¹ Pegkepenga nidekey, dimeneg a te kagi iling te medita onto mge otaw doton te langit. Minikagi dan te onto megsen. “Iduyun te se Timanem! Iduyun te se kenita don Timanem nga onto metolos te kelahat, kay sikandin se negpeluwa kenitadon! ² Onto metolid se kandin peg-ukom! Ukmen din se jinilala bayi nemiligya te kandin dengug, so egpeakop din se menge otaw te keneyonan te kandin melaw-ay ininang. Ipelemen sikandin te Timanem tanda te peg-imatoy din se mge alagad te Timanem.” ³ Minikagi dan heman toda, “Iduyun ta se Timanem! Se ebel nidekey pigsunog siyudad gayed den molbo te weda tinemanan!” ⁴ Aw se kelowan teg epat ke menge pengulo aw se epat men’nanap limohod aw nemimba te Timanem nga minonsad te trono. Minikagi dan, “Amen! Iduyun ta se Timanem!” ⁵ So nayan doen kagi dinineg ko lekat te onsadanan minikagi, “Iduyun niyu so kenitadon Timanem, kelahat niyo timolo kandin, se kinilala man aw oda!” ⁶ Penga nidekey, dineneg ko se kagi iling te medita onto mge otaw se kekag-sen iling te delog te selepi, iling ekon te magsen kilat, minikagi dan, “Induyun ta se Timanem! Kay se Timanem nga kenitadon Dios onto metolos te kelahat neghari den. ⁷ Keilangan onto kidon meluba, aw induyun ta sikandin. So dimateng den se aldaw te kasal te karnero. Se kandin pengesawa. En neketagad den. ⁸ Egpesaolan sikandin te meputi, melinis onto aw siminaw pa. “Se Saul siyan ilinen se kedagdagan te metoled se ininang te sakop te Timanem. ⁹ So nayan Minikagi se anghel kenak, “Solati ini, kelubahan se mge otaw inembitar te peiped te karnero.” Minikagi pa sikandin, “Benal ini mege kagi te Timanem.” ¹⁰ Limohod a te sinelowan te anghel te pegsimba kandin. Meneng minikagi sikandin kanak, “Eka egsimaba kanak, se Timanem ulo se angay nikaw simabahen. Suenen a ulo iling kamno aw te kamno mge keduwa nga neg sempetanen te kebenalan tepad ke Jesus.” Kay se kebenalan tepad ki Jesus yan heman se inikagi aw insolat te menge propeta. ¹¹ Nayan kinita ko neowal se langit, aw doton doen meputi koda. Se simakay te koda tinawal keseligan onto. Metolid se kandin peg-ukoni. ¹² Se kandin mge mata iling te apoy minebel aw doen medita mge korona te kandin ulo. Doen ngadan nekesulat kidoen kandin. Meneng weda onto kelebeti aw eden se kebenalan nini gawas kandin. ¹³ Nenoot sikandin te saol una inagen te dipanog. Tinawal sikandin kagi te Timanem. ¹⁴ Doen simonod kandin mge sundalo lekat te langit. Simakay heman te meputi menge koda, aw se kandan saom meputi aw odad kelepa. ¹⁵ Se limowa te kandin baba se megalang nga espada yan se kandin gemiten te pegpildi te kelahat mge ogpaanan, aw wedad mekebabag te kandin pegpengolo. Epekita din se onto keopal te metolos nga Timanem doton kandin. ¹⁶ Kidoen te kandin saol aw te kandin bobon nekesulat se mge kagi, “Hari nga melangkaw te kedita mge hari aw Timanem nga melangkaw te kedita mge Timanem.” ¹⁷ Nayan kinita ko se sebad ke anghel timendig kidoen te aldaw. Mig-olangag sikandin te mege manok eglayang te tenge-tenga te langit. “Ayas kaw megtipon kidon te dakel peipid te Timanem! ¹⁸ Ayas kaw kani niyo so unod te menge hari, mge heneral mge sundalo mege egpengoda. Apil se onod te kandan mge koda. Kani niyo se unod te kelahat mge otaw, ulipon aw kena ulipon, kinilala aw oda kilelai.” ¹⁹ Nayan kinita ko se mge men’nananap aw se menge hari te keneyonan se kandan mege sundalo negtipon amon te bolaw te simakay te meputi koda aw te kandin mge sundalo lekat te langit. ²⁰ Nadakep se men’nanap. Nedakep heman se mini nga propeta nga neg-inang te mege kepelahan te kandan peg-simba ye men’nanap, aw minimba te rebulto mini te duwa dan siyan iagbel buhi doton te linaw apoy doen neg-ebel-ebel nga asupri. ²¹ Se kandan menge sundalo pinengimatayan pineokit te espada nga limowa te baha te simakay te meputi koda. Aw onto nekepatoyang kenaen se mge manok eglayang e kandan unod.