¹ Nesayo si Jesus lekat te Capernaum aw dimoton te menge ogpaanan nga sakop te Judea, aw mimatay sikandin te wayeg te Jordan. Medita den heman se menge otaw nga negtipon doton kandin aw pigtudloan din dan iling te kandin neandan nga eg-inangen. ² Doen menge Pariseo heman nga dimota doton. Nengemaha dan te kamali amon ikedimanda dam sikandin. Nayan neg-insa dan ki Jesus, "Pigtogot ba te punu nga suwayen te meama se kandin esawa?" ³ Pigtaba dan i Jesus pineokit te sebad ke insa, "Eden kedi se sogo ni Moises kenyo?" ⁴ Timaba dan, "Negtogot si Moises nga mekeinang se meama te papilis te pegsuwa, pegkepenga niyan meinang din den suwayen se kandin esawa." ⁵ Minikagi si Jesus kandan, "Tongod kay magsen se olo niyo, pigsulat ni Moises alang kenyo se maong sogo seini. ⁶ Meneng lekat te pegmugna te keneyonan, 'Pig-inang dan te Timanem nga meama aw bayi.' ⁷ Seini ini se lekatan nga tenanan te meama se kandin amay aw inay aw someled te kandin esawa, ⁸ aw sikandan dowa meinang sebad. Kena den dan dowa kon kena sebad den olo. ⁹ Nayan eked kepakay suwayen te otaw se pigsebad te Timanem." ¹⁰ Te pegdateng dan te baley neg-insa den heman se menge tinuladaan tepad te pegsuway. ¹¹ Minikagi si Jesus kandan, "Kon makigsuway se meama te kandin easawa aw mengesawa te doma, mekelappan sikandin aw mekesala te kandin mona nga esawa. ¹² Aw kon makigwuway se bayi te kandin esawa aw mengagnan e lain, nekelappan heman sikandin. " ¹³ Doen menge otaw nga nengibing te kandan dedeitek mga menge nengisu ki Jesus amon tedongan din te kandin belad te pegpasionton kandan. meneng pigsagda dan te menge tinuladaan ni Jesus. ¹⁴ Pegkita ni kenyan neopal sikandin aw minikagi te kandin menge tinoladaan, "Pebayai den niyo se menge mengisa nga megpadapag kenak. Eka niyo egpogong kandan kay se menge iling kandan nesakop te pehari te Timanem. ¹⁵ Te pegkebenal, si bisan sino nga eked pegpesakop te peghari te Timanem nga iling te pegpasakop te menge mengisu seini, eked onto keapil te peghari te Timanem." ¹⁶ Aw pig-olid din se menge mengisu, pigtedong din se kandin belad kandan aw pigpasiontongan din dan. ¹⁷ Te dalem minipanaw den si Jesus, doen otaw nga kimaghan pesalo kandin aw limohod, aw neg-insa, "Mepiya nga maistro, eden lebo se kenak inangen amon mekenawa ko se pedowan nga wedad temanan?" ¹⁸ Timaba si Jesus kandin, "Nga lay minikagi ka man mepiya a? Wedad bisan sino nga mepiya gawas te Timanem. ¹⁹ Kon tepad te kamno insa, neketaga-taga ka den te inikagi te punu: Eka egpengimatey, eka eglappang e ka egpenakaw, eka egtistigo aw kabolalaw, eka eglimbong, memasa ka te kamno amay aw inay." ²⁰ Timaba sikandin ki Jesus, "Maistro, seini kelahat pigtolo ko lekat te bata pa." ²¹ Pigtengtengan sikandin ni Jesus ng doen dakel pedowan aw inikegihan, "Sebab pakekana se kulang kamno. Oli ka aw ibeligya sa kamno kedoman, aw se halin ipemegay te menge pobri. Te iling kenyan nga peokit meinang ka meyaman doton te langit. Pegkepenga niyan liko ka aw taking ka kenak." ²² Nepelek onto se otaw te pegkedineg din niyan aw menesayo sikandin nga negool kay medita man se kandin kadonan. ²³ Te nekesayo den se otaw timengteng si Jesus te kandin menge tinoladaan aw minikagi, "Melima onto alang te menge meyaman nga megpasakop te peghari te Timanem." ²⁴ Nepela se menge tinoladaan te kandin inikagi. Nayan negpedeleg sikandin te peg-ikagi, "Menge mengisu, meliam onto se pegpesakop te peghari te Timanem. ²⁵ Sayon pa se peg-okit ta ayam-ayam nga kamilyo ta awang te dagem kay te pegpasakup te meyaman te peghari te Timanem!" ²⁶ Nepela dan onto aw minikagi, "Kon iling kenyan, sinulug man kedi se umekelowa?" ²⁷ Pigtengtengan dan ni Jesu aw minikagi, "Eked onto ini keinang te otaw, meneng wedad eked keingay te Timanem; Kay se kelahat meinangat man te Timanem." ²⁸ Minikagi si Pedro kandin, "SIkami pigtenanan daybag se kelahat aw timaking kay kamno." ²⁹ Minikagi si Jesus kandan, "Te pegkebenal, ikegihan ko sikiyo, wedad otaw nga tomananan te kandin balay din menge keduwa din, inay din, amay din, menge mengisu din, menge tanan din tongod aw alang kenak aw alang kenak aw te mepiya kagi, ³⁰ nge eked pekekinawa te medita pa onto nga balos seini nga panahon: menge balay, menge kedowa, menge inay, menge mengisu, menge tana, aw lakip se menge aldaw mekekinawa heman te pedowan nga wedad temanan. ³¹ Medita se medengeg seini nga te kemodihan meinang onto medana, og medita se onto medana seini nga te kemodihan meinang medengeg." ³² Dalem negpasalo dan te Jerusalem, minuna si Jesus kandan. Se kandin menge tinoladan pigkotbaan aw se doma nga timaking kandin nelemitan onto. Pigtani din toda heman se kandin sempolo tegdowa ke Apostoles aw pigkegihan din dan kon eden se mahitabo kandin. ³³ Minikagi sikandin kandan, "Penalan kaw! Negpasalo kidon te Jerusalem aw siak nga Bata te Otaw ibegay doton te menge kelengkawan te menge pari aw te menge megtotoladaay te panu, aw okomem a dan nga imetayan. Aw ibegay a dan doton te menge otaw nge kena Judio. ³⁴ Tempeye sen a dan, aw teptepan, aw bonalen, aw dayon imetayan. Meneng penga tetelo si aldaw meantay a." ³⁵ Dimolod kandin si Juan aw si Santiago nhga menge mengisu ni Zibidi aw minikagi, "Maistro, doen ihangyo daw peden kamno." ³⁶ Timaba si Jesus kandan, "Eden se kenyo ihangyo kenak?" ³⁷ Minikagi dan, "Kon meghari ka den doton te kamno ogpanan, palihog paansadi kay dowa kidoen te kamno dapag; se sebad te kamno kowanan aw sesebad te kamno bibang." ³⁸ Meneng minikagi si Jesus kandan, "Weda niyo ketegahi kon eden se kenyo pinemoyo. Metayod ba niyo se kesakit ng kenak antosen? Aw meagwanta ba heman niyo se kelimahan ng kenak okitanan?" ³⁹ Timaba dan, "Ee meinaag day. "Minikagi si Jesus kandan, "Benal, tomayod aw meagwanta niyo se menge kelimahan ug kanak pege okitan. ⁴⁰ Meneng kena siak se memalli kon sina se mennoo te kanak kowanan aaw te kanak bibang, kay doen den pigtaganahan niyan." ⁴¹ Te pegkedineg se sampolo ke tinoladaan te kandan pighangyu, neopal dan onto ki Santiago aw ki Juan. ⁴² Nayan pigtawal se kelahat dan ni Jesus aw pig-ikegihan, "Netegahan niyo nga se menge kelengkawan te keneyonan seini doen tolos te pegsogo te kandan menge sakop aw sikandan se megboat kon eden se kanda inangen kandan. ⁴³ Meneng kena iling kani se angay kenyo. Kay kon sinu kenyo se ibeg nga meinang gamhanan kailangan ug meinang sikandin kenyo sogoenen, ⁴⁴ aw kon sinu kenyo se meibeg nga meinang pangolo kailangan nga meinang sikandin allang te kedita. ⁴⁵ Kay bisan pa gani siak nga bata te otaw weda dini dini te keneyonan amon sagmanen, kon kena amo megsagman aw memegay te kanak pedowen te pegtobos te medita menge otaw." ⁴⁶ Dimateng dan te Jirico. Aw te dalem lomowa den si Jesus seini nga longsod doma te kandin menge tinoladaan aw te medita menge otaw, neokitan dan se sebad ke bota nga nenoo aw negpekelimos te kilid te dalan, sikandin si Baltimeo nga bata ni Timeus. ⁴⁷ Te pegkedineg din nga kidoen si Jesus nga taga Nasarit mig-olangag sikandin, "Jesus nga bowad bowad ni David, keidohi a bag!" ⁴⁸ Pigsagda sikandin te menge otaw amon mepenek. Meneng pigkagsen din pa beling se peg-olangag, "Bowad bowad ni David, keidohi a bag!" ⁴⁹ Timeneng si Jesus ay minikagi, "Ibingi niyo sikandin dini kenak nayan pigtawal dan se bota, aw pig-ikegihan, "Peglipay! Ayas tindeg! Kay pigtawal ka ni Jesus" ⁵⁰ Pig-agbel din se kandin melayat saol aw nigkesaling sibadin dimolad ki Jesus. ⁵¹ Aw minikagi si Jesus kandin, "Eden se kamno ebeg nga inangen ko kamno?" Timaba se bota, "Maistro, ebeg ko nga komita toda." ⁵² Aw pig-ikegihan sikandin ni Jesus, "Ipanaw. Se kamno pegpemenal yanse nekegoli kamno." Kidoen dayon kinita sikandin aw tamaking ki Jesus te dalan.