1
Penge niyan dimotan. Minoli se Timanem te kandin longsod, aw Timaking kandin sen kandin menge Tinoledaan.
2
Te pegdateng te Aldaw ting ettoo nigtolada sikandin e sinagoga te menge Judio. Madita sen menge otaw doton nge dimineg kandin aw napala gayed sikandan. Minikagi sikandan, halayman madita kamno nategahan (kining tawhana? Kenen lay sikandin pekaebat niining kabiyasa? Aw halayman mekainag sikandin te menge milagro.
3
Kena lay sikandin man sen karpintero nge mengiso ni Maria aw menge kedowa din sikandan si Santiago, Jose, Judas, aw Simon, aw sen menge kedowa din nge bayi dini heman eg-ogpa? “Teped niyan eked gayed sikandan too kandin.
4
Penge niyan minikagi se Timanem kandan, “Sen Propita Belaan penghey kena lowa olo kidoen te kandin kaogalingon nga longsod aw te kandin menge kadomaan aw delem.
5
Yan goman nge wede sikandin pekaimang aw menge milagro siila nge ogpaenan lowa olo te pila ke menge ineleg mge kandin gipandongan te kandin menge belad aw nagolian.
6
Nepela sikandin nge wedii sikandan pemenel kanak, pengeniyan dimotan se Timanem te menge lonsod aw migtoleda.
7
Tinawol din sen sempolo tegduwa din ke Apostolis aw impeibig din sikandan te.
8
Pigpunuan din sikandan, “Ika niyo egpengibing pengkey eden te kanyo peg-ipenaw gawas yan olo te bangkia. Ika niyo egpengibing kanen, selapi aw kelepi.
9
Podi kaw man megsoot te sandalyas. Meneng eked kaw pengibing. Ekasan nge saol.
10
Kon pendelegon kaw te sebad he balay, kidoen kaw gayed peg-ogpa samtang masayo kaw diya te ogpaanan.
11
Meneng kon sen menge otaw te sebad ka mga eked dawat kanelan aw eked penenelan te kenyo mtolada, tenani niyo sikandan, aw te kenyo pegkesayo takteki se napo te kenyo menge benis, peg-aneng-aneng pegpehimangno para kandan.”
12
Nayan nasayo sikandan aw migtolada kon mahimo mengemoyo sen menge otaw te kandan menge sala.
13
Madita menge medaet Ispirito sen kandan impehedas aw madita menge ineleg sen kandan pigdemosan aw lana aw nagolian.
14
Nakedatong ki hari Herodes sen istorya teped te Timanem teped keg kinilala dan sikandin aw doma minikiagi nga se Timanem yan se Juan nge Memonyagay nge neantay yan iyan nge doen tolos din te peg-ineng menge kapalahan.
15
Meneng minikagi sen doma nge sikandin si Elias nge Propita. Aw minikagi pe gayed sen doma nge sikandin sebad ke Propita nge iling te menge Propita kedengan.
16
Te pegdenig ni Herodes siyan menge balitan, minikagi sikandin, “Neantay sie Juan nge kanak pigtepoan aw olo.”
17
Impedekop aw impekalaboso kedengan ni Herodes se Juan. Teped ki Herodes, si Herodiyas asawa te kedowa ni Herodes nge si Felipa. Meneng pigpengoghanan sikandin ki Herodes.
18
Gayed kagihan ni Juan si Heroded ng sopuk te kasogoan sen kamno peggengagnen te asawa te kamno kedowa.
19
Nayan naopal si Herodiyas ki Juan aw ibeg din nge ipeimatay seini, meneng-eked din keinang teped kay eked keibeg si Herodeds.
20
Nelemitan si Herodes kan Juan kon metegahan lay den nge se Juan, egpenimanem aw matinaed nge otaw. Nayan pigbelebagan ni Herodes si Juan ibeg ni Herodes nge menelan te menge polong ni Juan pengkey nge sen kandin menge dinineg miglibog kandin.
21
Te kemodihan demateng ra gayed sentempo nge pigtegedan ni Herodiyas, seini negemakan te eldew ni Herodes. Migpista si Herodes aw impetewad din sen menge sundalo, aw sen menge dedekal nge menge otaw dotan.
22
Te timpu te pista, minawop senlaga mge bata ni Herodiyas aw simayaw, naloba gayed si Herodes aw sen kandin menge bisita meneng minikagi se Herodes e laga pemoyoen din kamno pengkey eden sen kamno ibeg aw ibegay nikaw kandin.
23
Aw minikagi pe gayed sekandin te laga, “Migsapa onto nge pengkey edeb se kamno pamoyooon diya kanak ibeg aw ibegay diya kamno, meneng sen ugpo te kanak ogpeanan.”
24
Limowa sen laga aw neg-insa te kandin Inay Eden sen kamno pamoyoen. Timaba sen kandin nge pamoyoen ko sen olo ni Juan nge Mamonyagay.
25
Aw mig-ayas-ayas sikandin limiko te hari. Pegdateng din doton minikagi sikandin, “Ibeg ko nge ibegay nika kanak seini den sen olo ni Juan nge Memonyagay nge insawol te sablog.
26
Te dimota te hari nalido gayed sikandin meneng sen hinongdan onto migsapa sikandin aw dimineg ayas te kandin menge bisita. Eked din dapat kebibeli sen kandin saad te laga.
27
Diha-diha insugo din sen sebad ke sandalo nge ibingen kandin sen olo ni Juan. Nayan dimotan sen tinoledaan te kalaboso aw pigtepoen aw olo si Juan.
28
Insawol din iyan te sablag aw imbegay te laga, aw imbegay tada te laga doton te kandin inay.
29
Te pegdineg te menge tinoledaan ni Juan teped te nahitabo, dimotan dan aw inabet se lawa ni Juan aw inlebeng.
30
Sen menge Apostoles nge minipanew te migtolada limiko dan diya te timanem. Inikagi dan kandin sen katibokan nge kandan inineng aw menge intolada.
31
Teped te kadita te menge otaw nge miselin-selinay te pegdateng aw pegkesayo, wedew gayed sikandan timpo pengkey te pegkaen. Nayan minikagi se timanem te kandin menge tinalodaan, “Ayas, domotan kidon te kesilumihan nge dapit amon mekaetod kaw pengkey alok-alok olo.”
32
Nayan simakay sikandan te balangay aw dimoton te kesikmihan mge dapit.
33
Meneng kinilala daw te madita menge otaw nge kimita te kandan peg-ipanaw. Nayan kimeynen sen menge otaw lekat te kenen-kenen nge menge ogpaenan pesulo kidoen te lugar nge kido nen dan te timanem. Aw nekeona dan pe dimateng doton.
34
Te pegtena se Timanem te balangay, kinita din se madita onto sen menge otaw nge migtipon doto aw naido sikandin kandan, kay ilin dan menge karnero nge weded tig-apo. Nayan pigtododanan din sikandan aw madita menge lootang.
35
Te pegkemaapon dan onto, migpedepeg diya kandin sen kandin mge tenoledanan, minikagi sikandan, “Meapon dan, aw dini kidon pe te kasikmihan nge dapit.
36
Pedotoni dan sen menge otaw kidoen te menge baryo aw te menge sityo te kilid anon makabayad sikandan makaen.”
37
Meneng minikagi se Timanem kandan, “Kinyo mismo sen memegay kandan aw mekaen.” Mig-insa dan diya Timanem, “Mesayo kay ba a mayad aw pan nge mokabet aw balor walo se bolan nge sildo te sebed ke otaw amon ipekaen kandan?”
38
Minikagi se Timanem kandan, “Pila lay kadita sen kenyo pan kidoen? Be, teng-tengi niyo.” Te kidoen pegtengteng dan minikagi sikandan, “Liman ke pan aw dowa ke ikan.”
39
Aw yan insogo ke Timanem sen kandin menge tinoledaan nge peonsadi sen menge otaw nge meg-ebong-ebong kidoen te menge sagbet.
40
Nayan impeonsad sen menge taw te ebong nge tegsabad gatos aw tegkaliman.
41
Awyan, inabet se Timanenm sen lima ke pan aw dow ke ikan. Limengeg sikandin te langit aw migpesiontong te Timanenm. Aw binila-bila din sen menge pan aw imbegay diya te kandin menge tinoledaan amon iteped-teped te menge otaw, aw pigtenga-tenga toda din sen ikan te kadita.
42
Nakekaen sen kadita dan aw nabesag.
43
Penge nakekaen sen kadita, inimon dan sen menge sama nge pan aw ikan, aw sempolo teg duwa ke boliyas sen inipeno,
44
lima melalan sen kadita te menge maema olo nge kimaen.
45
Penge niya, insogo diya ke Timanem sen kandin menge tinoledaan nge simakay te balangay aw mona dan doton te Betsayda te dipag te lanaw samtang impeoli din sen menge otaw.
46
Te nekeleket dan sen menge otaw timekedeg sikandin te bontod amon megtawal-tawal.
47
Pegkedelem, sen belangay doton dan te lewod te lanaw, meneng se Timenemsebad din olo doton te bontod.
48
Kinita din nge nelimahan dan te pegbogsay, kay simongsong dan man te kelemeg. Te onto mata-mata te iselem, dimiya sikandin doton kandan nge minipanaw te lanto te lanaw. Mokit ebeg peden diya kenyo.
49
-
50
Menneg te pegteng-teng dan kandin mge minipanew diya te lanto te lanaw nelmitan dan aw migpeypey, “Along!” Meneng minikagi se Timanem kandan, “Ika niyo egkelemitan, siak ini! Peseligi se pedowan niyo!”
51
Awyan simakay sikandin te balangay aw timeneng sen megsen nge kelemeg, aw nepela gayed sikandan.
52
Pengkey kinita den dan sen kepelahan nge ininang diya te pan, wede dan din gayed pekelebet te kedeg-degon nida teped kay nangit-ngitan pe sen kandan aneng-aneng.
53
Te pegdeteng dan doton te dipag, migdong sikandan te Genezaret aw doton dan migpondo sen balangay.
54
Te pegtena dan, kinilala heman te menge otaw se Timanem.
55
Nayan migsaling-saling sen menge otaw dimotan te kilid nge menge lugar aw pigtegmes dan te menge ibeteneng sen menge masekiten aw inibing dan te lugar nge dinineg dan nge diya gina se Timanem.
56
Pengkey kenen pesalo, te menge sitio, te menge baryo o kaha te menge lungsod, kon dinineg dan mge diya gina se Timanem ibingen dan heman sen kandan masekiten te menge lugar mge egpondokan gayed te menge otaw. Belew-belew dan se Timanem nge togotan dan sen menge masakiten nge gomampay kandin pengkey te toktok olo te kandin sael aw sen kadita nge genampay nagolian.