¹ Doen mge Parisiyu aw pilabok ke mge egtulada te inikagihan nga dimateng lekat te Jerusalem aw limibot ki Jesus. ² Kinita dan nga se duma te kandin mge tinuladaan egkaen nga kena eg-onaw. Supak iyan te tulumanon te mge Parisiyu. ³ Kenan ulo mge Parisiyu kon kana se kelahat peman mge Judiyu edked kaen aw eked una dan peg-ugas sumala te tulumanon lekat te kandan mge obanen. ⁴ Eked dan peman kaen te bisan eden nga lekat te tindahan kon eked una dan peg-unaw. Medita pa onto se kandan mge tulumanon iling te peg-ogas te mge tabo, aw keldiro nga lagaanan. ⁵ Nayan meg-insa ki Jesus se mge Parisiyu aw se mge egtulada te insugo, “Ngalay se kamno mge tinuladaan weda dan toman te mge tulumanon te kenita mge keobanenan? Egkaen nga kena eg-onaw.” ⁶ Benal kedi se inikagi ni Propita Isaias tepad kenyo nga mge egpekerong-ingnon. Sumala pa te insulat i Isaias, minikagi se Timanem, ‘Siini mge otaw eg-ated kanak te baba olo. Meneng se kandan aneng-aneng mediyu kanak. ⁷ Wedad kepuslanan te kandan pegsimba kanak. Kay se kandan egtulada nge mge netagahan mge inanang ulo te mge otaw.’ ⁸ Egselikway niyo se insugo te Dios, aw se mge netagahan te otaw se kenyo egtoman.” ⁹ Minikagi pe heman si Jesus, “Mepiya kaw peman mengaha te peokit te pegsalikway te egpesunod te Dios amon sumonod kenyo se kenyo mge tulumanon. ¹⁰ Iling te penenglitan te siini: Si Moises minikagi, ‘Tehodi se kenyo amay aw inay, aw se mikagi te medaet te kandin amay aw inay keilangan matayan.’ ¹¹ Meneng kenyo nagtuloda nga aw se otaw doen ika talaban peden te kandin mge obanen, aw mikagi kandan,’ (Korban ini,’ aw se kenita pa: Siini se alang te Timanem) ¹² Weda din sikandin obligasyon te pegtalabanan kandan. ¹³ Egpekewedad pulos niyo se kagi te Timanem tepad te kenyo pegsunod nga tuluman aw medita pa se iling niini nga kenyo ininang. ¹⁴ Finawal peman i Jesus se mge otaw aw egkegihan din dan, ‘Mehalan se kelahat kanak, aw seboti niyo se kanak ikegiyen. ¹⁵ Kena butang se mekeawop te otaw se mekepelipa kandin, aw kena se mge limowa kandan. ¹⁶ (Keilangan nga seboti gayed niyo siini kenyo netagahan!) ¹⁷ Pegkipenga timanan sikandin te mge otaw aw minawop sikandin te balay. So doton din sikandin te dalem, neg-insa kandin se kandin mge tinuladaan aw eden se sembingay nidekey egkagi din. ¹⁸ Minikagi si Jesus kandin, “Nengalay, weda kaw peman kedi pekelabet? Weda niyo kedi ketagahi nga se bisan eden nga mekaen eked pekelipa te otaw? ¹⁹ Kay weda man iyan awop te kandin pedowan aw kana te kandin getek aw lumuwa ulo te kandin lawa.” Te peg-ikagi ni Jesus niini kandin (gipadayag) nga se kelahat nga pegkaen meinang mekaen. ²⁰ Minikagi peman sikandin, “Se lumowa te otaw yan se mekelipa kandin atubangan te Timanem. ²¹ Kay lekat te peduwan te otaw se medaet nga mge peg-aneng-aneng nga iling te negtulod kandin te mekighilawas gawas te keminyoon, pegpenakaw, pegpengimatay, ²² pegpenapaw, pegkehakog, peg-inang te kalahat matang te medaet, pegpenglimbong, pegbinastos, pegkesina, peg-ikagi te medaet te kamno duma otaw, peggarbo aw pegbinuang. ²³ Se kelahat mga medaet ininang lekat te dalem te aneng-aneng te otaw, aw siini se mekepelipa kandin. ²⁴ Nayan lekat te Probinsya te Galilia dinoton si Jesus te mge ugpaanan nga sakop te Tyre aw Sidon. Doton dimayon sikandin te sibad ka balay. kena din peden ibeg nga metagahan te mge otaw nga doton sikandin, meneng eked sikandin ke iles. ²⁵ - ²⁶ Gani doen baye nga kena Judio nga nekedineg nga doton si Jesus. Sini nga baye tege-Fenicia nga sakop te Syria aw kandin inikegiyan Griego. Doen sikandin bata baye nga eg-opan te medaet Ispirito. Nayan dimotan dayon sikandin ki Jesus aw limuhod, aw negpekeido nga aw meinang lalagen din se medaet Ispirito te kandin te bata. ²⁷ Meneng minikagi si Jesus kandin peagi te sembingay, "Keilangan nga pekahun muna se mge bata, kay eked mepiya nga ibaten se pegkaen te mge bata aw ibegay doton te mge toyang." ²⁸ Timobag se baye kandin, "Benal yan Timanem, meneng bisan pa se mge tuyang te ongan te lemisa mekekaen te mge usik te mge bata." ²⁹ Nayan minikagi si Jesus kandin, "Tepad te kamno tubag, mekeg-uli iyan. Se medaet Ispirito limuwan den te kamno bata." ³⁰ Minuli se baye aw nataga dan din se kandin bata nga minibat te katre, aw se medaet Ispirito limuwa nesayu din kandin. ³¹ Liket te mge ogpaanan nga sakop te Tyre, minokit si Jesus te Sidon aw te Probinsya te Decapolis. Pegkepenga limaos sikandin te linaw te Galilea. ³² Doen etaw doton nga bingelen aw omo nga inibing te mge otaw doton ki Jesus. Negpekedo dan nga ipatong din se kandin belad niini otaw. ³³ Eglahi sikandin i Jesus te keditaan, aw eg-awop ni Jesus se kandin mge tudlo te mge talinga niini. Nayan nenuptep sikandin aw egpahid din se ngi-ngi din doton te dila nidekey maama. ³⁴ Limengag si Jesus te langit aw megpedo-pedo te medalem aw minikagi sikandin, "Effata!" Se pesabot, 'Meabri ka!' ³⁵ Penga nidekey nekedineg din sikandin klaro den se kandin peg-ikagi. ³⁶ Egpesidan-an i Jesus se mge otaw nga eked dan peg-indan te bisan sine bahin te nehitabo. Meneng bisan aw egdili-andan samat din beleng se kandan, peg-inda-indan te nehitabo doton te mge otaw. ³⁷ Dakel onto se ketingala te mge otaw. Minikagi dan, "Mepiya se kelahat ininang din! Kay bisan se mge bingelen neinang din nga nekedineg aw se mge umo nekeikagi den!"