¹ Penga sida, kinita to heman se sebad ke nga nghel ng limedot lekat te langit. Metolos ini nga anghel aw iwagen se lokop keneyonan te kandin ke solow. ² Migpegais sikandin te mekagsen, “Negobal den! Se bentogan Babilonia negobal den! Siini neinang den ini ogpaanan te menge demonyo o menge mededael Espirito, aw sen kelahat matang te menge manok nga medadaet aw melipa. ³ Nege makan ini te Babilonia tepad kay se kandin menge meg-ogpaay yan se migtintal te menge otaw te lukop keneyonanbnga megtondog te kandan menge mededaet inang nga igkebensihan te Timanem. Se menge hari keneyonan nekiglayog te Babilonia. Aw se menge negosyante te keneyonan megkedato tepad kay kidoen sikandin kondan egpemayad te kandin menge keilanganen amon mekepetoyang te kandin menge bisyo. ⁴ Aw doen dineneg ko lain heman nga kagi lakat te langit nga nekeikagi, “Sikeyo nga kanaken otaw, lowa kaw kidoen siyan nga siyudad, amon eked kaw kaekop te pelumun nga alang kandan. ⁵ Kon tepoken se kandin menge sala sinagko den ini te langit, kay medita onto se kandin menge inanang nga madaet aw eked den ini kelibeli te Timanem. ⁶ Kon eden se kandin ininang nga medaet doton te doma yan heman se inangen diya kandin. Aw doble pa onto se balos kandin. Kon eden se kanad igpelumun te doma doblehen pa iyan isip balos kandin. ⁷ Kon igmeno din pegpedeyen aw pegpetoyang te kandin bahandi, yan heman se ibalos nga kelima aw kegool kandin. Pegtoo din nga rayna sikandin aw eked onto kegool iling te menge balo. ⁸ Teped nini, domateng kandin se menge ketelagman menge eleg, menge kegool aw kebal’los, dalem olo te sebad ke aldaw. Pengan nini sonogen sikandin. Tepad kay metolos se Ginoong Dios nga ih-ukom kandin. ⁹ “Se menge hari te keneyonan nga nekiglayog kandin aw migpelabi olo te kandin behandi mekelag kon kitaen dan se ebel te kandin pegkesonog. ¹⁰ Tomengteng dan te medyo lepad kay melemitan dan nga meakop te pelumun nga alang kandan. Mikagi dan, “Ba’tan ba’tan se bentogan aw metolos nga siyudad te Babilonia. Kay te mebabo olo ke penahon nepelumunan sikandin! ¹¹ “Megkelag aw megool se menge negosyante te lokop keneyonan tepad te negemakan nedekey nga siyudad, kay wedad den memayad te kandan beligya. ¹² Wedad den memayad te kandan bolawan, plata, mehalo nga bato aw menge perlas aw kandan mahalon nga menge mengelapeng nga poti, melelagen o seda. Wedad den nemayad te kandan kayo nga metinadeg, te kandan gamit meten nga ininag lekat te bangil te elepante te mge mehalon nga kayo te bronsi te pothaw aw te marmol. ¹³ Aw weda den nemayad te kandan menge beligya nga menge penanneg nga iling te sinamon, insenso aw eden pa. Wedad den memayad te kandin bino. Lana harina aw trigo. Te kandan menge baka, karnero, koda aw karwahe, aw bisan te kandan menge olipen. ¹⁴ Migkagi se menge negosyante te syudad te Babilonia, “Se kelahat menge telepagan nga igpengandoy nikaw nga me-angkon, megkettetealon den. Se kelahat menge behandi aw menge telepagan nga igpesigarbo netalon. Aw sini kelahat eked no den kitai pegke penga! ¹⁵ Se menge negosyante nga negkedato tepad te kandan negosyo te sida siyudad tomindeg doton te kediyoan tepad kay melemifan dan nga meakop te pelumun ng alang kandin kemelag aw megool dan. ¹⁶ Aw mikagi, “Ba’tan ba’tan siyan bentogan nga siyudad! Gebii se menge otaw kidoen egpenoot te mehahon nga menge penelapeng nga meputi aw melelagen, aw egpenoot dan heman bolawan, mahahon nga bato aw menge perlas. ¹⁷ Meneng te mebaba oto ke penahon metalon se kelahat bahandi den. Tomengteng te kediyoan se menge kapitan te menge barko aw sen menge tripolante, apil se menge pasahero aw sen kelahat nga negdalog dalog te dagat. ¹⁸ Tilobo dn timendeg te ebel tepad te pegkesonog te siyudad. Migpegais dan, “Wedad onto siyudad nga iling kenyan te bentogan nga siyudad!” ¹⁹ Tepad te kandan kegool bodbodan dan te abog se kadan menge olo aw komelag dan nga megkagi, “Ba’tan ba’tan sian, bentogan nga siyudad! Tepad te kandin behandi migkedato se kelahat nga doen menge sekeyan te dagat! Meneng te mebaba olo nga penahon metalon se kelahat. ²⁰ Nayan kelahat niyo nga kidoen te langit, pegluba kaw tepad negemakan te sida siyudad. Pagluba kaw heman menge propeta, menge apostoles aw menge otaw te Timanem, tepad kay ig-okom den sikandin te Timanem te kandin menge inang kenyo!” ²¹ Awyanm doen sebad ke anghel nga igtolosan nga nemodot te bato nga se kedakel iling te dakel nga gelingan, aw inagbel doton te dagat aw minikagi, “Iling kani se pegketalon te bentogan nga siyudad te Babilonia, kay eked den ini deleg kitai toda. ²² Eked den deleg dinegi se sian siyudan se menge sonata te menge meg-aalpa, menge megpe plawta, menge megbobodyong aw daging te menge meg-delangan, eked den heman kitai nga doen megtrebaho te bisan eden nga matang te trabaho aw wedad den dinegen doton nga miggaling. ²³ Wedad den onto solo nga kitaen. Weda den denegen nga kagi te menge kaling ig-ipid. Igpelumunan se Babilonia tepad kay se kandin menge negusyante labi onto mebintaha, aw sen menge selemengkiro miglembong te menge otaw te keneyonan. ²⁴ Aw kena kay sian olo, kandan heman se sad-an te peg-imatay te menge propeta, te menge otaw te Timanem, aw kagi man nedikey kelahat menge otaw nga igmetayan te lokop keneyonan.