¹ Minikagi hman si Jesus kandan, "Te pegkebenal, doen menge otaw din nga eked pa kematay taman te kitaen dan se peghari te Timanem nga domateng nge doen tolos." ² Peg-okit te enem si eldew inibing dan i Jesus si Pedro, Santiago, aw si Juan te melangkawnga bentod aw sikandan olo sedotan. Dalem timengten dan ki Jesus, netoda se kandin bawa. ³ Se kandin kelewasen meputi aw salaw onto wedad bisan sine dini te keneyonan nya mekepeputi te iling nida. ⁴ Penga niyan kinita dan si Elias aw si Moisis nga negsempetanen ki Jesus. ⁵ Minikagi si Pedro ki Jesus, "Meistro, mepiya nga dini kay dini meg-inay kay te telo ke layag, se sebad alang kamno, se sebad alang kamno, se sebad alang ki Moisis, aw se sebad alang ki Elias." ⁶ Iling kani se kandin inikagi kag wada sikandin peketaga-taga kon eden se angay din ikegihen tngod kay pigkulbaan onto sikandin. ⁷ Penga niyann doen dimateng nga labon nga migbonbong kandan. Lekat te labon doen kagi dinineg dan nga minikagi, "Seini se kanak pigkedekelan pedowan nga bata. Penalan kaw kandin!" ⁸ Kidoen dayon timengteng dan te pelibed, meneng weda den kinita dan olo den si Jesus. ⁹ Dalen timopang dan lekat se bantod, pigpunuan dan i Jesus, "Eka niyo eg-indan-indan ki bisan se kenyo kinita dalem siak nga bata se otaw eked pekenatay." ¹⁰ Nayan weda dan bag peg-indan-indan te menge panghitabo seda. Meneng te olo den sikandan negpeinsay dan kon eden se kedagdagan te kandin inikagi nga meantay. ¹¹ Neg-insa dan ki Jsus, "Nga lay nekeikagi man se menge megtutuladay te punu nga kailanga domateng una si Elias te eked pa se Cristo?" ¹² - ¹³ Timaba si Jesus kandan, "Onto yan, kailangan nga domateng ona si Elias amon andamen din se kedita. Meneng ikegihan ko sikeyo, SI Elias dimateng den. Pig-inang den te menge otaw diya kandin se kandan eebeg sumala te nesulat tepad kandin. Meneng ngalay nesulat man nga siak nga bata te otaw kailangan nge mekeokit te medita menge kelimahan tamanan te menge otaw?" ¹⁴ Te pegliko dan i Jesus doton te kandin menge tinuladaan nga netenanan, kinita dan nga medita se menge otaw nge neglibeg kandan. Doen heman menge megtotoladaay te punu nga nakiiglalis te menge tinuladaan nI Jesus. ¹⁵ Pegkita te menge otaw ki Jesus nepela dan onto, nayan kimagnan dan pesalo diya kandin amon tepegsongon kandin. ¹⁶ Neg-insa si Jesus kandan, "Eden man se kenyo piglalisan?" ¹⁷ Timaba se sebadke menge otaw kidoen, "Meistro, inibing ko dini kamno se kenak bata nga meama kay pig-opan sikandin te medaet Ispirito aw eked den sikandin pekeikagi. ¹⁸ Kon etekihen sikandin te medaet Ispirito mepilay sikandin te tana, egbohak se kandin baba, aw eglengetnget se kandin menge ngipen, pgkepenga egkeseg sikandin. Pighangyo ko se kamno menge tinoladaan nga pekedasen dan se medaet Ispirito meneng eked dan pekeinang." ¹⁹ Minikagi si Jesus, "Sikiyu nga menge otaw te panahon seini wedad onto pegpemenal. Hangtodkenan ta man sa kenak pegpeilob kenyo? Ibingi niyo dini kenak se bata." ²⁰ Nayan inibing dan se bata diya kandin. Pegkita se medaet Ispirito ki Jesus, pigpetegangteng dan se bata aw nepilay ini aw negligid-ligid te tana nga negbuhak se baba. ²¹ Pig-insa ni Jesus se amay te bata, "Kano pa kedi sikandin neling kani?" Timaba se amay, "Lekat te deitek pa sikandin." ²² Gayed sikandin iagbel te apoy o te wayeg te medaet Ispirito amon sikandin mematay. Meneng aw doen meinang no, keidohi aw tabangi kay bag!" ²³ Minikagi si Jesus kandan, "Nga lay minikagi ka nga kon doen meinang ko? Se kelahat meinang ko te otaw mga memenal kenak." ²⁴ Aw timaba dayon se amay te bata, "Nemenal a, meneng kulang pa. Dugangi se kenak pegpemenal." ²⁵ Pegkita ni Jesus nga negdogok den se menge otaw pesalo kandan, minikagi sikandin te medaet nga Ispirito, "Kamno nga Ispirito nga sikona negpeomo aw migpebingel te bata, mandoan ko sikona te pegluwa aw ika den egliko kandin!" ²⁶ Mig-olangag se medaet Ispirito aw pigpetegangteng in onto se bata aw penga niyan limowa sikandin. Iling den nematay se bata, nayab minikagi se kedita, "Patayden sikandin!" ²⁷ Meneng inewidan ni Jesus se belad te bata ayu inpeenaw, aw timindeg ini. ²⁸ Te peg-awok ni Jesus te baley nga kandan pigpenitan neg-insa kandan se kandin menge tinoladaan dalem sikandan den olo, "Ngalay may sikami eked kay pekalalag te medaet Ispirito kidoen te bata?" ²⁹ Timaba sikandin kandan, "Sida nga matang te medaet Ispirito melalag yan pineokit se pegtawal-tawal." ³⁰ Nesayo dan te ogpaanan siyan aw minokit te Galilea. Eked keibeg si Jesus nga doen meketaga-taga kon kenan sikandin. ³¹ Amon mekehigayon sikandin te pegtolada te kandin menge tinoladaan, nekeikagi sikandin kandan, "Siak nga bata sa otaw ibegay doton te menge otaw nga mengimatay kandin, meneng penga te telo si aldow meantay a." ³² Se kandin menge tinoladaan weda pakalabet kon eden si kandin ibeg ipekalabet. Meneng neyaya dan nga meg-insa kandin. ³³ Dimateng dan te Kapirnaum. Te dalem kidoen dan te baley, neg-insa si Jesus kandan, "Eden lay se kenyo piglalisan doton te dalan dalem minipanaw kaw?" ³⁴ Meneng bepenek dan olo tongod kay neglalis dan aw sino kandan se onto melangkaw te kedita. ³⁵ Minonsad si Jesus aw pigtowal din se sempolo tegdowa ke Apostolis. Aw minikagi sikandin kandan, "Konn sino kenyo s meibeg nga meinang pengolo, kailangan nga megpedana sikandin aw meinang allang te kedita." ³⁶ Penga niyan nengabat sikandin te deitek bala aw inpesinalo din kandan. Pig-alid din se bata aw minikagi kandan, ³⁷ "Si bisan sino nga tongod te kandin pegtaking kenak kominawa te bata nga iling kani, negkinawa heman kenak. Aw se kominawa kenak negkinawa heman te negpeibing kenak." ³⁸ Minikagi si Juan kandin, "Maistro, kimita kay te sebad ke otaw nga eglalag te menge medaet Ispirito aw se kamno ngadan se kandan piggamit. Pigpeteneng day sikandin tongod kay kena tadon sikandin doma." ³⁹ Meneng minikagi si Jesus, pebeyai den niyo kay wedad meg-inang te kepelahan pineokit te kenak ngadan nga mekeikagi dayon te medaet tepad kenak. ⁴⁰ Si bisan sino nga kena egbatok kinitadon dapig kinitadon. ⁴¹ Te pegkebenal, si bisan sino nga memegay kenyo te sebad baso nga wayeg tongod kay sikiyo netig-apu kaw den i Kristo, siyan nga otaw mekekinawa onto sikandin te ontong." ⁴² Meneng si bisan sino nga meg-inang te lekatan te pegtanan te pegpemenal te menge dedeitek mengisu seini kenak mepiya pa nga iketen se kandin lieg te gelingan nga bato aw idagdag sikandin te dagat. ⁴³ - ⁴⁴ kon se kamno belad meinang lekatan te kamno pegtanan kenak, kelengi iyan! Mas mepiya pa nga sebad olo se kamno belad meneng doen pedowon no mgo wedad temanan kay se dowa se kamno belad meneng mekedoton ka te linaw apoy se apoy doton eked gyod kepadeng. ⁴⁵ - ⁴⁶ Aw kon se kamno benis meinang lekatan te kamno pegtanan kenak, kelengi iyan! Mas mepiya pa nga sebad olo se kamno benis meneng doen pedowan no nga wedad temanan kay sedowa se kamno beni meneng idagdag ka man lang te linaw apoy. ⁴⁷ Awkon se kamno mata hema se meinang lekatang te kamno pegtanan kenak, lugiti, iyan! Mas mepiya pa nge mawop ka te gingharian te Timanem nga sebad olo se kamno mata kay se dowa se kamno mata meneng idagdag ka man lang te linaw apoy. ⁴⁸ Se menge sapat doton weda kematayen aw se apoy wedad pekepadeng. ⁴⁹ Kay pegeasinan se kedita pineokit te apoy. ⁵⁰ Se asin mapaslanon, meneng kon se asin mewedandan te kepait, wedaden meinang pa amon megkepiya nanaon. Aw kon pigmeno nga se asin meketabang kinitadon, koilanang iling kaw heman te asin nga meketabang, aw doen dakel mepiya pedowan te sebad-sebad.