¹ Penga nidekey, doen kinita ko anghel timeba tekt te langit. Doen inewidan din konsi alang te dalem te tana, aw doen heman sikandin dakel kedina. ² Dinakep din se dragon, ngayan heman se memokan kedengan, nga yan heman se Yawa aw si Satanas. Inlagket din ini awop te sebad melalan si omay. ³ Aw indagdag doton te awang te tana, egkendohan aw pig-inangan te pengilala se takleb amon wedad meke-owal nini. Yan se ininang doton te dragon amon eked den ini keinang se peg-limbong te menge otaw te kada ogpaanan awop te sebad melalan si omay. Pegkepenga te aldaw siyan buloyan sikandin te mebaba ulo nga penahon. ⁴ Nayan doen a kinita mge onsadanan. Se nemenoo te mge onsadanan siini binegayan te ketungod te peg-ekom. Aw kinita ko hemn se menge along te menge otaw nga tinepo se menge ulo tepad te kandan peg-indan-indan te tolomanen i Jesus aw te kagi te Timanem. Oda dan iyan penimba te men’nanap aw te inotaw. Oda dan heman peg-inang te pengilla te pengilala te menenanap kidoen te kandan kilay aw te kandan mge belad. Inantay dan aw egpadumala duma i Cristo awop te sebad melalan se omay. ⁵ Yan ini se muna peg-antay se duma nemetay weda entayi se wedapa kepenga se sebad melalan se omay. ⁶ Kelebahan se mege sakop te Timanem nga meke-intra te muna pegke-antay odaden tolos kandan se ikeduwa nga kemetayen. Meinang dan mge pari te Timanem aw i Cristo. Aw maghari dan duma i Cristo awop te sebad metalan se omay. ⁷ Penga te sebad melalan se omay, bulongan se Satanas lekat te egpesohan kandin. ⁸ Lumowa sikandin amon limbongan se menge ogpaanan kelehat keneyunan, tinawal te Gog aw Magong. Pegtiponen dan i Satanas amon mekigbolaw te menge sakop te Timanem. Se kandin metipon nga mge otaw meinang iling kedita te enay te kilid te dagat nga eked kebilang. ⁹ Doton dan se kelahat ogpaanan te keneyonan. Pelibedan dan se kampo te sakop te Timanem. Ngayan se siyudad onto insawol te poduwan te timanem. Meneng peudanan dan te Timanem te apoy lekat te langit aw mematay dan kelahat. ¹⁰ Aw si Satanas neglimbong kandan. Iagbel doton te linaw apoy nga doen neg-ebel-ebel doton peman inagbel se menenap aw se mge mini mge propeta. Doton elegen dan aldaw aw delem te wedad tamanan. ¹¹ Nayan doen a kinita dakel onsadanan meputi, aw doen minosad doton. Tinalon din se langit aw tana, aw eked den ini kitai heman toda. ¹² Kinita ko heman se menge mematay, kinilala man aw oda, timindeg te sinelowan te onsadanan. Birleka se mege libro. Apil se libro te piglistahan te mege neketig-apo te pedowan nga wedad tinemanan. Ukomen semge nematay minikagi te kandan mge ininang nga nesulat doton te menge libro te peduwan. ¹³ Nekelowa se mge along didekey mge nematay. Aw te kelahat dan ukomen sumala te kandan mge ininang. ^{14 15} Pegkepenga nini, se kemetayen mismo aw se ogpaanan te me nematay iagbet doton te linaw apoy. Aw pengkey sine ngadan se odad doton te libro se intlistahan te menge neketig-apo te podowan nga wadad temanem eg-agbet doton te linaw. Yan iyan se tinawal nga ikeduwa kemetayan.