulta te kemetayen se grasya te Timanem negetolos aw negerisulta te pedowan nga wedad temanon. Kay tongod te pig-inang ni Jesu Cristo nga kinitadon Timanem pigtolid ki den te Timanem.