¹ Penga nidekey kinita ko se kaling langit awse kaling tana. Tepad te tapay langit aw tepay aw te tapay tana apil se dagat netalon den. ² Aw kinita ko se lonsod, se kaling Jerusalem, egpetena te Timanem lekat te langit. Siini se lonsod nekitagad den onto, iling te ipidenen bayi na nekesout te peiped ng penekten aw neketagad den te pegsungod te kandin esawahen. ³ Nayan, doen a dinineg magsen kagi lekat te onsadanan kagi din, “Siini, se ogpaanan te Timanem kidoen den te mge otaw! Migduma sikandin kandan aw sikanden mepakay kandin den mge otaw. Se Timanem mismo meinang dan domaen aw kandan Timanem. ⁴ Gelisen din se kandan mge luha. Wedaden kemetayan, keguol pegkelag, kesakit tepad te tapay mge kedinan minokit den.” ⁵ Nayan minikagi se minonsad doton te onsadanan, “Siini egkaling ko den se kelahat mge kedunan!” Aw minikagi sikandin kanak, “Sultihi se mge kagi siini so benal ini aw onto meontongan.” ⁶ Aw dimogang sikandin te pag-ikagi, “Se kelahat netuman den! Siak se Alpha se Alpha aw se Omega, se pesabot, se linekatan aw se tinemanan te kelahat. Aw doen nelaw peinamen ko sikandin te wedad bayad, te wayeg lekat te tunodan nemegay te poduwan. ⁷ Se mge nedug inangen ko kanak mge bata aw siak meinang dan Timanem. ⁸ Meneng se mge nelemitan nga tomoltol kanak. Se mge weda pemenal kanak. Se mge neg-inang te kededatan se mge egpemimatay te duma din otaw, se mge eglayok te kana din esawa, se mge eglamat se mge nenimba te kana benal Timanem, aw te kelahat mge bolalawen se ogpaanan alang kandan yan se linaw apoy nga doen Espiritu, yan ini i se Tinawal ikeduwa kemetayen.” ⁹ Nayan, migpedpag kanak se sebad nidekey ikepito ke anghel nga nengibing te mge lipong egsulan te pito ke tinemanen nga mga kedadatan. Minikagi sikandin, “Ayas ipekita ko kamno se bayi nga pengesawaen te karnero.” ¹⁰ Nayan inupan a te Espiritu Santo aw inibing te anghel te toktok onto melangkaw a bontod. Ipekita din kanan se Jerusalem, se beloan siyudad impetena te Timanem lekat te langit. ¹¹ Melowa ini teng-tengan tanda te tolos te Timanem, minanyag iling te mahalong bato nga haspi iling ketingaw te ispiho. ¹² Pigpelibotan se siyudad te melangkaw aw lig-on nga alad, doen sempolo tehduwa ke lubangan se meteg sebad ke lubangan doen sebad ka anghel negbanaty. Simulat peman doton te mge lubangan se mge ngadan te sempolo tegduwa ke inikegihan te Israel. ¹³ Doen telo ke lubangn te kada kilid te alad, telo se betowan te aldaw. Telo te se west, telo se east ae telo se selepan. ¹⁴ Se alad te siyudad egpetindeg te sempolo tegduwa ke tol lokanan igsulatan te menge ngadan te sempolo tegduwa ke mge apostoles te karnero. ¹⁵ Se anghel nga minikagi doen inibing sukodanan te bulawan amon isukod te siyudad apil se kandin mge lubangan aw se kandin mge alad. ¹⁶ Sen siyudad onto mig-onawa se kandan kelayat aw se kebelad sinukod te anghel. Se siyudad aw se kelayat nini duwa melalan aw epat gatos ke mitro. Aw se kandin kebelad aw se kandin kelayat iling heman te kandin sokod. ¹⁷ Sinokod heman te anhel se alad, aw bali kesyaman teg epat ke mitros se kandin gemiten se ginamit te anghel sukodenen yan heman se benal sukodan ginamit tadon mge otaw. ¹⁸ Se bato nga haspi, aw se siyudad mismo tomalag bulawan aw metingaw iling te Ispiho. ¹⁹ Se mge bato pigtollokan te alad egdayan-dayanan te kelahat klesihi te mehalon mge bato. Se muna tinollokan bato nga haspi, se ikeduwa sepiro se eketelo karsedonya se ekiepat esmiralda. ²⁰ Se ikelima sardonica, se ikeenem kornalina se ekepito krisolita se ikewalo berilo se ikesiyam topasio, se eke sempolo krisopraso se ike semopolo tegsebad hasinto. Se ike sempolo tegduwa amatista. ²¹ Se sempolo tegduwa ke lubanagan perlas. Kay se meteg lubangan ininang lekat te sebad ke dakel perlas. Se kelsada te siyudad tomalag bulawan aw metingaw iling te Kristal. ²² Weda kinita ko simbahan te siyudad kay se kandan siyudad yan se Ginoong Dios mismo nga onto metolos aw se karnero. ²³ Weda heman keilanangani se aldaw aw se bukan te siyudad siini, tanda te tolos te Timanem simenang doton, aw se karnero yan se kandin solo. ²⁴ Meanyagan se menge otaw te keneyunan te kandin solo, aw ibingen te menge hari te kelahat keneyunan se kandan bahandi doton. ²⁵ Meowang den gayed se lubangan te siyudad, eked den siredohi so wedaden delem doton. ²⁶ Ibingin kidoen te siyudad se mnge onto mepiya aw mahalen mge kedunan te menge keneyunan. ²⁷ Meneng eked peke-awop doton se pengkey eden aw kana melinio te sinelowan te Timanem. Pengkey sine se mig-inang te mekeyaya mge ininag, aw se mge bolaalawen. Se meke-awop ulo yan se mge otaw doen ngadan nekesolat te librote karnero, nga iglista te menge neketig-apo te kaling pedowan nga wadad tamanan.